MSI គឺជាក្រុមហ៊ុនអន្តរជាតិដ៏ធំ និងជាក្រុមហ៊ុនមួយ ដែលនាំមុខគេនៅលើកុំព្យូទ័រ ដែលបានចាប់ផ្តើមបញ្ចេញនូវម៉ូឌែលកុំព្យូទ័រជាច្រើន ម៉ូឌែលដែលត្រូវបានឌីស្សាញឡើងយ៉ាងពិសេសសម្រាប់ Creators និងនាំមុខគេនៅក្នុងផ្នែកបង្កើតមាតិកាថ្មី (content creation)។ ក្រុមហ៊ុន MSI ក៏បានបង្កើតនូវកុំព្យូទ័រជាច្រើនម៉ូឌែល ដែលមានភាពផ្សេងគ្នារវាងតម្រូវការខុសៗគ្នារបស់អ្នកប្រើប្រាស់ដូចជាម៉ូឌែលប្រភេទ Creator/Prestige/Modern series ជាដើម។
សម្រាប់ត្រកូល Creator Series គឺមានគោលបំណងក្នុងការបង្កើតនូវភាពច្នៃប្រឌិតប្រកបដោយសិល្បៈខ្ពស់ក្នុងការប្រើប្រាស់ ខណៈពេលដែលម៉ូឌែល Prestige series បាននាំយកនូវភាពជោគជ័យសម្រាប់អ្នកប្រើប្រាស់គ្រប់កាលៈទេសៈ និងម៉ូឌែលប្រភេទ Modern series មានគោលដៅក្នុងការផ្តល់នូវការកម្សាន្តដែលគ្មានគូប្រៀបនោះទេ សម្រាប់អ្នកប្រើប្រាស់ជាច្រើនក្នុងការបង្កើតនូវភាពអស្ចារ្យដែលមិនអាចបំភ្លេចបាននោះទេ។
ភាពប៉ិនប្រសប់បំផុតនៅក្នុងការបង្កើតនូវកុំព្យូទ័រនេះឡើង គឺពិតជាល្អឥតខ្ចោះមែនទែនដោយសារតែវាមានការឌីស្សាញស្រស់ស្អាត ទម្ងន់ស្រាលក្នុងការប្រើប្រាស់ និងសមត្ថភាពខ្លាំងក្លាបំផុតថែមទៀតហើយវាគឺជាអ្វីដែលក្រុមហ៊ុន MSI ផ្តល់អោយនោះ។ វត្តមានរបស់កុំព្យូទ័រនេះគឺមានរយៈពេលប្រហែលជា 6 ខែមកហើយបើធៀបទៅលើការឌីស្សាញរហូតដល់ផលិតកម្មរបស់វានោះ។ ការឌីស្សាញនេះ គឺផ្តល់នូវមាតិកាដ៏ល្អឥតខ្ចោះក្នុងការផ្តល់នូវភាពច្នៃប្រឌិតពេញលេញដែលគ្មានគូប្រៀបនោះទេ។
គុណភាពល្អបំផុតក្នុងការប្រើប្រាស់
សម្រាប់ការឌីស្សាញរបស់កុំព្យូទ័រនេះ គឺមានការជម្រុញទឹកចិត្តពីអ្នកប្រើប្រាស់ជាច្រើនដែលចង់បាននូវកុំព្យូទ័រ MSI នេះសម្រាប់ការបង្កើតនូវមាតិកាថ្មីសម្រាប់ creators។ នៅក្នុងយុគសម័យនេះ អ្នកប្រើប្រាស់ជាច្រើន កាន់តែផ្តោតទៅលើម៉ាកយីហោដែលមានការឌីស្សាញកុំព្យូទ័រដេលមានភាពច្នៃប្រឌិតបំផុត។ សម្រាប់កុំព្យូទ័រ MSI Content creation Series នេះ គឺបង្ហាញនូវអារម្មណ៍យ៉ាងល្អឥតខ្ចោះក្នុងការប្រើប្រាស់។ ក្រុមហ៊ុន MSI គឺមានម៉ូឌែល Prestige 14 ដែលមានទំហំប៉ុនក្រដាស A4 ដែលមានទម្ងន់ស្រាល និងស្តើងបំផុតក្នុងការប្រើប្រាស់។
