ទូរស័ព្ទ iPhone 14 ត្រូវបានគេទម្លាយថា អាចនឹងបង្ហាញវត្តមានដោយគ្មានរន្ធដោតស៊ីមកាតនោះទេ

កាលពីប៉ុន្មានថ្ងៃមុននេះ មានសេចក្តីរាយការណ៌ថ្មីមួយបាននិយាយថា ទូរស័ព្ទ iPhone 15 Pro series models នឹងបង្ហាញខ្លួននៅក្នុងឆ្នាំ 2023 ហើយទូរស័ព្ទជំនាន់ថ្មីនេះ គឺនឹងមិនមានរន្ធ nano-SIM card នោះទេ គឺមានតែការទ្រទ្រង់ជាមួយនឹង dual eSIM cards តែប៉ុណ្ណោះ។ នៅថ្ងៃនេះ មានព័ត៌មានថ្មី ទៀតហើយ គឺថា ការផ្លាស់ប្តូរពីការប្រើស៊ីមកាត មកប្រើ eSIM គឺនឹងកើតមានក្នុងពេលឆាប់ៗនេះហើយ។ មានការបញ្ជាក់ថា វត្តមានរបស់ទូរស័ព្ទ iPhone 14 Series models ដែលបង្ហាញនៅក្នុងឆ្នាំ 2022 ខាងមុខនេះ គឺអាចនឹងមានការប្រើប្រាស់រន្ធដោតស៊ីមកាតនោះទេ។

បើយោងតាមការបញ្ជាក់នៅក្នុងរបាយការណ៍ MacRumors បានអោយដឹងថា ក្រុមហ៊ុន Apple គឺបាន ធ្វើការណែនាំដល់ក្រុមហ៊ុនផ្តល់សេវាកម្មប្រព័ន្ធទូរស័ព្ទចល័តនៅក្នុងសហរដ្ឋអាមេរិកអោយធ្វើការត្រៀមខ្លួនរៀបចំបង្ហាញចេញនូវស្មាតហ្វូនដែលមានការប្រើប្រាស់ eSIM នេះ នៅក្នុងខែកញ្ញាឆ្នាំ 2022 ខាងមុខ នេះដែរ ដោយក្នុងនោះពួកគេថែមទាំងបានផ្ញើរឯកសារទាក់ទងជាមួយនឹងរឿងនេះទៀតផង ប៉ុន្តែក្រុមហ៊ុន ទូរស័ព្ទនេះ មិនបានបញ្ជាក់ច្បាស់ថា ទូរស័ព្ទ iPhone នោះទេ។  

បន្ថែមពីនេះ ក្រុមហ៊ុន Apple ក៏បាននឹងកំពុងតែធ្វើការងាជាមួយនឹងបណ្តាក្រុមហ៊ុនបណ្តាញទូរស័ព្ទ ចល័តនានានៅអាមេរិកផងដែរ ទាក់ទងជាមួយនឹងការចេញលក់ទូរស័ព្ទ iPhone 13 ដែលមិនមាន រន្ធស៊ីមកាតនេះនៅក្នុងឆ្នាំ 2022 ខាងមុខ។ នៅពេលនេះ ក្រុមហ៊ុន Apple ក៏មានការប្រកាសចេញ លក់ទូរស័ព្ទ iPhone 13 មិនមានស៊ីមកាតនេះតាមរយៈ Apple Store or Apple.com ផងដែរ។ បើទោះបីជាមានការលើកឡើងបែននេះក៏ដោយ យើងនៅតែមានការជឿជាក់ថា ក្រុមហ៊ុនបច្ចេកវិទ្យាយក្សដែលមានមូលដ្ឋាននៅ Cupertino មួយនេះ នឹងនៅតែផលិតទូរស័ព្ទ iPhone models ដែលប្រើប្រាស់នូវរន្ធស៊ីមកាតដដែល សម្រាប់ប្រទេសមួយចំនួនដែលមិនទាន់មានការប្រើប្រាស់ eSIM។