គិតមកដល់ម៉ោងនេះ ព្រឹត្តិការណ៍នៃការសម្ពោធផលិតផលថ្មីៗនៅក្នុងទីក្រុងឌូបៃពីសំណាក់ក្រុមហ៊ុន Huawei គឺនៅមិនសល់ពេលវេលាមិនយូរទៀតនោះទេ។ ក្រុមហ៊ុនបច្ចេកវិទ្យាយក្សចិនមួយនេះ ត្រូវគេរំពឹងថា នឹងមានការប្រកាសចេញនូវផលិតផលសំខាន់ៗចំនួន 2 នៅក្នុងព្រឹត្តិការណ៍នេះ ដែលក្នុងនោះរួមមានដូចជា ថេប្លេតដែលមានកម្រ៉ាស់ស្តើង ហើយនិងកាសឥតខ្សែដែលមានការឌីស្សាញជមួយនិងរូបរាងថ្មីដែលមានឈ្មោះថា Hawei FreeClip។
នៅមុនព្រឹត្តិការណ៍នៃកាសម្ពោធនេះចូលមកដល់នោះ នៅថ្ងៃនេះ មានការបែកធ្លាយព័ត៌មានជាច្រើន បានបង្ហាពីកាសស្តាប់នេះ ដោយមានការបញ្ជាក់ថា កាសថ្មីនេះ មានភាពច្នៃប្រឌិតខ្ពស់បំផុត។ កាសស្តាប់ FreeClip នេះ គឺមានរូបរាងបែបបើកចំហរពីខាងក្រោយ។ ដូចអ្វីដែលបានឃើញនៅក្នុងរូបភាពផ្សព្វផ្សាយនេះ កាសស្តាប់នេះ មានការឌីស្សាញរាងកោងយ៉ាងទាក់ទាញបំផុត។ ក្រុមហ៊ុន Huawei បានហៅការឌីស្សាញនេះថា គឺជាស្ទីល C-bridge ដែលមើលទៅពិតជាទាក់ទាញមែនទែន។
ការឌីស្សាញទម្រង់បែបចំហរខាងក្រោយនេះ គឺងាយស្រួលក្នុងការប្រើប្រាស់រយៈពេលយូរ និងការពារការធ្ងន់ទៅលើត្រចៀកថែមទៀតផង។ យោងតាមពាក្យចចាមអារ៉ាមអារ៉ាមជាច្រើន កាលពីពេលថ្មីៗនេះ គឺបាននិយាយថា កាសស្តាប់នេះ អាចនឹងមានរន្ធបំភាយខ្យល់ រួមនិងការផ្តល់នូវគុណភាពសំឡេង មានគុណភាពអស្ចារ្យបំផុត។
ខណៈពេលដែលលក្ខណៈសម្បត្តិជាច្រើនទៀតរបស់កាសស្តាប់នេះស្ថិតនៅក្នុងភាពអាថ៌កំបាំងនោះ នៅថ្ងៃនេះ មានការបង្ហាញពីការឌីស្សាញនៃកាសស្តាប់នេះគឺប្លែកទាន់សម័យមែនទែន។ កាសស្តាប់នេះ មានថាមពលថ្ម ដែលអាចប្រើប្រាស់បានដល់ទៅ 8 ម៉ោង បន្ទាប់ពីការសាកថ្មម្តង។ ប្រភពខាងលើនេះ បានបន្តថា កាសនេះ អាចនឹងមាន 2 ពណ៌ គឺពណ៌ខ្មៅ និងពណ៌ស្វាយ។ សូមជំរាបថា សម្រាប់ព័ត៌មានពេលនេះ គឺជាពណ៌មានបឋមតែប៉ុណ្ណោះ ដូច្នេះ ដើម្បីចង់ដឹងកាន់តែច្បាស់ យើងនឹងរង់ចាំតាមដានបន្ត រហូតដល់ពេលវលាផ្លូវការនៃការបង្ហាញនូវកាសស្តាប់នេះ នៅក្នុងពេលឆាប់ៗនេះ៕
