នៅថ្ងៃទី 20 ខែឧសភា ខាងមុខនេះ ក្រុមហ៊ុន iQOO នឹងមានរៀបចំនូវកម្មវិធីដ៏ធំមួយនៅប្រទេចិន ដើម្បីប្រកាចេញនូវផលិត ផលថ្មីៗជាច្រើនរបស់ខ្លួន ដែលមានដូចជា ស្មាតហ្វូនជំនាន់ថ្មី Neo 10 Pro+, Pad 5 series, Watch 5 រួមនិងរបស់ថ្មីៗជាច្រើនទៀត។ ថ្ងៃនេះមុនការសម្ពោធចូលមកដល់ ក្រុមហ៊ុននេះបានបញ្ចេញនូវព័ត៌មានពីផលិតផលនិមួយៗហើយ ក្នុងនោះមានការនិយាយពីអេក្រង់នៅលើស្មាតហ្វូន Neo 10 Pro+ ទៀតផង។
iQOO Neo10 Pro+ ត្រូវបានក្រុមហ៊ុនបញ្ជាក់ថា គឺជាស្មាតហ្វូនដំបូងគេនៃត្រកូល Neo ដែលមានការប្រើប្រាស់នូវអេក្រង់ 2K ដែលជាបន្ទះអេក្រង់របស់ BOE គាំទ្រដោយបច្ចេកវិទ្យាអេក្រង់ Q10 screen technology មានសមត្ថភាពអាចបង្ហាញចេញបានកម្រិត 2K និងមានការគាំទ្របច្ចេកវិទ្យាអេក្រង់ LTPO substrate ទៀតផង។ អេក្រង់នេះរត់ជាមួយល្បឿនចាប់ពី 1Hz-144Hz refresh rate និងមានកម្រិតឆ្លើយតបអេក្រង់ 300Hz touch sampling rate ព្រមទាំងមានកម្រិតពន្លឺ 1800 nits of global brightness ហើយនិង 4500 nits peak local brightness។ ខណៈដែលមិនទាន់មានការបង្ហាញពីទំហំអេក្រង់នោះ មានការទម្លាយថា ស្មាតហ្វូននេះមានអេក្រង់ 6.82-អ៊ីង។
សូមជំរាបថា អេក្រង់ BOE Q10 នេះ គឺមានការប្រើប្រាស់សមាសភាគថ្មីនៃស្រទាប់ការពារភ្នែក circular polarised eye-care layer និងមានការទ្រទ្រង់នូវកម្រិត 2592Hz high-frequency PWM dimming ជាមួយនិង DC-like dimming effect។ ផ្អែកតាមកម្រិតខ្ពស់នៅលើអេក្រង់នេះ ក្រុមហ៊ុននេះបានបញ្ជាក់ថា អេក្រង់នេះនឹងស៊ីថាមពលថ្មដូចគ្នាទៅនឹង 1.5K អញ្ចឹង។
ស្មាតហ្វូននេះ នឹងមានការបំពាក់នូវបន្ទះឈីប Snapdragon 8 Elite អមជាមួយរ៉េម LPDDR5X Ultra RAM និង UFS 4.1 storage។ តាមការធ្វើតេស្តនៅលើ AnTuTu benchmark បង្ហាញថា ស្មាតហ្វូននេះមានពិន្ទុ 3,311,557។ នៅលើស្មាតហ្វូនេនះ Neo10 Pro+ ក៏នឹងមានការប្រើប្រាស់ប្រព័ន្ធត្រជាក់ iQOO ទំហំ 7K vapor ផងដែរ។ ស្មាតហ្វូននេះមានថ្មទំហំ 7,000mAh គាំទ្រដោយកម្លាំងសាក 120W fast charging។
