មកដល់ថ្ងៃនេះ គឺមានរបាយការណ៍ជាច្រើន ដែលនិយាយអំពីស្មាតហ្វូន iPhone 13 series ។ របាយការណ៍មួយនៅក្នុងចំណោមរបាយការណ៍ជាច្រើននោះគឺថា ស្មាតហ្វូននេះ នឹងមាន notch ដែលមានទំហំតូចជាងមុន។ រូបភាពរបស់ស្មាតហ្វូន iPhone 13 ចេញពី @Ian Zelbo បានបង្ហាញអំពីអ្វីដែលខុសប្លែកពីគេ។ រូបភាពនេះ គឺជារូបភាពប្រភេទ CAD ដែលគូរដោយ Jon Prosser។ យើងអាចមើលឃើញថា ស្មាតហ្វូន iPhone ថ្មីនេះគឺប្រើប្រាស់នូវការឌីស្សាញកាមេរ៉ាដូចគ្នា និងមានរូបភាព Notch តូចជាងមុន។ អ្វីដែលកាន់តែប្លែកនោះ គឺទៅលើពណ៌របស់ស្មាតហ្វូននេះតែម្តង។ រូបភាពនេះ មានការបង្ហាញថា ស្មាតហ្វូន iPhone 13 នេះគឺមានពណ៌ orange/bronze យ៉ាងស្រស់ស្អាត។
ស្មាតហ្វូន iPhone 13 Series នេះ គឺនឹងមាន 4 versions។ បើមើលទៅលើរូបរាងខាងក្រៅរបស់ស្មាតហ្វូននេះ មិនមានការផ្លាស់ប្តូរច្រើនបើធៀបទៅនឹងស្មាតហ្វូនជំនាន់មុននេះទេ។ ស្មាតហ្វូននេះនឹងមានបន្ទះឈីបធំជាងមុន និង Storage ធំជាងមុនផងដែរ។ ក្រុមហ៊ុននេះនឹងធ្វើការ upgrade ទៅលើកម្រិត refresh rate នៃអេក្រង់របស់ស្មាតហ្វូននេះផងដែរ។ សម្រាប់ពេលនេះ មានរបាយការណ៍ជាច្រើនដែលនិយាយថា ស្មាតហ្វូន iPhone 13 series នេះនឹងបង្ហាញខ្លួននៅក្នុងខែកញ្ញានេះ។
នៅក្នុងអំឡុងពេលនៃមេរោគរាតត្បាតនេះ មានហេតុផលជាច្រើនដែលក្រុមហ៊ុននេះ បានធ្វើការពន្យារពេលទៅលើការប្រកាសបង្ហាញនូវព្រឹត្តិការណ៍នេះ។ ការបង្ហាញស្មាតហ្វូនជំនាន់ថ្មីនេះ ប្រហែលជាមិនមានការពន្យារពេលនោះទេ។ ក្រុមហ៊ុន Apple នឹងប្រើប្រាស់នូវអេក្រង់ 120Hz LTPO OLED របស់ក្រុមហ៊ុន Samsung នៅលើស្មាតហ្វូន iPhone 13 series នេះ។ ស្មាតហ្វូននេះ នឹងមានការទ្រទ្រង់ទៅលើបច្ចេកវិទ្យា Face ID និង Touch ID ផងដែរ។ នេះគឺជាលើកដំបូងបំផុតដែលបច្ចេកវិទ្យា Touch ID នៅតែបន្តក្នុងការប្រើប្រាស់នោះ។
បន្ថែមពីនេះទៀតនោះ ស្មាតហ្វូន iPhone 13 series នឹងប្រើប្រាស់នូវបន្ទះឈីប A15 Bionic Processor របស់ក្រុមហ៊ុន Apple។ ស្មាតហ្វូននេះ ទ្រទ្រង់នូវបច្ចេកវិទ្យា Wi-Fi 6E technology និងមានការ upgrade ទៅលើកាមេរ៉ាពី 5P (f/2.4 ) ទៅ 6P (f/1.8) ultra-wide-angle lens ផងដែរ៕