ភ្នំពេញ ថ្ងៃទី២៨ ខែមករា ឆ្នាំ២០១៣៖ ដើម្បីបំពេញតំរូវការ និងបង្កលក្ខណៈឲកាន់តែងាយស្រួលដល់អតិថិជនរបស់ខ្លួន ឌីជីបានផ្តល់ជូននូវកញ្ចប់សេវាកម្មថ្មីដែលនឹកស្មានមិនដល់ជាមួយនឹងតំលៃនៅដដែល ព្រមទាំងការផ្ដល់ជូនពិសេសៗជាច្រើនទៀត។ ដោយក្នុងនោះ អតិថិជនរបស់ឌីជីទាំងអស់នឹងអាចប្រើប្រាស់អ៊ីនធឺណិតដោយមិនកំណត់និងពេញលេញក្នុងល្បឿនរហូតដល់២Mbps ក្នុងតំលៃចាប់ផ្តើមត្រឹមតែ១២$តែប៉ុណ្ណោះ។ ដូច្នេះពួកគេពិតអស់កង្វល់អំពីការអស់បរិមាណប្រើប្រាស់ទៀតហើយ។ ជាពិសេសអតិថិជនឌីជីអាចរីករាយជាមួយនឹងមហាល្បឿនដោយឥតគិតថ្លៃ ដែលពួកគេអាចទាញយកឯកសារនិងប្រើប្រាស់អ៊ីនធឺណិតរហូតដល់៥Mbpsចាប់ពីម៉ោង១២យប់រហូតដល់ម៉ោង៧ព្រឹក។ ជាពិសេស ជាមួយនឹងឌីជីពួកគេអាចទស្សនាវីដេអូលើគេហទំព័រយូធូប(Youtube)ក្នុងល្បឿនលឿន និងមិនរអាក់រអ៊ួល។
ជាមួយគ្នានោះដែរ រាល់អតិថិជនទាំងអស់នឹងទទួលបានការផ្តល់ជូនជាជាច្រើនទៀតដែលលើសពីអ៊ីនធឺណិត។ នោះគឺជាកាតបញ្ចុះតម្លៃឌីជីក្លឹបដែលពួកគេអាចទទួលបានការបញ្ចុះតំលៃពិសេសពីដៃគូរបស់ឌីជីក្លឹបចំនួនជាង១៤០ហាងចំពោះការទិញទំនិញ ញ៉ាំអាហារ និងរកសេវាកម្មផ្សេងៗទៀត។ ឌីជីក៏ផ្តល់ជូនផងដែរ ដល់អតិថិជនរបស់ខ្លួននូវសេវាកំសាន្តមួយដ៏ធំ និងមិនគិតថ្លៃដែលហៅថា សេវាកម្មឌីជីវើល។ ក្នុងនោះអតិថិជនអាចរីករាយជាមួយនឹងការទស្សនាភាពយន្តថ្មីៗដែលមានគុណភាពជាHD(Digi Movie) ការចែករំលែកវីដេអូក្លីប(Digi Box) និងទាញយករឺចែករំលែកកម្មវិធីសំរាប់ប្រើប្រាស់ក្នុងប្រពន្ធ័កំព្យូទ័រ(P2PUSH) ព្រមទាំងការលេងហ្គេមកំសាន្ត និងអត្ថប្រយោជន៍ដ៏ទៃជាច្រើនទៀតក្នុងល្បឿនរហូតដល់១០mbps។
សូមជំរាបផងដែរថា ឌីជីគឺជាក្រុមហ៊ុនផ្តល់សេវាកម្មអ៊ីនធឺណិតដែលឈានមុខគេនៅទីក្រុងភ្នំពេញជាមួយនឹងបច្ចេកវិទ្យាដ៏ទំនើបគឺបច្ចេកវិទ្យាខ្សែរកាបអុបទិក តាំងពីឆ្នាំ២០០៨មកម្លេះ។ ក្នុងនោះផងដែរ ឌីជីក៏បានប្តេជ្ញាចិត្តក្នុងការពង្រឹងគុណភាព ជាមួយនិងសេវាកម្មអោយកាន់ប្រសើរ ដើម្បីនាំអ្នកប្រើប្រាស់ទៅកាន់ពិភពឌីជីថល អោយសមស្របទៅនឹងពាក្យស្លោករបស់ខ្លួន “Digi Your Digital World”។
សំរាប់ពត៌មានបន្ថែមអតិថិជនអាចទំនាក់ទំនងទៅកាន់ផ្នែកលក់របស់ឌីជីដែលមានលេខ០៩៨ ៨៨៨ ៩៩២/ ០៩៨ ៨០០ ៩១៣ ឬការិយាពត៌មានដែលមានលេខ ០២៣/០៧៧ ២២ ៧៧ ៦៦ ឬអាចចូលទៅកាន់គេហទំព័រ www.digi.com.kh/digi/net/home/៕
