មកដល់ហើយ! ស្មាតហ្វូនស៊េរីថ្មី Redmi Note 10S ផ្តល់នូវភាពអស្ចារ្យជាច្រើនលើសពីការរំពឹងទុក

កាលពីថ្ងៃទី 22 ខែកក្កដា ឆ្នាំ 2021 ក្រុមហ៊ុន Xiaomi ប្រចាំប្រទេសកម្ពុជា បានបង្ហាញជាផ្លូវការនូវស្មាតហ្វូនថ្នាក់កណ្តាលស៊េរីថ្មីរបស់ខ្លួនមួយទៀតដែលមានឈ្មោះហៅថា Redmi Note 10S។ ស្មាតហ្វូនស៊េរីថ្មីនេះ បំពាក់នូវកាមេរ៉ាទំហំ 64MP ដែលល្អបំផុតសម្រាប់អ្នកដែលចូលចិត្តការកម្សាន្ត និងការថតរូបភាព។

វត្តមានរបស់ស្មាតហ្វូននេះ គឺជាការបង្ហាញអំពីការប្តេជ្ញាចិត្តរបស់ក្រុមហ៊ុន Xiaomi នៅក្នុងការផ្តល់នូវបច្ចេកវិទ្យាកម្រិតខ្ពស់ជាច្រើនសម្រាប់ស្មាតហ្វូនថ្នាក់កណ្តាលរបស់ខ្លួន។

ការទទួលយកនូវបទពិសោធន៍ដ៏អស្ចារ្យគ្មានគូប្រៀបនៅលើស្មាតហ្វូនថ្នាក់កណ្តាល

ជាមួយនឹងការផ្តល់នូវបទពិសោធន៍យ៉ាងអស្ចារ្យបំផុតក្នុងការប្រើប្រាស់នោះ ស្មាតហ្វូន Redmi Note 10S នេះបំពាក់នូវអេក្រង់ដែលមានទំហំ 6.43” AMOLED DotDisplay ធំទូលាយក្នុងការប្រើប្រាស់បំផុត។ បើធៀបជាមួយនឹងស្មាតហ្វូន Redmi Note 19S នេះ ស្មាតហ្វូនជំនាន់ថ្មីនេះមានការឌីស្សាញរូបរាងថ្មីកាន់តែប្លែក និងទាក់ទាញបំផុតជាមួយនឹងប្រព័ន្ធស្កេនក្រយ៉ៅដៃនៅចំហៀង បច្ចេកវិទ្យាសាកថ្ម 33W Fast Charging, 360-degree light sensor និង Speakers ភ្លោះផងដែរ។ ស្មាតហ្វូន Redmi Note 10S នេះមាន 3 ពណ៌យ៉ាងទាក់ទាញក្នុងការជ្រើសរើសនោះគឺពណ៌ប្រផេះ Onxy Gray ពណ៌សគុជ Pebble Whiteនិងពណ៌ទឹកសមុទ្រ Ocean Blue ផងដែរ។

ស្មាតហ្វូនស៊េរីថ្មី Redmi Note 10S នេះមានកាមេរ៉ាខាងក្រោយ 4 គ្រាប់ដែលមានទំហម 64MP, 8MP ultra-wide angle សម្រាប់ការថតរូបភាពជាក្រុម, 2MP macroសម្រាប់ថតរូបភាព Closeups និង 2MP depth sensor សម្រាប់ថតរូបភាពប្រភេទ portraits ។ កាមេរ៉ាគោល 64MP របស់ស្មាតហ្វូននេះគឺមានបំពាក់នូវមុខងារ Pro time-lapse និងជាច្រើនទៀតដូចជា slow motion, night mode ជាដើម។

ស្មាតហ្វូននេះ ប្រើប្រាស់នូវបន្ទះឈីបដ៏ខ្លាំងក្លា MediaTek Helio G95 ដែលធ្វើអោយការលេងហ្គេមគឺលឿនជាងមុន និងការពង្រឹងទៅលើសមត្ថភាពក្នុងការប្រើប្រាស់ និង GPU ហើយវាមានល្បឿន Clock Speed ដល់ទៅ 900MHz ផងដែរ។

ស្មាតហ្វូនស៊េរីថ្មី Redmi Note 10S នេះមានទំហំ 8GB+128GB ដែលមានតម្លៃទាក់ទាញបំផុតគឺត្រឹមតែ 249$ ប៉ុណ្ណោះ។ លោកអ្នកអាចរកទិញស្មាតហ្វូននេះបាននៅតាមហាងចែកចាយរបស់ក្រុមហ៊ុន Xiaomi ទាំងអស់នៅក្នុងប្រទេសកម្ពុជា៕

