Hongqi នឹងប្រកាសចេញឡានហោះដំបូងរបស់ខ្លួននៅឆ្នាំ 2029 ខាងមុខនេះហើយ

យោងតាមសេចក្តីរាយការណ៌ថ្មីរបស់ប្រព័ន្ធផ្សព្វផ្សាយ Xuanyuan Business Review នៅថ្ងៃនេះ បានអោយដឹងថា Hongqiដែលក្រុមហ៊ុនបុត្រសម្ព័ន្ធ China FAW Group នឹងមានការប្រកាសចេញនូវឡានហោះដំបូងរបស់ខ្លួននៅឆ្នាំ 2029 ខាងមុខនេះហើយ។ តាមការបញ្ជាក់ពីលោក Li Dan ដែលជានាយកប្រតិបត្តិរបស់អាជីវកម្មឡានហោះរបស់ Hongqi គឺធ្លាប់បានបង្ហើបពីរឿងនេះកាលពីខែមិថុនាថា ក្រុមហ៊ុន Hongqi មានគម្រោងនឹងធ្វើអាជីវកម្មទៅលើឡានហោះនេះ នៅត្រឹមឆ្នាំ 2035 ខាងមុខ។ 

សូមជំរាបថា ក្រុមហ៊ុន FAW បានចាប់ផ្តើមធ្វើការសិក្សាស្រាវជ្រាវទៅលើឡានហោះនេះ ចាប់តាំងពីឆ្នាំ 2023 មកម្លេះ ហើយនឹងចាប់ផ្តើមបង្ហាញនូវគំរូនៃឡាននេះកាលខែមិថុនាកន្លងទៅ។ នៅក្នុងព្រឹត្តិការណ៌ the 2025 Shanghai auto កាលពីខែមេសាកន្លងទៅនេះ ក្រុមហ៊ុន Hongqi ក៏មានការបង្ហាញនូវគំរូឡានហោះម៉ូដែលដំបូងរបស់ខ្លួនផងដែរ។ Tiannian 1 គឺជាគំរូដំបូងនៃឡនាហោះ ដែលមាការតម្លើងនូវតួរដែលអាចហោះ និងប្រព័ន្ធកាប៊ីនបញ្ជា ហើយនិងម៉ាស៊ីនផងដែរ។ 

តាមរយៈម៉ូដែលដំបូងនេះ នៅលើឡានហោះនេះ គឺមានបំពាក់នូវប្រព័ន្ធបញ្ជាចំនួន 2 អាចហោះបានចម្ងាយជាង 200km និងអាចហោះជាមួយល្បឿន 150km នៅក្នុងមួយម៉ោង។ តាមគម្រោងរបស់ Hongqi បានអោយដឹងថា ខ្លួននឹងធ្វើការផលិតនូវឡានហោះនេះ ក្នុងទីក្រុង Shenzhen នេះបើតាមការបញ្ជាក់ចេញពីលោក Li កាលពីថ្ងៃទី 13 ខែកុម្ភៈ។

លោក Li បន្តថា ជាមួយនិងវត្តមានរបស់ឡានដំបូងនេះ គឺក្រុមហ៊ុនមានការផ្តោតខ្លាំងទៅលើប្រព័ន្ធដឹកជញ្ជូន និងប្រព័ន្ធសុវត្ថិភាព ប្រសិទ្ធិភាពនៃការប្រើប្រាស់ ក៏ដូចជាតម្លៃទាបជាងដៃគូរទៀតផង។ សម្រាប់ឡានហោះនេះ គឺនឹងប្រើប្រាស់ជាតម្រូវការសម្រាប់អ្នកចូលចិត្តធ្វើដំណើរចម្ងាយចាប់ពី 100km ទៅ 300km នេះបើតាមការបញ្ជាក់ពីលោក Li។