បន្ទាប់ពីទទួលបាននូវភាពជោគជ័យយ៉ាងខ្លាំង នៅក្នុងការសម្ពោធលក់ជាផ្លូវការកំពូលទូរស័ព្ ទស៊េរីថ្មីបំផុតរបស់ខ្លួន Samsung Galaxy S7 edge និង Galaxy S7 កាលពីខែមីនាកន្លងទៅនៅផ្សារទំនើបសុរិយា នៅពេលនេះ អតិថិជន Samsung នឹងអាចទទួលបាននូវអារម្មណ៍ថ្មីមួយទៀត ជាមួយនឹង Samsung Galaxy S7 Edge ពណ៌ផ្កាឈូកមាស ដែលមានរូបរាងកាន់តែស្រស់ស្អាតប្លែក និងកាន់តែស៊ីវីល័យ ព្រមទាំងមានការថែមជូនដ៏ច្រើនសន្ធឹកសន្ធាប់។
ចាប់ពីថ្ងៃ 22 ខែឧសភា រហូតដល់ថ្ងៃទី 31 ខែឧសភា ឆ្នាំ 2016 ខាងមុខនេះ អតិថិជនទាំងអស់ អាចកុម្ម៉ង់ទិញទូរស័ព្ទសាមសុង Galaxy S7 edge ពណ៌ផ្កាឈូកមាស បានហើយតាមរយះការកម្ម៉ងមុននេះ ពួកគាត់ នឹងទទួលបានប័ណ្ណទិញទំនិញ ដែលមានទឹកប្រាក់រហូតដល់ទៅ 100 ដុល្លា សម្រាប់ការទិញផលិតផល Charles & Keit ឬ Pedro ហើយមានបន្ថែមជូននូវស៊ីម Cellcard ដែលមានទឹកប្រាក់ 360 ដុល្លា និងអ៊ីនធឺណិត 3GB។ ម្យ៉ាងវិញទៀតអតិថិជនក៏អាចទិញទូរស័ព្ទនេះ ដោយបង់រំលស់ជាមួយធនាគារឯកទេស AEON ។
នៅទីក្រុងភ្នំពេញអតិថិជនអាចកុម៉្មង់ទិញទូរស័ព្ទ Galaxy S7 edge ពណ៌ផ្កាឈូកមាសតាមហាងលក់ផលិតផលអេឡិចត្រូនិចមួយចំនួនដែលមានដូចជា៖ ហាង KLD ផ្សារធំថ្មី ហាង KLD ផ្លូវមុនីវង្សទល់មុខអគារភ្នំពេញថៅវើ ហាង KLD ផ្លូវមុនីវង្សក្បែរស្តុបបូកគោ ហាងអប្សារាផ្សារដេប៉ូ និងហាង Nika សាខាបូកគោ។ ចំណែកឯអតិថិជននៅខេត្តបាត់ដំបងអាចធ្វើការកុម៉្មងទិញនៅហាង Nika ខេត្តបាត់ដំបងផងដែរ។ អតិថិជនដែល ធ្វើការកុម៉្មងទិញអាចមកទទួលយកទូរស័ព្ទបាននៅថ្ងៃទី 1 មិថុនា ឆ្នាំ 2016 ។ ទូរស័ព្ទពណ៌ផ្កាឈូកមាសនេះ មានពណ៌ស្រស់ស្អាតបែបធម្មជាតិ ហើយធ្វើឲ្យមានអារម្មណ៍ថាងាយ ស្រួលប្រើប្រាស់។ ផ្ទៃរបស់ទូរស័ព្ទទាំងមូលភ្លឺរលោងចិញ្ចែងចិញ្ចាចប្រៀបទៅនឹងកញ្ចក់ដែលព័ទ្ធជុំវិញ។
ទូរស័ព្ទ Galaxy S7 edge ពណ៌ផ្កាឈូកមាសនេះ ក៏ដូចជាទូរស័ទ្ទ Galaxy S7 និង S7 edge ដែលសុទ្ធតែអាចការពារការជ្រាបទឹកដោយមានប្រព័ន្ធការពារនៅខាងក្នុងទូរស័ព្ទតែម្តង។ ចំណែកឯ Galaxy S7 edge មានដាក់នូវ shortcut ដែលលោកអ្នកអាចប្រើអ៊ីម៉ែល ថត selfie ថត panorama និងប្រើកម្មវិធីផ្សេងៗបានយ៉ាង សាមញ្ញភ្លាមៗ។ សាមសុង Galaxy S7 និង Galaxy S7 edge សាកថ្មបានលឿន ទោះជាមិនប្រើខ្សែក៏ដោយ។ លើសពីនេះទៅទៀត វាមានកន្លែងដាក់ស៊ីមពីរ ហើយអ្នកអាចបន្ថែមអង្គចងចាំមួយទៀតរហូតដល់ទៅ 200GB ពេលដែលប្រើ ស៊ីមតែមួយ។
