នៅថ្ងៃនេះ Nio បានចេញមកប្រកាសជាផ្លូវការណ៌ ខ្លួននឹងមានការប្រកាសចេញនូវរថយន្តម៉ូដែលប្រណិត ET9 Horizon Edition ជាមួយជម្រើស 2 ពណ៌នៅចុងឆ្នាំនេះ។ តាមការបង្ហោះនៅលើបណ្តាញ Weibo នៅពេលនេះ ក៏មានការបង្ហាញនូវរូបភាពរបស់ឡានអគ្គិសនីថ្មីនេះផងដែរ នៅក្នុងនោះក៏មានការនិយាយថា ការមកដល់នៃម៉ូដែលនេះ គឺបញ្ជាក់ពីការឌីស្សាញរថយន្តកាន់តែអស្ចារ្យ។
យោងតាមការបញ្ជាក់ពីក្រុមហ៊ុន Nio បានអោយដឹងថា សម្រាប់ម៉ូដែល The Horizon Edition នេះ គឺពិតជាពិសេសជាងម៉ូដែលមុន ដោយវត្តមានឡានអគ្គិសនីនេះ គឺបញ្ជាក់ពីការមកដល់នៃ 'Blue Sky Coming' ដែលជាការឌីស្សាញថ្មី និងធានាថា នឹងផ្តល់នូវបទពិសោធន៍ថ្មីសម្រាប់អ្នកប្រើប្រាស់កាន់តែសំបូរបែបជាងមុន។
ET9 Horizon Edition គឺមានការរចនាឡើងជាមួយជម្រើសពណ៌ខៀវ លាយជាមួយនិងពណ៌ទឹកប្រាក់។ ថ្មីៗនេះបើតាមរបាយការណ៌ចេញពីក្រសួង MIIT របស់ចិនបានបង្ហាញថា ក្រុមហ៊ុន Nio បានស្នើរបន្ថែមពណ៌ទៅលើឡានថ្មីរបស់ខ្លួន ក្នុងនោះក៏មានការប្តូរទំហំកង់សម្រាប ET9 នេះផងដែរ។
សូមជំរាបថា ET9 ត្រូវបានក្រុមហ៊ុន Nio ធ្វើការប្រកាសចេញកាលពីថ្ងៃទី 21 ខែធ្នូ ឆ្នាំ 2024 និងដាក់លក់ក្នុងតម្លៃ $107,220 ដោយបូករួមទាំងអាគុយ។ មកដក់ពេលនេះ ការលក់ម៉ូដែល Limited-Edition គឺបានចំនួន 999 គ្រឿងហើយ។ សម្រាប់ម៉ូដែលប្រណិត ET9 Horizon Edition នេះ ត្រូវបានក្រុមហ៊ុន Nio ដាក់លក់ជាមួយតម្លៃចាប់ 808,000 យ៉ន់។