យោងតាមពាក្យចចាមអារ៉ាមនាពេលថ្មីៗនេះ បាននិយាយថា ក្រុមហ៊ុន Apple មានគម្រោងនៅក្នុងការឌីស្សាញរូបរាងថ្មីឡើងវិញសម្រាប់ iPhone 19 Pro ដែលជាស្មាតហ្វូនជំនាន់ថ្មីរបស់ខ្លួន សម្រាប់ខួប 20 ឆ្នាំនៅក្នុងឆ្នាំ 2027 ហើយអេក្រង់ស្មាតហ្វូនថ្មីនេះ នឹងគ្មានគែម bezel នោះទេ រួមទាំងមានការបំពាក់នូវកាមេរ៉ា selfie ក្រោមអេក្រង់ ព្រមទាំងថ្មស៊ីលីកូន 100% ទៀតផង។ គំនិតថ្មីនេះ ត្រូវបានគេរំពឹងថា គឺជាការផ្លាស់ប្តូរដ៏សំខាន់ដែលមានការអាប់ដេតពីស្មាតហ្វូនជំនាន់ថ្មី iPhone 17 និងទៅលើ iPhone 18 ដែលត្រៀមបង្ហាញវត្តមាននាពេលខាងមុខ។
ខណៈ iPhone 16 Pro ដែលបង្ហាញខ្លួននៅក្នុងឆ្នាំ 2024 ហើយស្មាតហ្វូន iPhone 17 Pro ត្រៀមបង្ហាញខ្លួននៅក្នុងឆ្នាំ 2025 ជាមួយនឹងការប្រើប្រាស់នូវកាមេរ៉ាដែលមានទំហំធំជាងមុននោះ ក្រុមហ៊ុន Apple ត្រូវបានគេរំពឹងថា ក៏បានត្រៀមនឹងផ្លាស់ប្តូរទាំងស្រុងសម្រាប់ស្មាតហ្វូន iPhone 19 Pro នេះបើតាមការបញ្ជាក់ចេញពី ET News ។ យោងតាមរបាយការណ៍មុននេះចេញពី Bloomberg បានអោយដឹងថា ស្មាតហ្វូន 2027 Flagship នេះ គឺជាខួបរយៈពេល 20 ឆ្នាំនៃស្មាតហ្វូន iPhone ហើយវានឹងមិនមានគែម bezel នោះទេ។
ស្មាតហ្វូន iPhone 19 Pro នេះ នឹងមានអេក្រង់ AMOLED Panel រួមនិងកញ្ចក់នៅលើជ្រុងទាំង 4 ហើយនិងមានគាំទ្រជាមួយនឹងកម្រិតអេក្រង់ 100% screen-to-body ratio ទៀតផង។ សម្រាប់កាមេរ៉ា selfie និងសិនស័រ Face ID Sensors រួមជាមួយនឹងរន្ធ punch-hole ក្រោមអេក្រង់វិញ គឺនឹងមានការប្រើប្រាស់នៅលើស្មាតហ្វូនថ្មីរបស់ Apple។
សម្រាប់បច្ចេកវិទ្យាច្នៃប្រឌិតថ្មីមួយទៀតនោះ គឺការប្រើប្រាស់នូវថាមពលថ្មស៊ីលីខូន 100% ជំនួសអោយការប្រើប្រាស់នូវ carbon-based cathode នៅក្នុង silicon-carbon cells ដែលមានស៊ីលីខូនតិចជាង 20%។ ស្មាតហ្វូន iPhone 19 series នេះ ក៏អាចនឹងមានរូបរាងស្លីម ហើយនិងមានថាមពលថ្មធំជាងមុនផងដែរ។ និយាយពី iOS 21 របស់ក្រុមហ៊ុន Apple ត្រូវបានគេព្យាករណ៌ថា ក៍នឹងបង្ហាញខ្លួននៅឆ្នាំ 2027 ខាងមុខនេះ ដែលមានបច្ចេកវិទ្យា AI ជាច្រើនទៀតផង៕
