នាពេលថ្មីៗនេះ ស្មាតហ្វូនលេងហ្គេមជាច្រើន ត្រូវបានបង្ហាញខ្លួនដោយក្រុមហ៊ុនផលិតស្មាតហ្វូនធំៗ ដែលសុទ្ធសឹងតែមានបំពាក់នូវលក្ខណៈសម្បត្តិកម្រិត High-end និងប្រព័ន្ធត្រជាក់ cooling systems ជាច្រើនដែលផ្តល់នូវបទពិសោធន៍នៃការលេងហ្គេមដ៏អស្ចារ្យបំផុតដែលគ្មានគូប្រៀបនោះទេ។ ក្រុមហ៊ុន Asus បានបង្ហាញវត្តមានរបស់ស្មាតហ្វូន Rog Phone 3 របស់ខ្លួន នេះដែលមានបន្ទះឈីប Snapdragon 865+ SoC, 6000 mAh និងអេក្រង់ 144Hz refresh rate។ ស្មាតហ្វូនេះនៅមិនទាន់ដាក់លក់នៅឡើយទេនៅក្នុងប្រទេសជាច្រើនផងដែរ។ ប៉ុន្តែ លោកអ្នកអាចរកទិញបាននៅលើ Giztop នៅក្នុងតម្លៃ $699 ផងដែរ។
ស្មាតហ្វូននេះ អាចនឹងធ្វើការនាំចេញទៅកាន់ទីផ្សារសកលនៅក្នុងរយៈពេលប៉ុន្មានថ្ងៃខាងមុខនេះ។ ស្មាតហ្វូននេះមានភ្ជាប់ជាមួយនឹងការពង្រឹងមុខងារជាច្រើនបើធៀបទៅនឹងម៉ូឌែលជំនាន់មុនរបស់ខ្លួនជាមួយនឹងការពង្រឹងទៅលើបន្ទះឈីបថ្មី អេក្រង់កាន់តែល្អជាងមុន ការពង្រឹងទៅលើប្រព័ន្ធត្រជាក់ cooling system និងជាច្រើនទៀត។ ស្មាតហ្វូននេះមាន Speakers ភ្លោះនៅផ្នែកខាងមុខដែលមានការពង្រឹងទៅលើបទពិសោធន៍ទៅលើការលេងហ្គេមបំផុត។
ស្មាតហ្វូន Asus Rog Phone 3 នេះមានបន្ទះឈីប Snapdragon 865+ SoC ដែលដំណើរការនូវបច្ចេកវិទ្យា 5G ជាមួយនឹង octa-core processor ដែលមានល្បឿន 3.1GHz និងក្រាហ្វិកកាត Adreno 650 GPU។ សម្រាប់ក្រាហ្វិកកាតនេះ និង CPU នេះគឺមានការពង្រឹងល្អជាងមុនដល់ទៅ 10%។ ស្មាតហ្វូននេះ មានរ៉េមទំហំ 16GB LPDDR5 RAM និងមានប្រព័ន្ធត្រជាក់ GameCool 3 cooling system សម្រាប់កាត់បន្ថយកំដៅ និងការលេងហ្គេមបានយូរបានផងដែរ។ ស្មាតហ្វូននេះ អាចប្រើប្រាស់បានយូរ និងកំដៅចុះជាងមុនបាន 4°C។
ស្មាតហ្វូននេះមានអេក្រង់ 6.59 អ៊ីង AMOLED ជាមួយនឹងកម្រិត 144Hz refresh rate និង 270 Hz sampling rate ។ ស្មាតហ្វូនេះមានការទ្រទ្រង់នូវ HDR10+ content ថែមទៀត។ វាក៏មានការពង្រឹងទៅលើការលេងហ្គេមតាមរយៈមុខងារ X Mode ថែមទៀតផង។ ស្មាតហ្វូន Asus Rog Phone 3 នេះមានកាមេរ៉ា 3 គ្រាប់នៅផ្នែកខាងក្រោយដែលមានកាមេរ៉ា Sony UMX686 64MP, 13-megapixel ultrawide និង macro ផងដែរ។ ស្មាតហ្វូននេះ មានកាមេរ៉ាខាងមុខទំហំ 24-megapixel សម្រាប់ Selfie និង live-streaming វីដេអូបានយ៉ាងល្អ៕