ការឌីស្សាញផ្នែកខាងក្នុងឡានអគ្គិសនី Hyundai កូនកាត់ចិន ត្រូវបានបង្ហាញចេញហើយ

នៅថ្ងៃនេះ ក្រុមហ៊ុន Beijing Hyundai បានបង្ហាញចេញជាផ្លូវការណ៌នូវរូបភាពបង្ហាញពីការឌីស្សាញការឌីស្សាញផ្នែកខាងក្នុងឡាន Beijing Hyundai Elexio ដែលជាឡានអគ្គិសនីសុទ្ធដំបូងគេរបស់ខ្លួនហើយ ស្របពេបដែលការដាក់សម្ពោធឡានថ្មីនេះ ត្រូវបានគេដឹងថា នឹងមកដល់នៅត្រីមាសទី 3 ខាងមុខ។ តាមរយៈរូបភាពនេះ បង្ហាញថា ក្នុងឡាននេះ មានអេក្រង់ 2 ទំហំ 27 អ៊ីង បង្ហាញចេញបានញកម្រិត 4K resolution ហើយនិងគាំទ្រដោយពន្លឺ 1000 cd/m²។ 

សម្រាប់ដៃចង្កូតវិញ ត្រូវបានរចនាជាពិសេសភ្ជាប់មកនូវមុខងារ Paddle Shifters ដែលអនុញាតអោយអ្នកបើកបរអាចធ្វើការផ្លាស់ប្តូរនូវកម្រិតថាមពលបាន 4 របៀប ដែលសមស្រមតាមមុខងារបើកបរនិមួយៗ។ ជាមួយគ្នានេះ ក្នុងឡាន Elexio ក៏មានកន្លែងសាកថ្ម wireless ចំនួនពី dual-zone synchronized សម្រាប់អ្នកបើកបរ និងអ្នកអមដំណើរអាចសាកបានក្នុងពេលតែមួយ។ បន្ថែមពីនេះនៅឡាននេះ ក៏មានកន្លែងផ្ទុកដាក់សម្ភារៈបានច្រើនកន្លែងថែមទៀតផង គឺមានដល់ទៅ 29 កន្លែង។

សម្រាប់ឡានអគ្គិសនី Elexio SUV នេះ គឺត្រូវបានក្រុមហ៊ុនធ្វើការចុះបញ្ជីដាក់លក់សម្រាប់ទីផ្សារប្រទេសចិនរួចរាល់ហើយ ដោយមានទាំងម៉ូដែល FWD និងម៉ូដែល AWD។ សម្រាប់ម៉ូដែល FWD គឺមានការប្រើប្រាស់នូវម៉ូទ័រ 1 កម្លាំង 160 kW ខណៈដែលម៉ូដែល AWD មានថែមម៉ូទ័រក្រោយ 73kW ដែលសរុបគឺមានកម្លាំង 233 kW (312 សេះ)។ ជម្រើសទាំងពីរនេះ គឺអាចរត់បានល្បឿនលឿនបំផុត 185km/h។ ឡាននេះ នឹងប្រើប្រាស់អាគុយ lithium-iron-phosphate (LFP) របស់ FinDreams ដែលជាបុត្រសម្ព័ន្ធរបស់ BYD មានសមត្ថភាពអាចរត់បានចម្ងាយ 700km តាមស្តង់ដារ CLTC។

សូមជំរាបថា Hyundai Elexio នេះបង្ហាញវត្តមានជាលើកដំបូងនៅខែមេសានៅព្រឹត្តិការណ៌ Shanghai Auto Show ប៉ុន្តែមិនមានបង្ហាញចេញនូវលក្ខណៈសម្បត្តិនោះទេ។ ប៉ុន្តែសម្រាប់ឡានអគ្គិសនី Elexio ថ្មីនេះ នឹងមានការប្រើប្រាស់នូវស្ថាបត្យកម្ម Electric Global Modular Platform (E-GMP) របស់ Hyundai ហើយនិងបំពាក់នូវប្រព័ន្ធថាមពលអគ្គិសនីរបស់ប្រទេសចិន។