ថ្មីៗនេះមានពាក្យចចាមអារ៉ាមជាច្រើនបាននិយាយថាក្រុមហ៊ុន Samsung នឹងមានការប្រកាសចេញជាផ្លូវការណ៌នូវស្មាតហ្វូនថ្នាក់ប្រណិតរបស់ខ្លួន Galaxy S series នៅខែមីនាឆ្នាំ 2026 ខណៈដែលរាល់ឆ្នាំក្រុមហ៊ុនបច្ចេកវិទ្យាយក្សកូរ៉េខាងត្បូងមួយនេះតែងតែប្រារព្ធព្រឹត្តិការណ៌នេះឡើងនៅខែមករាជារៀងរាល់ឆ្នាំ។
នៅថ្ងៃនេះបើតាមរបាយការណ៌ថ្មីចេញពីប្រទេសកូរ៉េខាងត្បូងគឺបាននិយាយថា Samsung គឺបានពន្យាពេលទៅលើសង្វាក់ផលិតកម្មរបស់ស្មាតហ្វូនជំនាន់ថ្មី Galaxy S26 Series ហើយដោយក្នុងរបាយការណ៌ននោះបានបញ្ជាក់ថា Samsung នឹងចាប់ផ្តើមផលិតទៅលើស្មាតហ្វូន Galaxy S26 Ultra នីៅខែធ្នូរខាងមុខខណៈដែល Galaxy S26 និង Galaxy S26+ គឺនឹងមានការផលិតចេញនៅខែមករាឆ្នាំ 2026។
សូមជំរាបថានៅមុននេះមានការផ្សាយថាក្រុមហ៊ុន Samsung គ្រោងនឹងធ្វើការផលិតចេញនូវស្មាតហ្វូនជំនាន់ថ្មី Galaxy S26 Series ទាំង 3 ម៉ូដែលនេះនៅខែធ្នូតែមួយ។ប៉ុន្តែពេលនេះមានការផ្លាស់ប្តូរហើយដោយនៅក្នុងរបាយការណ៌ថ្មីនេះបាននិយាយថាក្រុមហ៊ុន Samsung នឹងធ្វើការពន្យាពេលទៅលើការផលិតស្មាតហ្វូនជំនាន់ថ្មីទាំងនេះហើយថែមទាំងមានការលុបចោលនូវម៉ូដែល Galaxy S26 Edge ដែលខ្លួនបានធ្វើការអភិវឌ្ឍកន្លមកថែមទៀតោង។
នៅពេលនេះក្រុមហ៊ុន Samsung ត្រូវបានគេរាយការណ៌ថាបាននឹងកំពុងតែធ្វើការនៅលើស្មាតហ្វូនជំនាន់ថ្មី Galaxy S26+ វិញហើយខណៈដែលដំណើរការទៅលើស្មាតហ្វូន Galaxy S26 និង Galaxy S26 Ultra ក៏កំពុងតែត្រៀមនឹងបញ្ចប់នូវការសិក្សាដើម្បីឈានដល់ការផលិតជាផ្លូវការផងដែរ។ដូច្នេះសម្រាប់ព័ត៌មាននៅពេលនេះអាចនឹងច្បាស់លាស់ហើយដោយស្មាតហ្វូនជំនាន់ថ្មី Galaxy S26 Ultra អាចនឹងមានការផលិតមុននៅខែធ្នូខណៈដែលបន្ទាប់មកគឺ Galaxy S26 ហើយនិងម៉ូដែល Galaxy S26+ គឺនឹងមានការផលិតចេញក្រោយគេ។សម្រាប់ការពន្យាពេលផលិត Galaxy S26 Series នេះត្រូវបានគេនិយាយថានឹងអោយការប្រកាសចេញមានការយឺតយ៉ាវ។
