យោងតាមរបាយការណ៍ថ្មីមួយនៅថ្ងៃនេះ គឺបានទម្លាយនូវព័ត៌មានគ្រប់យ៉ាងអំពីស្មាតហ្វូនបត់បានស៊េរីថ្មី vivo X Fold 5 ដែលនឹងវត្តមាននៅពេលដ៏ខ្លិខាងមុខនេះហើយ។ នៅឆ្នាំនេះ គឺខុសប្លែកពីឆ្នាំមុនបន្តិច ដោយក្រុមហ៊ុននេះ មិនមានប្រកាសចេញស្មាតហ្វូនចំនួន 2 ម៉ូដែលទៀតនោះទេ គឺនឹងមានការបង្ហាញវត្តមានស្មាតហ្វូនស៊េរីថ្មីតែមួយប៉ុណ្ណោះ។ អ្វីដែលគួរអោយចាប់អារម្មណ៍នោះ ក្រុមហ៊ុន vivo អាចនឹងបោះបង់ចោលនូវលេខ “4” ទៀតផង។ សូមជំរាបថា ក្រុមហ៊ុនជាច្រើននៅក្នុងប្រទេសចិនតែងតែបោះបង់ចោលលេខ 4 ដែលជាគឺជាលេខមួយ គេគិតថា មិនល្អនោះទេ សម្រាប់វប្បធម៌របស់ប្រទេសចិនដោយសារតែសូសព្ទរបស់លេខនេះគឺស្រដៀងគ្នាទៅនឹងពាក្យថា ស្លាប់។
ខណៈពេលនេះ មានរបាយការណ៍ថ្មីនេះ បានទម្លាយនូវលក្ខណៈសម្បត្តិជាច្រើនរបស់ស្មាតហ្វូន X Fold 5 នោះ ក្រុមហ៊ុននេះ នៅមិនទាន់បានទម្លាយនូវកាលបរិច្ឆេទនៃការសម្ភោធន៍ស្មាតហ្វូននេះទេ។ យ៉ាងណាមិញ នៅក្នុងការបង្ហោះនៅលើ Weibo អ្នកទម្លាយ Digital Chat Station អះអាងថា ស្មាតហ្វូននេះ នឹងបង្ហាញខ្លួននៅក្នុងប៉ុន្មានខែខាងមុខនេះ។
តាមការបញ្ជាក់ចេញពី DCS នោះ កាលបរិច្ឆេទនៃការសម្ភោធន៍ស្មាតហ្វូនជំនាន់ថ្មី vivo X Fold 5 នេះអាចនឹងបង្ហាញខ្លួននៅក្នុងខែកក្កដានេះ។ អ្នកទម្លាយនេះ បានអះអាងថា ស្មាតហ្វូនស៊េរីថ្មី X Fold 5 នេះនឹងបង្ហាញខ្លួននៅក្នុងត្រីមាសទី 3 ឆ្នាំនេះ នៅក្នុងទីផ្សារនៃប្រទេសចិន។ ស្មាតហ្វូន Vivo X Fold 5 នឹងប្រើប្រាស់នូវបន្ទះឈីប Snapdragon 8 Gen 3។ ស្មាតហ្វូននេះ នឹងប្រើប្រាស់នូវថាមពលថ្មទំហំ 6,000mAh ជាមួយនឹងបច្ចេកវិទ្យាសាកថ្មលឿន wireless charging ទៀតផង។
មានការទម្លាយថា ស្មាតហ្វូនជំនាន់ថ្មីនេះ ក៏នឹងមានកាមេរ៉ា 50-Megapixel Sony IMX882 Periscope Telephoto Lens ផងដែរ។ មុនេនះមានការបញ្ជាក់ថា ស្មាតហ្វូន vivo X Fold 5 នេះ នឹងបំពាក់នូវកាមេរ៉ាខាងមុខ 2 គ្រាប់ទំហំ 20-Megapixel ទាំងនៅលើផ្នែក Cover និងអេក្រង់ខាងក្នុង។ ប៉ុន្តែតាមរបាយការណ៍មួយនៅពេលនេះ បានអះអាងថា ស្មាតហ្វូន X Fold 5 នឹងប្រើប្រាស់កាមេរ៉ាទំហំ 32-Megapixel ចំនួន 2 គ្រាប់ នៅផ្នែកខាងមុខ និងផ្នែកខាងក្នុង។ ស្មាតហ្វូន vivo X Fold 5 នេះ ទ្រទ្រងនូវមុខងារ Always-On Display (AOD) ហើយនឹងមានទំហំ 16GB+1TB សម្រាប់ធ្វើការជ្រើសរើសទៀតផង៕
