តាមការចេញផ្សាយពី huaweicentral ថ្មីៗនេះ បាននិយាយថា ក្រុមហ៊ុន Huawei ត្រៀមខ្លួនរួចរាល់ហើយនៅក្នុងការនាំយកនូវកុំព្យូទ័របត់បាន Foldable PC របស់ខ្លួនដែលមានភ្ជាប់ជាមួយនឹងការបំពាក់នូវ Software System ដែលអភិវឌ្ឍដោយក្រុមហ៊ុន Huawei រួមនិងបន្ទះឈីប Kirin X90 ផងដែរ។ នៅក្នុងព័ត៌មានចុងក្រោយបំផុតនេះ ក៏បញ្ជាក់អំពី Notebook ថ្មីនេះដូចគ្នា។ តាមអ្នកទម្លាយ @DigitalChatStation បង្ហោះនៅលើ Weibo គឺមានការលម្អិតអំពីកុំព្យូទ័របត់បាន ‘Huawei foldable PC‘ នេះហើយ។
អ្នកទម្លាយរូបនេះ បាននិយាយថា កុំព្យូទ័របត់បាននេះ នឹងបង្ហាញខ្លួននៅថ្ងៃទី 19 ខែឧសភាខាងមុខនេះ ជាមួយនឹងបច្ចេកវិទ្យាច្នៃប្រឌិតជាច្រើន។ កុំព្យូទ័របត់បានថ្មីនេះ គឺប្រើប្រាស់នូវ Linear Motor ធំដើម្បីផ្តល់នូវបទពិសោធន៍នៃការប្រើប្រាស់ដ៏អស្ចា ដោយអនុញ្ញាតអោយកុំព្យូទ័រនេះ ផ្តល់នូវរំញ័រ និងការទទួលបាននូវការ Alerts នៅក្នុងអំឡុងពេលនៃការលេងហ្គេមថែមទៀតផង។ក្រុមហ៊ុននេះ អាចនឹងកែប្រែទៅលើការវាយទៅលើ keyboard ផងដែរ។ បន្ថែមពីនេះ ក៏មានការពង្រឹងទៅលើមុខងារជាច្រើននៃការប្រើប្រាស់ keyboard នៅលើកុំព្យូទ័រ Huawei foldable PC ហើយវានឹងប្រើប្រាស់នូវបន្ទះឈីប Kirin X90 ថែមទៀតផង។
ប្រភពខាងលើបន្តថា កុំព្យូទ័រ Foldable PC នេះនឹងប្រើប្រាស់នូវ HarmonyOS system ដែលផ្តល់នូវបទពិសោធន៍នៃការប្រើប្រាស់ដ៏អស្ចារ្យជាច្រើនសម្រាប់អ្នកប្រើប្រាស់។ អ្នកទម្លាយ Digital Chat Station បានបន្ថែមទៀតថា កុំព្យូទ័រថ្មីនេះនឹងនាំយកនូវមុខងារអស្ចារ្យជាច្រើន ហើយវានឹងបង្ហាញខ្លួនជាមួយនឹងស្មាតហ្វូន Nova 14 series នៅថ្ងៃទី 19 ខែឧសភាខាងមុខនេះ។ ក្រុមហ៊ុន Huawei សន្យាថា នឹងប្រកាសចេញនូវផលិតផលដែលមិនធម្មតានោះទេសម្រាប់ឆ្នាំនេះ។
លោក Richard Yu ដែលជាអគ្គនាយករបស់ក្រុមហ៊ុន Huawei Consumer Business បានបញ្ជាក់ជាច្រើនលើកមកហើយថា ឆ្នាំ 2025 នេះ នឹងមានការបង្ហាញនូវផលិតផលអស្ចារ្យជាច្រើនដែលមានទម្រង់ផ្សេងៗគ្នាដែលគ្មានអ្នកណាហ៊ានផលិតនោះទេ៕
