no-alternative title

Huawei គឺក្រុមហ៊ុនដែលអភិវឌ្ឍ និងត្រួសត្រាយផ្លូវនៃបច្ចេកវិទ្យា 5G ដំបូងបំផុតសម្រាប់ប្រទេសកម្ពុជា

កាលថ្ងៃទី 15 ខែមីនា ឆ្នាំ 2019 កម្មវិធីសន្និសីទ និងពិព័រណ៍ឌីជីថលកម្ពុជា 2019 ត្រូវបានប្រារព្ធធ្វើឡើងនៅថ្ងៃនេះ នៅសាលពិព័រណ៍កោះពេជ្រ រាជធានីភ្នំពេញ ដែលរៀបចំដោយវិទ្យាស្ថានជាតិប្រៃសណីយ៍ ទូរគមនាគមន៍ បច្ចេកវិទ្យាគមនាគមន៍ និងព័ត៌មាន (NIPTICT) ដោយមានការគាំទ្រពីសំណាក់ក្រសួងប្រៃសណីយ៍ និងទូរគមនាគមន៍ (MPTC)។ 

នៅក្នុងឱកាសនៃការបើកកម្មវិធីនេះផងដែរ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី និងជារដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានមានប្រសាសន៍ថា៖ "នេះជាលើកទីមួយដែលយើងរៀបចំសន្និសីទ និងពិព័រណ៍ឌីជីថលកម្ពុជា 2019 នៅក្នុងប្រទេស ដើម្បីប្រមូលផ្តុំគ្រប់ស្ថាប័នពាក់ព័ន្ធទាំងអស់ ទាំងនៅថ្នាក់ជាតិ និងថ្នាក់តំបន់ ស្របនឹងអំឡុងពេលនៃការចាប់ផ្តើមអាណត្តិថ្មី ដែលជាអាណត្តិទី 6 របស់រាជរដ្ឋាភិបាលកម្ពុជា។ បច្ចេកវិទ្យាឌីជីថលនឹងផ្តល់ឱ្យកម្ពុជានូវឱកាសដើម្បីពង្រីកវិសាលភាពនៃការអភិវឌ្ឍចេញពីការអភិវឌ្ឍបែបប្រពៃណី ប៉ុន្តែវាត្រូវការពេលយ៉ាងហោចណាស់ 10 ឆ្នាំ ដើម្បីបង្កើតសេដ្ឋកិច្ចឌីជីថលមួយដ៏ពេញលេញ។"

រូបភាពពាណិជ្ជកម្ម
no-alternative title

លោក David Li នាយកប្រតិបត្តិនៃក្រុមហ៊ុន Huawei Technologies (Cambodia) Co. , Ltd. បានថ្លែង សុន្ទរកថា នៅក្នុងពិធីបើកសន្និសីទ និងពិព័រណ៍ឌីជីថលកម្ពុជា នៅព្រឹកថ្ងៃទី 15 ខែមីនា ថា “ក្រុមហ៊ុន Huawei បានប្តេជ្ញាចិត្តបន្តប្រតិបត្តិការនៅក្នុងប្រទេសកម្ពុជាអស់រយៈពេល 20 ឆ្នាំមកហើយ ចាប់តាំងពីឆ្នាំ 1999 ម្ល៉េះ។ ឆ្នាំនេះ គឺជាខួប 20 ឆ្នាំរបស់ក្រុមហ៊ុន Huawei នៅកម្ពុជា។ វឌ្ឍនភាពជាមួយចក្ខុវិស័យ និងបេសកកម្មដ៏ច្បាស់លាស់របស់ក្រុមហ៊ុន Huawei ដោយការនាំយកឌីជីថលទៅកាន់មនុស្សគ្រប់រូប គ្រប់គេហដ្ឋាន និងគ្រប់ស្ថាប័ន ដើម្បីបណ្តាញតភ្ជាប់ដ៏ឆ្លាតវៃ និងកម្ពុជាដ៏ឆ្លាតវៃ ដែលស្របទៅនឹងប្រធានបទនៃសន្និសីទ និងពិព័រណ៍ឌីជីថលកម្ពុជា។” 

