កាលពីឆ្នាំមុននេះ មានសេចក្តីរាយការណ៍ថា ក្រុមហ៊ុន Samsung បានធ្វើការនៅលើបច្ចេកវិទ្យាសាកថាមពលថ្មជំនាន់ថ្មី ដែលនឹងបង្កើនទៅលើថាមពលដង់ស៊ីតេថ្មខ្ពស់ជាងជំនាន់មុន ដោយមិនធ្វើការផ្លាស់ប្តូរទៅលើសមាសភាគគីមីនៃ Cells នោះទេ។ ដោយថាមពលថ្មថជំនាន់ថ្មីនេះ អាចនឹងមានកម្រិតថាមពលថ្មខ្ពស់ជាងមុនប៉ុន្តែប្រើប្រាស់នៅក្នុងបរិមាណដដែល។ ការផ្លាស់ប្តូរទៅលើការរៀបចំនៃ Cells នេះ ឡើងវិញគឺហៅថា Stacked Battery។
សូមជំរាបថា ស្មាតហ្វូន Galaxy S24 Ultra ដែលបង្ហាញវត្តមានកាលពីមុននេះ ក៏ធ្លាប់ត្រូវបានគេរំពឹងថា ក្រុមហ៊ុន Samsung នឹងផ្តល់នូវការប្រើប្រាស់នូវបច្ចេកវិទ្យានេះផងដែរ។ ប៉ុន្តែអ្វីៗខកខានទៅវិញ ដោយក្រុមហ៊ុននេះ បានសម្រេចចិត្តមិនធ្វើការផលិតទៅលើថាមពលថ្ម Stacked Battery នោះទេ ដោយក្រុមហ៊ុនបន្តធ្វើការអភិវឌ្ឍបន្ថែម។ បន្ថែមពីនេះ ក៏មានការទម្លាយទៀតថា ស្មាតហ្វូន Galaxy Galaxy S25 Ultra អាចនឹងបំពាក់នូវបច្ចេកវិទ្យាថ្មជំនាន់ថ្មីនេះ ដែលថែមទាំងមានការគាំទ្រជាមួយនឹងបច្ចេកវិទ្យាសាកថ្មលឿន 65W ទៀតផង។
យោងតាមអ្នកទម្លាយ Sawyer Galox បានអះអាងថា ក្រុមហ៊ុននេះ នឹងបង្ហាញនូវស្មាតហ្វូន Galaxy S25 Ultra នឹងមានភ្ជាប់ជាមួយនឹងបច្ចេកវិទ្យាសាកថ្មលឿន 45W និងមានថាមពលថ្មទំហំ 5000mAh ផ្អែកទៅលើបច្ចេកវិទ្យា Li-Ion។ តាមការបញ្ជាក់របស់គាត់ បានអោយដឹងថា ក្រុមហ៊ុន Samsung បានផ្លាស់ប្តូរគំនិតទៅលើរឿងនេះ ដោយបានសម្រេចចិត្តក្នុងការសន្សំសំចៃប្រាក់ទៅលើរឿងនេះផងដែរ។ គាត់បាននិយាយថា បច្ចេកវិទ្យា stacked battery ថ្មី នេះ អាចនឹងប្រើប្រាស់នៅលើស្មាតហ្វូនGalaxy S26 Ultra ដែលបង្ហាញខ្លួននៅក្នុងឆ្នាំ 2026 នេះ ជាមួយនឹងបច្ចេកវិទ្យាសាកថ្មលឿនជាងមុនផងដែរ។
ខណៈពេលដែលអាយុកាលថាមពលថ្មនេះ ត្រូវបានគេចាត់ទុកថា ជារឿងល្អសម្រាប់ប្រើប្រាស់នៅលើស្មាតហ្វូន Ultra របស់ក្រុមហ៊ុន Samsung នោះ បច្ចេកវិទ្យាសាកថ្មលឿន ក៏ជារឿងដែលសំខាន់បំផុត នៅក្នុងការប្រកួតប្រជែងជាមួយនឹងក្រុមហ៊ុនផលិតស្មាតហ្វូនរបស់ចិនផងដែរ។ ក្រុមហ៊ុន Qualcomm ក៏បានបញ្ជាក់ថា ស្មាតហ្វូនជំនាន់ថ្មីរបស់ក្រុមហ៊ុននេះ នឹងមានតម្លៃខ្ពស់ជាងបន្ទះឈីប Snapdragon 8 Gen 3 ហើយស្មាតហ្វូន Galaxy S24 Ultra នេះមានតម្លៃ $1300 ។ នេះគឺជាហេតុផលមួយដែលក្រុមហ៊ុន Samsung នេះ អាចនឹងបង្កើនទៅលើថាមពលថ្មនេះ នៅលើស្មាតហ្វូន 2026៕
