កាលពីម្សិលមិញនេះ ក្រុមហ៊ុន Xiaomi បានប្រកាសចេញនូវផលិតផលថ្មីៗជាច្រើនតាមរយៈព្រឹត្តិការណ៍អនឡាញរបស់ខ្លួន។ នាឡិកា Xiaomi Mi Smart Band 6 គឺជាសមិទ្ធិផលថ្មី ដែលមានវត្តមាននៅទីនោះដែរ។ នាឡិកាជំនាន់ថ្មីនេះ គឺមានអាប់ដែតចេញពី Mi Smart Band 3 ដោយមានការរចនាចេញជាមួយលំនាំអេក្រង់របស់ស្មាតហ្វូនដែលប្រើកញ្ចក់ AMOLED ពេញគែមតែម្តង។
យោងតាមការបញ្ជាក់របស់កក្រុមហ៊ុនបានអោយដឹងថា អេក្រង់នាឡិកានេះគឺមានទំហំ 1.65 អ៊ីង ដែលមានពណ៍ធម្មជាតិស្អាតមែនទែន។ អេក្រង់នេះ គឺមានភាពច្បាស់ជាងមុនរហូតដល់ទៅ 50% បើធៀបជាមួយនឹងនាឡិកាជំនាន់មុនៗ។
អេក្រង់នេះមាន Resolution ទំហំ 152x486px ជាមួយនិងកម្រិតរូបភាព 326 ppi និងមានកម្រិតពន្លឺ 450Nits ហើយនិងមានភ្ជាប់មកជាមួយនូវស្រទាប់ការពារកញ្ចក់ដែលអាច់ទប់ទល់បានជាមួយនិងការឆ្កូតដោយសារការចុញខ្លាំងៗផងដែរ។
ក្រឡេកទៅមើលលើមុខងារ បច្ចេកវិទ្យា និងសមត្ថភាពរបស់នាឡិកានេះវិញ គឺត្រូវបានក្រុមហ៊ុនបន្ថែមនូវមុខងារត្រួតពិនិត្យសុខភាពកាន់តែសំបូរបែបក្នុងនោះមានដូចជា មុខងារ SpO2 ដែលជាមុខងារវាស់កម្រិតអុកស៊ីសែនក្នុងឈាម និងមុខងារថ្មី វាស់កម្រិតអុកស៊ីសែនក្នុងឈាមនៅពេលដែលអ្នកហាត់ប្រាណ និងការវាស់កម្រិតខ្យល់ដង្ហើមនៅពេលដែលអ្នកគេងលក់ថែមទៀតផង។ បន្ថែមពីនេះក៏នូវមានមុខងារវាស់ចង្វាក់បេះដូងដែលមានរយៈពេល 24 ម៉ោងនៅក្នុងមួយប្តាហ៍ផងដែរ។ ក្រៅពីមុខងារសុខភាពនេះ នាឡិកានេះ ក៏មានមុខងារហាត់ប្រាណចំនួន 30 Modes ដែលចំនួននេះគឺគុណពីរបើធៀបជាមួយនឹងម៉ូដែលមុន។ ហើយមុខងារចំនួន 6 ដូចជា walking, treadmill, cycling, rowing machine (ergometer) និង elliptical. វានឹងធ្វើការដោយស្វ័យប្រវត្តិនៅពេលដែលមានចលនា។
សម្រាប់ថាមពលវិញនាឡិកានេះ មានថ្មទំហំ 125mAh អាចប្រើប្រាស់បាន 14 ថ្ងៃ នៅពេលសាកពេញម្តង។ អ្វីដែលពិសេសនាឡិកានេះ គឺអាចប្រើប្រាស់បានក្នុងទឹកបានក្នុងកម្រិត 5ATM ដូច្នេះលោកអ្នកអាចហែលទឹក និងជ្រមុចទឹកលេងបានដោយមិនចាំបាច់បារម្ភឡើយ។ នាឡិកានេះមានវិមាត្រសរុបទំហំ 47.4x18.6x12.7mm និងមានខ្សែរប្រវែង 155មម ដល់ 219មម។
នាឡិការនេះ បង្ហាញវត្តមានជាមួយ 6 ពណ៍ គឺ Black, Orange, Yellow, Olive, Ivory និង Blue។ Mi Smart Band 6 និងចេញលក់នៅប្រទេសចិនឆាប់ៗនេះ ដោយម៉ូដែលធម្មតា គឺមានតម្លៃ CNY 230 យ៉ន់ ដែលប្រហាក់ប្រហែល 35 ដុល្លា ស្របពេលម៉ូដែល NFC គឺមានតម្លៃ CNY 280 យ៉ន់។ សម្រប់ទីផ្សារអ៊ឺរ៉ុប គឺមានតម្លៃ 45 យូរ៉ូ។