ជាមួយនឹងការបង្ហាញវត្តមានរបស់ស្មាតហ្វូន iPhone 13 series នៅលើទីផ្សារនៅក្នុងពេលបច្ចុប្បន្ននេះ ត្រូវបានគេដឹងថា គឺសុទ្ធសឹងតែប្រើប្រាស់នូវអេក្រង់ OLED ទាំងអស់ ដូច្នេះមានការសន្មត់ថា ស្មាតហ្វូន iPhone SE 3 ដែលនឹងបង្ហាញខ្លួនឆាប់ៗនេះនឹងក្លាយជាស្មាតហ្វូនចុងក្រោយបំផុតរបស់ក្រុមហ៊ុន Apple ដែលមានអេក្រង់ LCD ដោយសារតែក្រុមហ៊ុននៅតែបន្តប្រើអេក្រង់ LCD នៅលើស្មាតហ្វូននេះដដែល។
របាយការណ៍ជាច្រើនមុននេះ បានអះអាងថា ស្មាតហ្វូន iPhone SE 3 នេះគឺជាម៉ូឌែល iPhone 8 ដែលមានអេក្រង់ 4.7-inch ជាមួយនឹង Touch ID នៅខាងមុខ។ ស្មាតហ្វូននេះ គឺមានប្រព័ន្ធស្កេនក្រយ៉ៅដៃនៅចំហៀងផងដែរ។ ក្រុមហ៊ុន Apple មានគម្រោងក្នុងការប្តូរទៅកាន់បន្ទះឈីប A15 សម្រាប់ស្មាតហ្វូន iPhone SE 3 ហើយវាក៏ទ្រទ្រង់នូវបច្ចេកវិទ្យា 5G networks ផងដែរ។ តម្លៃរបស់ស្មាតហ្វូននេះគឺប្រហែលទៅនឹងស្មាតហ្វូន iPhone SE 2 ផងដែរ។
ជាមួយគ្នានេះ បើតាមការបញ្ជាក់របស់ JP Morgan Chase នោះ ក្រុមហ៊ុន Apple នឹងបង្ហាញវត្តមានរបស់ស្មាតហ្វូន iPhone SE 3 នៅក្នុងឆ្នាំ 2022 នេះ។ ក្រុមហ៊ុននេះ នឹងធ្វើការផ្លាស់ប្តូរទៅលើការឌីស្សាញ និងការពង្រឹងទៅលើបន្ទះឈីបផងដែរ។អេក្រង់របស់ស្មាតហ្វូននេះ អាចនឹងមានទំហំដល់ទៅ 6.1-inch LCD ផងដែរ៕
