no-alternative title
no-alternative title
no-alternative title
no-alternative title
no-alternative title
no-alternative title

បែកធ្លាយការឌីស្សាញថ្មីទៀតរបស់ស្មាតហ្វូន Galaxy Note 20 Series បង្ហាញខ្លួននៅលើវេបសាយមួយ

ក្រុមហ៊ុន Samsung នឹងប្រកាសចេញនូវស្មាតហ្វូន Galaxy Note 20 series នៅក្នុងឆមាសទី ២ នៅក្នុងឆ្នាំនេះ។ នៅពេលនេះ ការឌីស្សាញរបស់ស្មាតហ្វូន Samsung Galaxy Note 20 បង្ហាញខ្លួននៅលើវេបសាយផងដែរ។ នៅក្នុងការឌីស្សាញនេះ គឺមានការបង្ហាញអំពីរន្ធប្រហោង Punch-Hole នៅកណ្តាលរបស់ស្មាតហ្វូននេះ។ តាមការទម្លាយនៅលើ Weibo ដ៏ល្បីឈ្មោះ Ice Universe បញ្ជាក់ថា គាត់មិនជឿទៅលើកម្រិតនៃគែមក្រាស់របស់វានោះទេ។ 

 

no-alternative title

យោងទៅតាមរបាយការណ៍ជាច្រើនកាលពីពេលមុននេះ ស្មាតហ្វូន  Galaxy Note 20 និង Galaxy Note 20+ នេះនឹងមានរ៉េមទំហំ 16GB។ មានការរំពឹងជាច្រើនបញ្ជាក់ថា ស្មាតហ្វូនទាំងនេះនឹងក្លាយជាស្មាតហ្វូនដំបូងបំផុតដែលប្រើប្រាស់នូវសេនស័រ  3D Sonic Max fingerprint recognition sensor ជំនាន់ទី 2 របស់ក្រុមហ៊ុន Qualcomm ។ ប្រព័ន្ធស្កេនក្រយ៉ៅដៃ  ultrasonic fingerprint sensor នេះដាក់អោយដំណើរការនៅដើមខែធ្នូនេះ ហើយវាអាចអាននូវប្រព័ន្ធស្កេនក្រយ៉ៅដៃចំនួន ២ ក្នុងពេលតែមួយបាន។ យើងរំពឹងថា កាមេរ៉ារបស់ស្មាតហ្វូននេះគឺមានទំហំ 108MP។ 

ស្មាតហ្វូនSamsung Galaxy Note 20+ នឹងមានថាមពលថ្មទំហំ 4500 mAh ដែលច្រើនជាងស្មាតហ្វូន  Galaxy Note 10+ ដល់ទៅ  200 mAh ។ស្មាតហ្វូន  Galaxy Note 20 នឹងមានថាមពលថ្មត្រឹមតែ 4000 mAh ប៉ុណ្ណោះ។ ថ្មីៗនេះ ស្មាតហ្វូន Galaxy Note 20 series នេះក៏បង្ហាញខ្លួននៅលើ GeekBench ផងដែរ។ តាមរយៈបញ្ជីនេះ ស្មាតហ្វូនស៊េរីថ្មីនេះគឺមានរ៉េមទំហំ 8GB និង 12GB ។ ស្មាតហ្វូននេះអាចនឹងប្រើប្រាស់នូវបន្ទះឈីប  Qualcomm Snapdragon 865 Plus processor chip ដែលមានល្បឿន  3.09GHz ខណៈពេលដែលល្បឿនរបស់បន្ទះឈីប Snapdragon 865 គឺមានល្បឿនត្រឹមតែ  2.84GHz ប៉ុណ្ណោះ។

មានការរំពឹងជាច្រើនបញ្ជាក់ថា ស្មាតហ្វូនម៉ូឌែល SM-N986U នេះគឺជាស្មាតហ្វូន Note 20+ នៅក្នុងទីផ្សាររបស់សហរដ្ឋអាមេរិក។ នេះគឺដោយសារតែ version ជំនាន់មុនរបស់ស្មាតហ្វូន  Note 10 Plus នេះបង្ហាញខ្លួននៅក្នុងទីផ្សាររបស់សហរដ្ឋអាមេរិកដែលមានលេខម៉ូឌែល SM-N976U។ ក្នុងការតេស្ត Galaxy Note 20+ single-core របស់ស្មាតហ្វូននេះគឺមានពិន្ទុ 985 នៅលើ  Geekbench 5.1 database ។ សម្រាប់ការតេស្ត Multi-core របស់វាគឺមានពិន្ទុ 3220។ ក្រុមហ៊ុន យក្សរបស់កូរ៉េនេះមិនទាន់បញ្ជាក់អំពីការប្រកាសបង្ហាញអំពីកាលបរិច្ឆេទផ្លូវការក្នុងការប្រកាសបង្ហាញនូវស្មាតហ្វូន  Galaxy Note 20 series នេះនៅឡើយទេ។ ការបែកធ្លាយនាពេលថ្មីៗនេះគឺមានការបង្ហាញថា ស្មាតហ្វូននេះអាចនឹងបង្ហាញខ្លួននៅក្នុងខែសីហាខាងមុខនេះ៕

 

no-alternative title

no-alternative title
ព័ត៌មានពាណិជ្ជកម្ម