លោក David បានបន្តថា នៅក្នុងនាមជាអ្នកឧបត្ថម្ភធំដល់ "ឌីជីថលកម្ពុជា" ក្រុមហ៊ុន Huawei ជឿជាក់ថា "ឌីជីថលកម្ពុជា" ដែលបានផ្តួចផ្តើមដោយរាជរដ្ឋាភិបាលកម្ពុជា  នឹងក្លាយជាវេទិកាដ៏អស្ចារ្យមួយ ដែលផ្តល់ឱកាសដល់ស្ថាប័នពាក់ព័ន្ធទាំងអស់ក្នុងវិស័យ ICT ដើម្បីផ្លាស់ប្តូរគំនិត និងក៏ជាព្រឹត្តិការណ៍ដ៏សំខាន់មួយដែលនឹងជួយប្រទេសកម្ពុជាឆ្ពោះទៅរកឧស្សាហកម្មជំនាន់ទី 4 ។ ក្នុងនាមជាអ្នកត្រួសត្រាយផ្លូវនៃបច្ចេកវិទ្យា 5G ក្រុមហ៊ុន Huawei បានចាប់ផ្តើមការស្រាវជ្រាវ និងអភិវឌ្ឍបច្ចេកវិទ្យា 5G នៅដើមឆ្នាំ 2009 ហើយបច្ចុប្បន្ននេះ Huawei គឺជាអ្នកផ្គត់ផ្គង់តែមួយគត់ដែលអាចផ្តល់នូវប្រព័ន្ធបច្ចេកវិទ្យា 5G នេះ។

"ប្រទេសកម្ពុជា គឺជាទីផ្សារកំពុងរីកចម្រើន ដែលជាថាមពលដ៏អស្ចារ្យមួយ ក្នុងការផ្សារភ្ជាប់រវាងការច្នៃប្រឌិត និងអាជីវកម្ម។ ឆ្នាំ 2019 នឹងក្លាយជាឆ្នាំដ៏សំខាន់មួយសម្រាប់បច្ចេកវិទ្យា 5G នៅកម្ពុជា។ ក្រុមហ៊ុន Huawei ដែលជាអ្នកផ្គត់ផ្គង់ឈានមុខគេលើពិភពលោកនៃបច្ចេកវិទ្យា 5G នឹងជួយដល់ប្រតិបត្តិករទាំងអស់ឱ្យសម្រេចក្តីសុបិន នៃបច្ចេកវិទ្យា 5G របស់ពួកគេ។ យើងនឹងបន្តវិនិយោគបច្ចេកវិទ្យា 5G អ៊ីនធឺណិត Cloud AI និងឧបករណ៍ឆ្លាតវៃ ដើម្បីជួយអតិថិជនរបស់យើងបង្កើនអត្ថប្រយោជន៍ជាមួយបច្ចេកវិទ្យាដ៏លេចធ្លោនេះ។» លោក David បានបន្ថែម។

នៅក្នុងកម្មវិធីនោះផងដែរ ក្រុមហ៊ុន Huawei ក៏ទទួលបានពានរង្វាន់ "Best Technology Vendor of the Year 2019" ដែលប្រគល់ដោយក្រសួងប្រៃសណីយ៍ និងទូរគមនាគមន៍កម្ពុជា។ ឯកឧត្តម ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានធ្វើការវាយតម្លៃខ្ពស់លើក្រុមហ៊ុន Huawei សម្រាប់ការ   ប្តេជ្ញាចិត្តរយៈពេល 20 ឆ្នាំនេះ នៅក្នុងប្រទេសកម្ពុជា និងបានសម្តែងការកោតសរសើរចំពោះ ការឧបត្ថម្ភនិងការគាំទ្ររបស់ក្រុមហ៊ុន Huawei ក្នុងកម្មវិធី។

