នៅពេលនេះ iQOO Z9, Z9 Turbo និង Z9x អាចរកជាវបាននៅលើទីផ្សារប្រទេសចិនហើយ

នៅពេលនេះ iQOO Z9 series ដែលជាស្មាតហ្វូនជំនាន់ថ្មីរបស់ក្រុមហ៊ុនបុត្រសម្ព័ន្ធរបស់ក្រុមហ៊ុន អាចរកជាវបាននៅលើ ទីផ្សារប្រទេសចិនហើយ ដែលស្មាតហ្វូនថ្មីនេះ មានចំនួន 3 ម៉ូដែលរួមមានដូចជា iQOO Z9, Z9 Turbo និង the Z9x។

សម្រាប់ម៉ូដែល Z9 Turbo គឺជាស្មាតហ្វូនមានលក្ខណៈពិសេសខ្ពស់ជាងគេ។ នៅលើស្មាតហ្វូននេះ មានការបំពាក់នូវបន្ទះ ឈីបជំនាន់ថ្មី Qualcomm Snapdragon 8s Gen 3 រ៉េម LPDDR5X និងអង្គចងចាំ UFS 4.0។ ស្មាតហ្វូននេះមានអេក្រង់ទំហំធំដល់ទៅ 6.78-អ៊ីង OLED display រត់ជាមួយល្បឿន 144Hz refresh rate និងមានថ្មទំហំ 6000mAh គាំទ្រនូវកម្លាំងសាក 80W fast charging។ ស្មាតហ្វូននេះមានតម្លៃ 1999 យ៉ន់ (ប្រហែល $275)។

ចំពោះម៉ូដែលស្តង់ដារ Z9 គឺមានការបំពាក់នូវបន្ទះឈីប Snapdragon 7 Gen 3 នឹងមានការប្រើប្រាស់នូវអេក្រង់ ថ្ម ក៏ដូចជា បច្ចេកវិទ្យា fast charging របស់ស្មាតហ្វូន Turbo អញ្ចឹងដែរ។ ស្មាតហ្វូននេះមានតម្លៃ 1499 យ៉ន់ (ប្រហែល $207)។

ក្រឡេកមកមើលម៉ូដែលតម្លៃធូជាងគេ Z9x នេះវិញ គឺមានការបំពាក់នូវបន្ទះឈីប Qualcomm Snapdragon 6 Gen 1 និងអេក្រង់ទំហំតូច និងមានល្បឿន 120Hz refresh rate។ ស្មាតហ្វូននេះមានថ្មទំហំ 6000mAh និងមានការគាំទ្រដោយ កម្លាំងសាក 44W fast charging។ ស្មាតហ្វូននេះមានតម្លៃប្រហែល 1149 យ៉ន់ (ប្រហែល $180)។

ស្មាតហ្វូនជំនាន់ថ្មីទាំង 3 ម៉ូដែលនេះ មានកាមេរ៉ាគោលទំហំ 50MP និងមានការបំពាក់នូវបច្ចេកវិទ្យា IP64 សម្រាប់ការពារទឹក និងធូលីថែមទៀតផង។ ស្មាតហ្វូនទាំងនេះ រត់នៅលើស្បែកមុខកម្មវិធីថ្មី OriginOS 4 ផ្អែកលើ Android 14។