កុំព្យូទ័រនេះ ត្រូវបានឌីស្សាញឡើងសម្រាប់ Creators ដែលអាចបង្ហាញនូវឆន្ទះនៃភាពច្នៃប្រឌិតរបស់វា ប៉ុន្តែអ្វីដែលសំខាន់នោះវាអាចបង្កើនទៅលើការប្រើប្រាស់បានកាន់តែសម្បូរបែបថែមទៀតសម្រាប់ creators។ សម្រាប់ផ្នែកការបង្ហាញម៉ូដ ការកម្សាន្ត ការងារផ្ទះ និងឧស្សាហកម្មស្វ័យប្រវត្តិនេះគឺជាអ្វីដែលក្រុមហ៊ុន MSI តែងតែផ្តោតអារម្មណ៍ទៅលើជានិច្ច។ ក្រុមការងាររបស់ក្រុមហ៊ុន MSI បាននិយាយថា “ការប្រើប្រាស់ពណ៌ដ៏សក្តិសមបំផុតគឺជាផ្នែកមួយដែលគួរអោយចាប់អារម្មណ៍ខ្លាំងបំផុតនៅក្នុងដំណើរការនៃការឌីស្សាញទៅលើកុំព្យូទ័រនេះ។” ក្រុមអ្នកឌីស្សាញជាច្រើន ក៏ធ្វើការតេស្តទៅលើការបញ្ចូលគ្នានៃពណ៌ជាច្រើនដែលមានការពេញនិយមខ្លាំង និងជាតម្រូវការនៅលើទីផ្សារបច្ចុប្បន្ននេះ។
“គោលដៅរបស់យើង គឺមិនមែនត្រឹមតែបង្កើតនូវកុំព្យូទ័រនេះជាមួយនឹងការឌីស្សាញដែលមានរូបរាងប្លែកទាន់សម័យនោះទេ ប៉ុន្តែវានាំយកនូវការច្នៃប្រឌិតដែលអស្ចារ្យបំផុតសម្រាប់ពួកគេ។ ក្រុមការងារឌីស្សាញរបស់ក្រុមហ៊ុន MSI ក៏ធ្វើបទសម្ភាសន៍យ៉ាងស៊ីជម្រៅដើម្បីស្វែងយល់អំពីបទពិសោធន៍ និងតម្រូវការរបស់សិល្បៈករនៅទូទាំងពិភពលោកដើម្បីផ្តល់នូវពណ៌ដែលទាក់ទាញ និងស្រស់ស្អាតបំផុតនៅក្នុងភាពច្នៃប្រឌិតរបស់ពួកគេនោះ។”ការប្រើប្រាស់ពណ៌នៅលើ MSI content creations series នេះដែលមានពណ៌ប្រផេះ និងពណ៌សនេះមិនត្រឹមតែមើលទៅស្រស់ស្អាតទាក់ទាញខ្លាំងនោះទេ ប៉ុន្តែវាឆ្លុះបញ្ចាំងពីភាពស្ងប់ស្ងាត់ និងភាពទាន់សម័យថែមទៀតផង។ ការឌីស្សាញនេះពិតជាអស្ចារ្យគ្មានគូប្រៀបនោះទេ។
ភាពធន់ក្នុងការប្រើប្រាស់សម្រាប់អ្នកឌីស្សាញ
កុំព្យូទ័រដែលមានសមត្ថភាពខ្ពស់នេះត្រូវបានឌីស្សាញឡើងមិនត្រឹមតែមើលទៅមានរូបរាងល្អឥតខ្ចោះប៉ុណ្ណោះទេ ប៉ុន្តែវាថែមទាំងមានមានភាពរឹងមាំក្នុងការប្រើប្រាស់គ្រប់កាលៈទេសៈ។ ដើម្បីអាចសម្រេចនូវគោលដៅនេះបាននោះ ក្រុមហ៊ុន MSI បានឆ្លងកាត់នូវដំណាក់កាលជាច្រើននៅក្នុងការតេស្តទៅលើផលិតផលកុំព្យូទ័ររបស់ខ្លួននោះ។ ក្រុមហ៊ុន MSI ប្រើប្រាស់នូវស្រទាប់កាពារចំនួន 3 ដើម្បីការពារទៅលការកោសឆ្កូត។ បន្ថែមពីនេះទៀត ក្រុមហ៊ុន MSI ក៏ធ្វើការតេស្តទៅលើការទម្លាក់នូវម៉ូឌែលរបស់ខ្លួននៅគ្រប់ជ្រុងផងដែរដើម្បីធានាថាវាអាចធន់ទៅនឹងការប្រើប្រាស់ប្រចាំថ្ងៃរបស់អ្នកប្រើប្រាស់បាន។
