កាលពីថ្ងៃទី 27 ខែមិថុនា ឆ្នាំ 2020 កន្លងទៅនេះ ASUS ដែលជាក្រុមហ៊ុនឈានមុខគេផ្នែកបច្ចេកវិទ្យា បានប្រារព្ធពិធីសម្ពោធឡេបថប់ស៊េរីថ្មីឆ្នាំ 2020 របស់ខ្លួន តាមលក្ខណៈ online ដើម្បីជៀសវាងពីការជួបជុំ និងការការពារពីការឆ្លងជម្ងឺកូវីដ 19 ដែលកម្មវិធីនេះ ផងដែរ ក៏បានធ្វើការផ្សាយផ្ទាល់នៅគេហទំព័រផ្លូវការណ៍របស់ ASUS Republic of Gamers (KH) នៅពីម៉ោង 7 ល្ងាច រហូតដល់ម៉ោង 8៖30 យប់ផងដែរ។ ក្នុងមហាព្រឹត្តិការណ៍នេះ យើងឃើញមានវត្តមានអ្នកចូលរួមពីសំណាក់តារាល្បីៗ ក៏ដូចជា Brand Ambassador របស់ក្រុមហ៊ុន ASUS ក៏ដូចជា YouTuber និង Streamer ជាច្រើនទៀតដែលពួកគាត់សុទ្ធសឹងតែជាអ្នកប្រើប្រាស់កុំព្យូទ័រកម្រិតធ្ងន់សំរាប់ការងារប្រចាំថ្ងៃថែមទៀតផង។
នៅពេលដែលយើងឈានជើងចូលដំបូង យើងបានឃើញមានការដាក់តាំងឡេបថប់ ASUS ជាច្រើនរួមមានម៉ូដែល៖ ROG Zephyrus G14, ROG Zephyrus Duo, ROG Strix G15/17, ROG Strix Scar 15/17 និង TUF Gaming A15/17 ដែលជាកំពូលឡេបថប់ហ្គេមមីងប្រចាំឆ្នាំ 2020។ អ្វីដែលសំខាន់នោះគឺរូបរាងរបស់កុំព្យូទ័រកំពូលទាំងនេះ គឺសុទ្ធតែមានការផ្លាស់ប្តូរលើការរចនាទាំងស្រុងបើធៀបជាមួយឆ្នាំមុនៗ និងនៅតែមានការធានារយៈពេល 2 ឆ្នាំដដែល។
លោក Lawrence Liu ដែលជាប្រធានគ្រប់គ្រងប្រចាំប្រទេសកម្ពុជាបានធ្វើបទបង្ហាញអំពីលក្ខណៈពិសេសៗរបស់ម៉ូឌែលនិមួយៗ និងបានប្រកាសតម្លៃជាផ្លូវការណ៍ដូចខាងក្រោម៖
•TUF Gaming A15/17 ៖ នេះជាឡេបថប់ហ្គេមមីងម៉ូឌែលចុងក្រោយរបស់្រកូល TUF បំពាក់ដោយ CPU របស់ AMD Ryzen 7 សេរ៊ី4000 ចុងក្រោយបំផុតនិង រួមបញ្ចូលគ្នាជាមួយនឹងក្រាហ្វីកកាត GeForce Nvidia ដែលអាចឲ្យការលេងហ្គេមកាន់តែរលូន លឿន និងអេក្រង់កម្រិត IPS ដែលមានល្បឿនលឿនរហូតដល់ 144Hz ។ ឡេបថប់នេះក៏មានថាមពលថ្មធំរហូតដល់ទៅ ៩០ វ៉ាត់ម៉ោង បានបំពាក់បច្ចេកវិទ្យាប្រព័ន្ធខ្យល់ត្រជាក់ដែលអាចរក្សាកម្ដៅឡេបថប់ឲ្យថេរ។ ព្រមទាំងមានបច្ចេកវិទ្យាAnti-Dustមិនអោយជាប់ធូលី និងបញ្ចេញធូលីមកក្រៅវិញតាមរយៈបំពង់ខ្យល់។ ឡេបថប់នេះ គឺមានតម្លៃគ្មានគូរប្រៀប គឺចាប់ពី $899 ដុល្លាសហរដ្ឋអាមេរិចឡើងទៅ។
