ឡានអគ្គិសនីស៊េរីថ្មី Toyota bZ7 EV ដែលស្ថិតក្នុងស្រឡាយឡានអគ្គិសនីសុទ្ធ all-electric D-Segment sedan ជាសមត្ថផលរួមគ្នារវាង GAC និង Toyota នឹងចេញលក់នៅទីផ្សារប្រទេសចិនក្នុងខែមីនា ឆ្នាំ 2026 ជាមួយតម្លៃខ្ទង់ $29,000។ bZ7 EV ស៊េរីថ្មី គឺជាម៉ូដែលដំបូងរបស់ក្រុមហ៊ុនវិនិយោគរួមគ្នា GAC-Toyota ដែលគាំទ្រប្រព័ន្ធ Xiaomi Smart Ecosystem, Huawei HarmonyOS 5.0, ប្រព័ន្ធជំនួយការបើកបរឆ្លាតវៃ Momenta R6 Flywheel AI Model (ADAS) និងប្រព័ន្ធ DriveOne electric motor System របស់ Huawei។
Toyota bZ7 EV ថ្មី ត្រូវបានឌីស្សាញបែបស្ទាយរថយន្ត fastback ជាមួយការនឹងចង្កៀងខាងមុខឌីស្សាញជារាងអក្សរ C ឬ C-Shape daytime running light ដែលជា DNA Design របស់ Toyota ជាមួយនឹងភ្លើង LED មួយខ្សែនៅកណ្តាលអូសកាត់ពីម្ខាងភ្ជាប់ទៅម្ខាង។ នៅលើដំបូងមានបំពាក់សែនស័រ LiDAR រីនៅផ្នែកខាងក្រោយឌីស្សាញរំលេចជាមួយបណ្តុំអំពូល LED ក្រហមភ្ជាប់ពីស្តុបម្ខាងទៅស្តុបម្ខាងទៀតដូចនៅផ្នែកខាងមុខដែរ។ Toyota bZ7 EV ថ្មី ក៏មានបំពាក់បន្ថែមនូវសែនស័រ millimeter-wave radar 5 គ្រាប់, Ultrasonic radar 10 គ្រាប់ ដើម្បីជំនួយក្នុងការដំណើរការប្រព័ន្ធ ADAS ដែលគាំទ្រដំណើរការដោយបន្ទះឈីប Nvidia autonomous driving។
សម្រាប់បច្ចេកវិទ្យាឆ្លាតវៃ Momenta R6 Flywheel model គាំទ្រដល់ដំណើរការប្រព័ន្ធជំនួយការបើកបរនៅក្នុងទីក្រុង ឬទីប្រជុំជន និងនៅលើផ្លូវល្បឿនលឿន (Highway), មុខងារបញ្ជាការចូលចំណតពីចំងាយ remote parking assist និង fully automated parking assist ជាដើម។ ឡាន sedan EV ស៊េរីថ្មីនេះ ក៏មានដំបូលបើក sunroof អាចបើកបានពីប្រឡោះផងដែរ។ Toyota bZ7 EV ថ្មីរបស់ GAC-Toyota មានតួរខ្លួនប្រវែង 5,130mm/ទទឹង 1,965mm/ កំពស់ 1,506mm និងគម្លាតកង់មុខទៅកង់ក្រោយ 3,020mm។ ឡាន EV Sedan ថ្មីនេះមានជម្រើសពណ៌ខាងក្រៅដូចជា ក្រហម ស ទឹកប្រាក់ ប្រផេះ ខ្មៅ បៃតង និងទឹកមាស។
ចូលមកផ្នែកកាប៊ីនខាងក្នុងឃើញមានបំពាក់អេក្រង់កម្សាន្តទំហំ 15.6-inch Floating screen គាំទ្រដំណើរការដោយ Huawei HarmonyOS5.0, អេក្រង់បង្ហាញព័ត៌មាន LCD ក្រោយដៃចង្កូត មានមុខងារបង្ហាញនៅលើកញ្ចក់ដំបូលមុខ Head-up display, កន្លែងសាកទូរស័ព្ទឥតខ្សែ 50W Wireless Charging Pad មានទាំងនៅខាងមុខ និងខាងក្រោយ, មានទូរទឹកកករ, មុខងារបញ្ជាគ្រប់គ្រងរថយន្តតាមទូរស័ព្ទ និងប្រព័ន្ធបំពងសំឡេងចំនួន 23 គ្រាប់។
Toyota bZ7 EV ស៊េរីថ្មីគាំទ្រដំណើរការដោយប្រព័ន្ធ DriveONE System របស់ Huawei ដែលដំណើរការនៅលើប្រព័ន្ធម៉ូទ័រអគ្គិសនីពីរមានកម្លាំងសរុប 278hp ទទួលថាមពលដំណើរការពីកញ្ចប់ថ្ម Lithium iron phosphate របស់ក្រុមហ៊ុន CATL ដែលមានជម្រើសទំហំ 88.13kWh និង 71.35kW។ ចំពោះម៉ូដែលបំពាក់កញ្ចប់ថ្មទំហំ 88.13kWh អាចបើកបរបានចម្ងាយដល់ 680km/ 700 km និង 710 km តាមស្តង់ដារ CLTC នៅពេលសាកថ្មពេញម្តង រីម៉ូដែលប្រើកញ្ចប់ថ្មទំហំ 71.35kWh អាចបើកបានចម្ងាយ 600km។ Toyota bZ7 EV ស៊េរីថ្មីនេះ អាចជាន់ល្បឿន Top Speed បានដល់ 180km/h៕
