Jetour Zongheng G700 របស់ក្រុមហ៊ុន Chery បានក្លាយជារថយន្ត Off-road SUV ដំបូងគេក្នុងប្រវត្តិសាស្ត្រដែលឆ្លងកាត់ទន្លេ Yangtze ដោយជោគជ័យ។ ការសាកល្បងជិះឆ្លងកាត់បណ្តែតខ្លួននៅក្នុងទន្លេនេះបានធ្វើឡើងកាលពីថ្ងៃទី 16 ខែតុលា ម្សិលមិញនេះ ដោយចាប់ផ្តើមពីចំណតសាឡាង Heisha Zhou Ferry Terminal ក្នុងទីក្រុង Wuhu ខេត្ត Anhui ប្រទេសចិន។ Wuhu គឺជាទីក្រុងដែលមានទីស្នាក់ការកណ្តាលរបស់ក្រុមហ៊ុន Chery។
ការធ្វើដំណើរដោយជិះតាមដងទន្លេដែលលាតសន្ធឹងប្រវែង 1,480 ម៉ែត្រ ដែលជាទន្លេដ៏ធំបំផុតមួយរបស់ប្រទេសចិន ដោយប្រើរយះពេលប្រមាណ 22 នាទី។ រថយន្ត Off-road SUV ស៊េរីថ្មីនេះ ធ្វើដំណើរឆ្លងកាត់ផ្ទៃទឹកដែលមានរយះចម្ងាយប្រហែល 1.2 គីឡូម៉ែត្រ ជាមួយការប្រយុទ្ធប្រឆាំងនឹងចរន្តទឹកហូរល្បឿនពី 5 ទៅ 10 គីឡូម៉ែត្រក្នុងមួយម៉ោង។ ទោះជាយ៉ាងណា Jetour Zongheng G700 នៅតែអាចរក្សាទីតាំងអណ្តែតទឹកមានស្ថេរភាពពេញផ្លូវឆ្លងកាត់ ដោយធ្វើដំណើរក្នុងល្បឿនប្រហែល 7 គីឡូម៉ែត្រក្នុងមួយម៉ោង មុនពេលទៅដល់ចំណតសាឡាង Nanlong Ferry Terminal ដោយជោគជ័យ។
កត្តាដែលធ្វើអោយ Zongheng G700 ឆ្លងកាត់ទន្លេបានដ៏ជោគជ័យ គឺត្រូវពឹងផ្អែកទៅលើលក្ខណៈបច្ចេកទេសរបស់វា ដែលក្នុងនោះរួមមានការឌីស្សាញតួររថយន្តមានសភាពរាបស្មើរ seamless, គ្មានចន្លោះប្រហោង hole-free painted body, មានប្រព័ន្ធ active air circulation system, និងប្រព័ន្ធជម្រុញថាមពលកម្រិត 800V high-voltage silicon carbide high-speed propulsion system ជាដើម។ ជាមួយគ្នានេះប្រព័ន្ធ 6-axis gyroscope របស់រថយន្តបានធ្វើប្រតិបត្តិការព្រមគ្នាក្នុងការកែតម្រូវតុល្យភាពដើម្បីរក្សាលំនឹងខ្លួនរបស់រថយន្ត ដោយធានាបាននូវការគ្រប់គ្រងច្បាស់លាស់ក្នុងអំឡុងពេលជិះឆ្លងកាត់ទឹក។
Chery Jetour Zongheng G700 ជារថយន្ត Off-road SUV ដែលដំណើរការដោយប្រព័ន្ធម៉ាស៊ីនម៉ាស៊ីន 2.0TD hybrid ដែលផ្តល់នូវថាមពល 155kW និងកម្លាំងបង្វិល 340Nm ជាមួយនឹងប្រសិទ្ធភាពរក្សាកម្ដៅនៅខាងក្នុង 45.5%។ រថយន្តស៊េរីថ្មីនេះបង្កើតឡើងដោយស្ថាបត្យកម្មថាមពលកម្លាំង 800V និងភ្ជាប់ដំណើរការដោយប្រអប់លេខ DHT 2-វគ្គស្វ័យប្រវត្តិ។
Zongheng G700 បំពាក់ដោយកញ្ចប់ថ្មថ្មីប្រភេទ 4C dual-layer battery system និងដំណើរការដោយម៉ូទ័រអេឡិចត្រិចប្រភេទ 2-speed P4 electric motor។ Jetour Zongheng G700 មានកម្លាំងសរុប 560kW (751hp) និងកម្លាំងបង្វិល 795Nm ហើយការសាកភ្លើង និងចាក់សាំងពេញម្តងអាចជិះបានចម្ងាយ 1,400 គីឡូម៉ែត្រ៕