សូមជំរាបថា ក្រុមហ៊ុន Xiaomi បង្កើតឡើងនៅក្នុងខែមេសា ឆ្នាំ 2010 ហើយវាក៏ស្ថិតនៅក្នុងបញ្ជីនៃក្រុមប្រឹក្សាភិបាលភាគហ៊ុនរបស់ហុងកុងផងដែនៅថ្ងៃទី 9 ខែកក្កដា ឆ្នាំ 2018 (1810.HK) ។ ក្រុមហ៊ុន Xiaomi គឺជាក្រុមហ៊ុនអ៊ីនធឺណិតដែលមានស្មាតហ្វូន និង Hardware ឆ្លាតវៃដែលអាចធ្វើការតភ្ជាប់ជាមួយនឹងឧបករណ៍ IoT ជាស្នូលរបស់ខ្លួន។

ជាមួយនឹងចក្ខុវិស័យនៃការក្លាយជាមិត្តភក្តិជាមួយនឹងអ្នកប្រើប្រាស់របស់ខ្លួន និងការក្លាយខ្លួនជាក្រុមហ៊ុនមួយដែលស្ថិតនៅក្នុងបេះដូងរបស់អ្នកប្រើប្រាស់ជាច្រើនោះ ក្រុមហ៊ុន Xiaomi ប្តេជ្ញាចិត្តនៅក្នុងការផ្តល់នូវភាពច្នៃប្រឌិតកាន់តែអស្ចារ្យបន្ថែមទៀតជាមយនឹងការផ្តោតទៅលើគុណភាព និងប្រសិទ្ធិភាពនៃការប្រើប្រាស់។ ក្រុមហ៊ុននេះ ខិតខំប្រឹងប្រែងក្នុងការបង្កើតនូវផលិតផលជាច្រើនដ៏អស្ចារ្យជាមួយនឹងតម្លៃដ៏ល្អបំផុតដែលអនុញ្ញាតអោយអ្នកគ្រប់គ្នារីករាយជាមួយនឹងជីវិតកាន់តែប្រសើរជាងមុនតាមរយៈនូវបច្ចេកវិទ្យាច្នៃប្រឌិតដ៏អស្ចារ្យទាំងនេះ។

Xiaomi បច្ចុប្បន្ននេះ គឺជាក្រុមហ៊ុនម៉ាកយីហោស្មាតហ្វូនធំបំផុតចំណាត់ថ្នាក់ទី 2 នៅលើពិភពលោក នៅក្នុងឆមាសទី 2 ឆ្នាំ 2021 នេះហើយក៏ជាក្រុមហ៊ុនដែលនាំមុខគេទៅលើឧបករណ៍ IoT របស់ពិភពលោកផងដែរ ជាមួយនឹងឧបករណ៍ឆ្លាតវៃច្រើនជាង 289.5 លាន (មិនរាប់បញ្ចូលនូវស្មាតហ្វូន និងកុំព្យូទ័រយួរដៃ) ដែលធ្វើការតភ្ជាប់គ្នានោះ។ ពេលនេះ ផលិតផលជាច្រើនរបស់ក្រុមហ៊ុនបច្ចេកវិទ្យា Xiaomi គឺមានវត្តមាននៅក្នុងប្រទេសជាង 90 និងតំបន់ជាច្រើនទៀតនៅជុំវិញពិភពលោក និងកំពុងតែនាំមុខគេថែមទៀតនៅលើទីផ្សារ។ នៅខែសីហាឆ្នាំ 2020 ក្រុមហ៊ុនបានធ្វើពួកយេីងបានឈរជើងក្នុងបញ្ជីឈ្មោះក្រុមហ៊ុន Fortune Global 5០០ ជាលើកទី 2 ដែលជាប់ចំណាត់ថ្នាក់ទី 422 ដែលកើនឡើង 46 កន្លែងបើប្រៀបធៀបនឹងឆ្នាំមុន។ ពួកយើងក៏ជាប់ចំណាត់ថ្នាក់ទី 7ក្នុងចំណោមក្រុមហ៊ុនអ៊ីនធឺណេតនៅក្នុងបញ្ជីផងដែរ។  

ក្រុមហ៊ុន Xiaomi គឺជាធាតុផ្សំនៃ Hang Seng Index, Hang Seng China Enterprises Index and Hang Seng TECH Index. សម្រាប់ព័ត៌មានបន្ថែមអំពីក្រុមហ៊ុនសូមចូលទៅកាន់គេហទំព័រ https://blog.mi.com/en/ ។