នៅថ្ងៃទី 1 នៃកម្មវិធី គណៈប្រតិភូនៃរាជរដ្ឋាភិបាល និងវិស័យឯកជនដូចជា Smart, Metfone, Seatel, Cellcard, Kingtel, Singmeng, Cambo Tech បានធ្វើទស្សនកិច្ចស្តង់នៃក្រមហ៊ុន Huawei ហើយបានបង្ហាញពីចំណាប់អារម្មណ៍យ៉ាងខ្លាំងលើបច្ចេកវិទ្យាចុងក្រោយរបស់ក្រុមហ៊ុន ដែលមានដូចជា បច្ចេកវិទ្យា 5G, Cloud Solution, VR game និងស្មាតហ្វូន Huawei 5G Mate X.

  

 

 

 

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍
Galaxy A55 5G ជាមួយរចនាបថ Premium កាន់តែស៊ីវិល័យ សមត្ថភាពខ្លាំង ប្រព័ន្ធសុវត្ថិភាពកម្រិតខ្ពស់ បានដាក់ឱ្យ Pre-Order ហើយ!

Galaxy A55 5G ជាមួយរចនាបថ Premium កាន់តែស៊ីវិល័យ សមត្ថភាពខ្លាំង ប្រព័ន្ធសុវត្ថិភាពកម្រិតខ្ពស់ បានដាក់ឱ្យ Pre-Order ហើយ!

ដោយ ប៉េងលីន
BYD បានបញ្ចេញរថយន្តអគ្គិសនីម៉ូដែល e2 Honor Edition ដែលមានតម្លៃត្រឹមតែ $12,400 ប៉ុណ្ណោះ

BYD បានបញ្ចេញរថយន្តអគ្គិសនីម៉ូដែល e2 Honor Edition ដែលមានតម្លៃត្រឹមតែ $12,400 ប៉ុណ្ណោះ

ដោយ ប៉េងលីន
ត្រៀមលុយត្រឹមតែជាង 100$ ទទួល បានស្មាតហ្វូនថ្មអមត: HONOR  X7b  ថតរូបស្អាតគ្រប់ពេល ឆាប់ៗនេះ

ត្រៀមលុយត្រឹមតែជាង 100$ ទទួល បានស្មាតហ្វូនថ្មអមត: HONOR X7b ថតរូបស្អាតគ្រប់ពេល ឆាប់ៗនេះ

ដោយ ប៉េងលីន
vivo Cambodia សម្ពោធ V30 ស៊េរីនៅឆ្នេររាមក្រោមការសហការជាមួយ Prime Brand Voss Water

vivo Cambodia សម្ពោធ V30 ស៊េរីនៅឆ្នេររាមក្រោមការសហការជាមួយ Prime Brand Voss Water

ដោយ ប៉េងលីន
រថយន្តអគ្គិសនីដំបូងរបស់ Huawei និង BAIC អាចនឹងបង្ហាញវត្តមានផ្លូវការនៅខែមិថុណាខាងមុខនេះហើយ

រថយន្តអគ្គិសនីដំបូងរបស់ Huawei និង BAIC អាចនឹងបង្ហាញវត្តមានផ្លូវការនៅខែមិថុណាខាងមុខនេះហើយ

ដោយ ប៉េងលីន
 Xiaomi បង្ហាញខ្លួន Xiaomi 14 Series ជាផ្លូវការទៅកាន់ទីផ្សារអន្តរជាតិជាមួយនឹង លេនអុបទិក Leica ជំនាន់ក្រោយ ដែលដំណើរការដោយ Xiaomi HyperOS

Xiaomi បង្ហាញខ្លួន Xiaomi 14 Series ជាផ្លូវការទៅកាន់ទីផ្សារអន្តរជាតិជាមួយនឹង លេនអុបទិក Leica ជំនាន់ក្រោយ ដែលដំណើរការដោយ Xiaomi HyperOS

ដោយ ប៉េងលីន