•ROG Zephyrus G14 ៖ នេះជាឡេបថប់១៤អ៊ីញដែលមានរាងស្តើង ស្រាល និងមានសមត្ថភាពខ្លាំងជាងគេបំផុតជុំវិញពិភពលោក។ ពេលនេះវាបានមកដល់ទីផ្សារប្រទេសកម្ពុជាហើយ។ អ្វីដែលពិសេសនោះគឺវាមាន LED នៅផ្នែកសំបក់ខាងក្រោយដែលអាចឲ្យអ្នករចនាអក្សរ រូបភាព ឬ រូបភាពជា GIF បាន។ ROG Zephryrus G14 បំពាក់ដោយ CPU របស់ AMD Ryzen 9-4800 HS ចុងក្រោយបំផុតនិង រួមបញ្ចូលគ្នាជាមួយនឹងក្រាហ្វីកកាត GeForce RTX ™ 2060 ដែលមានល្បឿនលឿនងាយស្រួលក្នុងការបំពេញការងារ និងការលេងហ្គេម។ ឡេបថប់នេះមានតម្លៃចាប់ពី $1299 ដុល្លាសហរដ្ឋអាមេរិចឡើងទៅ។
ROG Strix Scar15/17៖ ជាឡេបថប់កំពូលដែលបំពាក់ CPU របស់ Intel Core i7 ចុងក្រោយគេបង្អស់ជាមួយនឹងក្រាហ្វីកកាត GeForce RTX ដែលមានល្បឿនលឿនរហូតដល់ 300Hz/3ms អាចលេងហ្គេមបានយ៉ាងរលូន និងមិនធ្វើឲ្យរូបភាពទាក់នោះទេ។ វាមាន៣ពណ៌ដូចជា៖ ខ្មៅ ខៀវ និងពណ៌ថ្មីទើបតែបង្កើតនោះគឺពណ៌ផ្កាឈូក។ រីឯតម្លៃវិញគឺចាប់ពី $1799 ដុល្លាសហរដ្ឋអាមេរិចឡើងទៅ។
ROG Strix G15/17 ៖ ROG Strix G15 / 17 បង្កប់នូវការរចនាដែលផ្តល់ជូននូវបទពិសោធន៍ដ៏អស្ចារ្យសម្រាប់ការលេងហ្គេមធំៗនិងការធ្វើកិច្ចការច្រើនលើប្រព័ន្ធប្រតិបត្តិការ Windows 10។ ឡេបថប់នេះបំពាក់ដោយ Intel Core i7 ជំនាន់ទី១០ និងក្រាហ្វីករហូតដល់ GeForce RTX 2070 Super ដែលមានល្បឿនលឿនរហូតដល់ 240Hz/3ms។ ឡេបថប់នេះមានតម្លៃចាប់ពី $1149ឡើងទៅ។
បន្ទាប់ពីមានការថ្លែងសុន្តរកថាចប់ ក្រុមហ៊ុនASUSបានធ្វើការចាប់រង្វាន់ធំគឺ ឡេបថប់ TUF Gaming A15 និងរង្វាន់ផ្សេងៗជាច្រើនទៀត។ ដើម្បីធ្វើឲ្យកម្មវិធីកាន់តែមានភាពសប្បាយរីករាយ ក្រុមហ៊ុន ASUS ក៏បានរៀបចំការសម្ដែងពីឌីជេល្បីមួយរូបគឺ ឌីជេ Maily និង តារាចម្រៀងលោក វុទ្ធាផងដែរ។