នេះគឺជាឡាន Jeep Grand Wagoneer ស៊េរីឆ្នាំ 2026 ដែលទើបតែបានបង្ហាញខ្លួនជាផ្លូវការ សម្រាប់ទីផ្សារសហរដ្ឋអាមេរិក ជាមួយនឹងតម្លៃចាប់ពីខ្ទង់ $62,000 ពោលគឺធូរថ្លៃជាងមុន $20,000 ខណៈស៊េរីឆ្នាំ 2025 មានតម្លៃចាប់ពីខ្ទង់ $84,000 ឯណោះ។
Jeep Grand Wagoneer 2026 ថ្មី នឹងផ្តល់ជម្រើសម៉ាស៊ីនចំនួន 2 ប្រភេទគឺ៖
- ទី 1 ម៉ាស៊ីនចំណុះ 3.0L Twin-turbo ទំហំ 6 ស៊ីឡាំង មានកម្លាំង 420 HP និង កម្លាំងរមួល 635 NM ដំណើរការដោយជម្រើស ប៉ុង 1 (FWD) ឬ ប៉ុង 2 (4WD)
- ទី 2 ជាប្រភេទម៉ាស៊ីន REEV ដែលជាប្រភេទម៉ាស៊ីនសាំងលាយអគ្គិសនី
យ៉ាងណាមិញ ឡាន SUV របស់អាមេរិកមួយនេះ មានបំពាក់ Option ទំនើបៗជាច្រើន ដោយក្នុងនោះរួមមាន ដូចជា សំណុំចង្កៀង LED, ផ្លិតទឹកអូតូ, យ៉ាន់កង់ទំហំដល់ 22 អ៊ីញ អមដោយប្រព័ន្ធបូមខ្យល់ Quadra-Lift Air Suspension, ឃ្លុបក្រោយអូតូ, កញ្ចក់ចំហៀងកម្តៅអូតូ និង មុខងារបញ្ជាបញ្ឆេះម៉ាស៊ីនពីចម្ងាយ ផងដែរ។
ចំណែកឯផ្នែកខាងក្នុងវិញ វាមានបំពាក់ដៃចង្កូតស្រោបស្បែក ចុចសារ៉េអូតូ និងមានមុខងារកម្តៅ, កៅអីស្បែក Nappa ចុចសារ៉េអូតូ 24 បែប មានមុខងារក្តៅត្រជាក់, កៅអីជួរទី 2 ជាប្រភេទកៅអីធំ Captain Chair, កុងទ័រឌីជីថល ទំហំ 12.3 អ៊ីញ, កុងទ័របាញ់លើកញ្ចក់ និង អេក្រង់កម្សាន្ត ទំហំ 12 អ៊ីញ, កន្លែងសាកថ្មទូរសព្ទឥតប្រើខ្សែ, ប្រព័ន្ធម៉ាស៊ីនត្រជាក់ 4 តំបន់, ដំបូលកញ្ចក់ធំ Panoramic Sunroof, Speaker 19 គ្រាប់ និង ប្រព័ន្ធកាមេរ៉ា 360 ដឺក្រេ។
បើនិយាយពីមុខងារសុវត្ថិភាព និងជំនួយការបើកបរវិញ វាមានដូចជា Active Driving Assist, Adaptive Cruise Control with Stop, Blind-Spot Monitoring និង Rear Cross Path Detection ព្រមទាំង Active Lane Management, Intersection Collision Assist, សេនស័រជំនួយចូលចតមុខក្រោយ ព្រមទាំង មុខងារជំនួយចូលចតអូតូ ParkSense ទៀតផង៕
