កាលពីម្សិលមិញនេះ ក្រុមហ៊ុន Xiaomi បានបន្តទម្លាយចេញនូវព័ត៌មានរបស់ស្មាតហ្វូនស៊េរីថ្មី Redmi Note 9 Series នៅក្នុងប្រទេសចិន ដែលនៅក្នុងនោះ ក៏មានការបញ្ជាក់ពីលក្ខណៈសម្បតិត្តរបស់ស្មាតហ្វូនត្រកូល Redmi Note 9 Pro ផងដែរ មើលទៅគឺពិតជាមានភាពទាក់ទាញខ្លាំងក្លាមែនទែនសម្រាប់អ្នកប្រើប្រាស់ និយាយពីតម្លៃគឺរឹតតែពិសេសថែមទៀត ដែលអាចនឹងបំបែកកំណត់ត្រាទៅលើការលក់ថែមទៀតផង។
តាមការបង្ហាញរបស់ក្រុមហ៊ុននេះ បានអោយដឹងថា ស្មាតហ្វូន Redmi Note 9 Pro នេះ គឺមានរ៉េមទំហំ 6GB និងម៉េមូរីទំហំ 128GB ហើយវាមានតម្លៃ 243 ដុល្លារ ប៉ុណ្ណោះ បន្ទាប់ពីការប្រកាសភ្លាម គឺមានការកម្មង់ទិញដល់ទៅ 6 ម៉ឺនគ្រឿង នៅថ្ងៃដំបូងនៅលើវេបសាយ JD.com។ បើយើងធ្វើការបូកទៅលើការកក់ទិញនៅលើ Xiaomi Mall, Suning, Tmall, Xiaomi Home និងហាងជាច្រើនទៀតនោះ វានឹងមានការកក់ទិញច្រើនជាង 1 សែនគ្រឿង។
ជាមួយនឹងការរចនារូបរាង លក្ខណៈសម្បតិ្ត និងតម្លៃរបស់ស្មាតហ្វូន Redmi Note 9 Pro នេះ គឺពិតជាអាចទាក់ទាញនូវអតិថិជនបានច្រើនជាមិនខាន។ ស្មាតហ្វូននេះ មានតម្លៃក្រោម 250 ដុល្លារប៉ុណ្ណោះ តែវាត្រូវបានជាមួយនឹងអេក្រង់កម្រិត 120 Hz និងមានកាមេរ៉ាគោលទំហំ 108 Megapixel រួមជាមួយនិងប្រព័ន្ធ NFC ថែមទៀតផង។ ស្មាតហ្វូន Redmi Note 9 Pro និង Redmi Note 9 ត្រូវបានក្រុមហ៊ុននេះ បញ្ជាក់ថា នឹងដាក់លក់នៅក្នុងប្រទេសចិននៅថ្ងៃទី 1 ខែធ្នូនេះ៕
