ម៉ាករថយន្ត Fang Cheng Bao របស់ BYD បានប្រកាសចេញលក់រថយន្ត SUV ជម្រើស 5-កៅអីនៃម៉ូដែល Bao 8 ជាផ្លូវការណ៍នៅទីផ្សារប្រទេសចិន ដោយមានជម្រើសពីរម៉ូដែល មានតម្លៃចាប់ពី $53,200 ដល់ $56,000។ Fang Cheng Bao Bao 8 ម៉ូដែល 5 កៅអីថ្មីនេះ គឺជាជម្រើសចុងក្រោយបន្ទាប់ពីការចេញលក់ម៉ូដែល 6 កៅអី និង 7 កៅអី។ ឡាន off-road SUV ម៉ូដែលថ្មីនេះ គាំទ្រប្រព័ន្ធជំនួយការបើកបរឆ្លាតវៃ Qiankun intelligent driving ពីក្រុមហ៊ុន Huawei ដែលប្រតិបត្តិការជាមួយនឹងសែនស័រ LiDAR នៅលើដំបូងខាងមុខ។ ជាមួយគ្នានេះ BYD Fang Cheng Bao ក៏មានជម្រើសពណ៌បៃតងថ្មីហៅថា Lake Green ផងដែរ។
ចូលមកផ្នែកកាប៊ីនខាងក្នុងរបស់ Fang Cheng Bao Bao 8 មានដំឡើងមកជាមួយអេក្រង់បង្ហាញព័ត៌មានទំហំ 12.3-inch, អេក្រង់កម្សាន្តនៅកណ្តាលទំហំធំដល់ 17.3-inch, អេក្រង់ខាងមុខអ្នករួមដំណើរកៅអីខាងមុខទំហំ 12.3-inch ព្រមទាំងមានមុខងារបាញ់បង្ហាញលើកញ្ចក់ដំបូលមុខ AR-HUD ទំហំ 50-inch ថែមទៀតផង។ ជាមួយគ្នានេះនៅផ្នែកខាងក្នុងក៏មានជម្រើសពណ៌ប្រផេះថ្មីហៅថា Snow Hidden Grey។
សម្រាប់អេក្រង់កម្សាន្តមានការគាំទ្រនូវមុខងារ DiLink 150 គាំទ្រដំណើរដោយបន្ទះឈីប BYD 9000 chip ភ្ជាប់ដោយបច្ចេកវិទ្យាឆ្លាតវៃកម្រិតខ្ពស់ AI large models ក៏ដូចជាមុខងារ “Fang Hua” ដែលអាចភ្ជាប់កម្មវិធីស្មាតហ្វូន Huawei ទៅកាន់ប្រព័ន្ធរបស់រថយន្តបានផងដែរ។
Fang Cheng Bao Bao 8 មានប្រវែងដងខ្លួន 5,195mm/ទទឹង 1,994mm/ កំពស់ 1,875mm និងគម្លាតចន្លោះកង់មុខកង់ក្រោយ 2,920mm។ ហើយការផ្លាស់ប្តូរពីការដំឡើងកៅអី 3 ជួរមកនៅត្រឹម 2 ជួរស្មើរនឹង 5 កៅអី បានផ្តល់នូវភាពទូលាយកាន់តែខ្លាំងនៅផ្នែកខាងក្នុង ដែលផ្នែកឃ្លប់ក្រោយអាចផ្ទុកអីវ៉ាន់បានដល់ 955 លីត្រ ហើយអាចលាតដល់ 1,897mm នៅពេលកាច់បត់កៅអីជួរទីពីរចុះ។ ទៅលើប្រព័ន្ធជំនួយការបើកបរវិញ គ្រប់ម៉ូដែល Fang Cheng Bao Bao 8 ទាំងអស់ ត្រូវបានគាំទ្រដំណើរការជាមួយប្រព័ន្ធឆ្លាតវៃ Qiankun Intelligent Driving ADS 4.0 របស់ Huawei ដែលមានប្រព័ន្ធបញ្ជាមុខងារទំនើបៗដ៏សម្បូរបែបសម្រាប់ការប្រើប្រាស់។
ឡាន off-road SUV ប្រណិតរបស់ BYD មួយនេះ ដំណើរការដោយប្រព័ន្ធបច្ចេកវិទ្យា DMO+ plug-in hybrid platform នៅលើម៉ាស៊ីន 2.0T ភ្ជាប់ដំណើរការដោយម៉ូទ័រអគ្គិសនីពីរ ដោយម៉ូទ័រខាងមុខមានកម្លាំង 200kW និងម៉ូទ័រខាងក្រោយមានកម្លាំង 300kW ដែលសរុប កម្លាំង គឺស្មើរនឹង 550kW (738hp) ជាមួយកម្លាំងបង្វិល 760Nm ដែលផ្តល់ឲ្យ Bao 8 អាចជាន់ស្ទុះពីកុងទ័រ 0 ទៅ 100km/h ចាយពេលខ្ទង់ 4.8 វិនាទី។
ជាមួយគ្នានេះ Bao 8 ក៏មានមុខងារបើកបរដូចជា normal, sand, mud, និង rocks ជាដើម។ សម្រាប់កញ្ចប់ថ្មដែលប្រើនៅលើ Bao 8 SUV សាកភ្លើងពេញម្តងអាចជិះបានចម្ងាយ 125km ដោយប្រើអគ្គិសនីសុទ្ធ ហើយបើប្រើគូបជាមួយម៉ាស៊ីនចាក់សាំងពេញម្តងអាចបន្តជិះបានដល់ 1,200km ជាមួយកម្រិតស៊ីសាំងវិញ គឺ 8.5L/100km។ ឡាននេះក៏គាំទ្រមុខងារ 6kW external power discharge function ផងដែរ៕
