MSI Modern 15 ស៊េរីឆ្នាំ 2021 ត្រូវបានក្រុមហ៊ុន MSI សម្រិតសម្រ៉ាំងផលិតឡើងយ៉ាងពិសេស ជាមួយរូបរាងបែប Premium និងបានញាត់បញ្ចូលនូវគ្រឿងបង្គុំខ្លាំងៗដើម្បីអាចបំពេញក្នុងការអូសកិច្ចការងារប្រើប្រាស់ទូទៅបានច្រើនតាមតម្រូវការរបស់អ្នកប្រើ។
Laptop ស៊េរីថ្មីមួយនេះ មានអេក្រង់ដែលមានគែមជុំវិញតូចស្តើង ដែលធ្វើឲ្យផ្ទៃអេក្រង់បង្ហាញលាតធំទូលាយល្អជាមួយទំហំ 15.6 អ៊ីញ Full-HD ដូច្នេះ គឺផ្តល់ឲ្យការប្រើប្រាស់បំពេញកិច្ចការងារ និងការកម្សាន្តប្រកបដោយប្រសិទ្ធិភាពខ្ពស់ ដោយអាចបើកដំណើរការកម្មវិធីប្រើបានច្រើនក្នុងពេលតែមួយ ជួយឲ្យការបំពេញកិច្ចការងារដំណើរការបានលឿនរហ័សទាន់ចិត្ត។ ហើយជាពិសេសផ្នែក Lid របស់អេក្រង់នៅលើកុំព្យូទ័រស៊េរីថ្មីឆ្នាំ 2021 នេះ អាចធ្វើការកាច់បត់បានរហូតដល់ 180 ដឺក្រេជាមួយគន្លឹះត្រចៀកដ៏រឹងមាំថែមទៀតផង។
សម្រាប់ផ្ទាំងក្តារចុចដែលបំពាក់នូវលើ MSI Modern 15 ឆ្នាំ 2021 គឺជាប្រភេទ White Backlight Keyboard ដែលមានរំលេចដោយភ្លើង LED ពណ៌សនៅខាងក្រោម និងមាន TouchPad ទំហំធំល្មមស្ថិតនៅលើផ្ទៃខាងក្រោមផ្ទាំង Keyboard សម្រាប់ប្រើប៉ះអូសបញ្ជាជំនួសការប្រើ USB-Mouse។
ឡេបថប MSI Modern 15 ស៊េរីឆ្នាំ 2021 ដ៏ប្រណិតមួយនេះត្រូវបាន MSI ដំឡើងមកជាមួយខួរក្បាលម៉ាស៊ីនរបស់ AMD ស៊េរី Ryzen 7 លេខ 5700U ដែលមាន CPU ចំនួន 8-Core និង 8MB Cache អាចអូសល្បឿនបានខ្ពស់បំផុតដល់ 4.3GHz ភ្ជាប់ដោយអង្គក្រាហ្វិច AMD Radeon Graphics គាំទ្រល្បឿនរត់ដោយរ៉េម DDR4-3200MHz ទំហំ 32GB និងអាចបង្កើនទំហំឡើងដល់ 64GB រួមនឹងមានថាសរឹងផ្ទុកទិន្នន័យជាប្រភេទ NVMe SSD ទំហំ 512GB PCIe ផងដែរ ដូច្នេះ ជាមួយសមត្ថភាពម៉ាស៊ីនឡេបថប់ប៉ុណ្ណេះ គឺអាចឲ្យយើងប្រើក្នុងកិច្ចការងារទូទៅបានរលូនហើយ។
MSI Modern 15 ស៊េរីឆ្នាំ 2021 មានថ្មជាប្រភេទ Li-Polymer មានចំនួន 3-Cells ជាមួយថាមពលផ្ទុក 39Whr។ MSI Modern 15 មានទំងន់ស្រាល់ល្មមត្រឹម 1.60 គីឡូក្រាម និងកម្រាស់ស្តើងល្លីមល្មមត្រឹមតែ 18.7mm ប៉ុណ្ណោះ។
ចំពោះផ្នែកសំខាន់ៗផ្សេងៗទៀតដែលមាននៅលើ MSI Modern 15 ស៊េរីឆ្នាំ 2021 នេះ គឺមានដូចជា រន្ធ ចម្លងទិន្នន័យចេញចូលប្រភេទ USB 3.2 Gen 2 Type C, USB 3.2 Gen 2 Type-A ចំនួន 3, រន្ធបញ្ចូនរូបភាព-វីដេអូ HDMI ដែលគាំទ្រកម្រិត 4K@30Hz, រន្ធ Mic-in/Headphone-out Combo,រន្ធmicroSD Card Reader និងបច្ចេកវិទ្យា Bluetooth 5.1 ជាដើម៕
ជាមួយនឹងការចេញលកនៅកម្ពុជា គឺមានពីរជម្រើស៖
សូមស្វែងរកតាមហាងលក់កុំព្យូទ័រដែលជាគូរបស់ MSI ទូទាំងប្រទេសកម្ពុជា