បន្ទាប់ពីបានបង្ហាញខ្លួនជាផ្លូវការរបស់ក្រុមហ៊ុន MSI នៅក្នុងប្រទេសកម្ពុជា ជាមួយនឹងដៃគូតំណាងចែកចាយ IT Computer រយៈពេលជិតពីរឆ្នាំកន្លងមកនេះ យើងសង្កេតឃើញថា ផលិតផលកុំព្យូទ័ររបស់ក្រុមហ៊ុន MSI គឺមានការពេញនិយម នឹងមានការគាំទ្រយ៉ាងខ្លាំងពីសំណាក់អ្នកប្រើប្រាស់នៅក្នុងទីផ្សារប្រទេសរបស់យើង។ ការអះអាងបែបនេះ គឺដោយសារតែនៅតាមសាកលវិទ្យាល័យនានា គឺមាននិស្សិតជាច្រើនបាននឹងកំពុងតែប្រើប្រាស់ផលិតផលកុំព្យូទ័រ MSI នេះជាពិសេស គឺក្រុមការងារ Electronic World បានឃើញមានការស្ពាយនូវកាបូប MSI ជាច្រើននៅតាមដងវិថីនានា។
ជាមួយនឹងវត្តមានកុំព្យូទ័រ MSI MSI GT75VR TitanPro ស៊េរីថ្មីនៅក្នុងប្រទេសកម្ពុជា នាពេលនេះ នឹងរឹតតែធ្វើអោយអ្នក ដែលមានចំណូលចិត្តលេងហ្គេម កាន់តែរំភើប និងមានអារម្មណ៍រីករាយជាមិនខាន អ្វីដែលគួរអោយចាប់អារម្មណ៍បំផុតនោះ គឺម៉ូដែលស៊េរី MSI GT75VR TitanPro នេះ មានអនុភាពខ្លាំង មានអេក្រង់ភ្លឺច្បាស់ ភ្ជាប់ជាមួយនឹងបច្ចេកវិទ្យាកាន់តែទំនើប។ GT75VR TitanPro ស៊េរីថ្មីនេះ ត្រូវបានក្រុមហ៊ុន MSI មានអេក្រង់ទំហំ 17.3 អ៊ីង បំពាក់ជាមួយ RAM ទំហំ 32GB ប្រភេទ DDR 4 និងមានអង្គផ្ទុកទិន្នន័យស្រាប់ទំហំ 1TB ប្រភេទ SATA និង 512GB ប្រភេទ SSD រួមជាមួយនឹងក្រាហ្វិកកាត Nvidia GTX 1080។
MSI GT75VR-7RF TitanPro ស៊េរីថ្មីនេះ មានទំងន់ 9.7 ផោន មានភ្ជាប់ជាមួយនឹងរន្ធបញ្ចេញខ្យល់ចំនួន 12 និងមានក្តារចុច Full Mechanical Keyboard។ ហ្កេមម៉ាស៊ីនថ្មីនេះ ត្រូវបានគេចាត់ទុកថា គឺជាកុំព្យូទ័រជំនាន់ថ្មី ដែលមានសមត្ថភាពខ្លាំង និងភ្ជាប់ជាមួយនឹងមុខងារអស្ចារ្យបំផុត។ GT75VR-7RF TitanPro បំពាក់មកជាមួយនូវអេក្រង់កម្រិត 4K និងទ្រទ្រង់ HDR ថែមទៀតោផង។ ជាមួយនឹងអេក្រង់នេះ គឺកម្ររនឹងបំពាក់នៅលើកុំព្យូទ័រ Desktop Displays ណាស់ ប៉ុន្តែយើងធ្លាប់បានឃើញខ្លះរួចមកហើយនៅលើកុំព្យូទ័រអេក្រង់ 17 អ៊ីង និងអេក្រង់ 18 អ៊ីង។ ការ Upgrade ទៅប្រើប្រាស់បច្ចេកវិទ្យាអេក្រង់ HDR នេះ ពិតជាធ្វើអោយកុំព្យូទ័រ MSI GT75VR-7RF TitanPro កាន់តែអស្ចារ្យបំផុត។
កុំព្យូទ័រស៊េរីថ្មី GT75VR-7RF TitanPro ដែលគ្រប់គ្នាមានការចាប់អារម្មណ៍ខ្លាំងមែនទែនជាមួយនឹងអេក្រង់ និង Keyboard ដែលពិតជាគួរអោយទាក់ទាញបំផុត។ កុំព្យូទ័រស៊េរីថ្មីនេះ មានភ្ជាប់ជាមួយនឹងបន្ទះឈីប Intel Core i7-7820HK ក្រាហ្វិកកាតប្រភេទ GTX 1080។ GT75VR-7RF TitanPro មានរន្ធបញ្ចេញកម្តៅដល់ទៅ 12 ដែលបំភាយកម្តៅបាន 100% ហើយវាភ្ជាប់ជាមួយនឹងកង្ហារប្រព័ន្ធត្រជាក់ម៉ាស៊ីនថែមទៀត។ សរុបមក កុំព្យូទ័រស៊េរីថ្មី GT75VR-7RF TitanPro ពិតជាមានសមត្ថភាពខ្លាំងក្លា ហើយនឹងប្រើប្រាស់ប្រព័ន្ធកម្លាំងម៉ាស៊ីនរបស់វាពិតជាខ្លាំងដែលជាជម្រើសដ៏ល្អមួយសម្រាប់អ្នកដែលមានចំណូលចិត្តនៅក្នុងការលេងហ្គេម៕