ក្រុមហ៊ុន Geely បានធ្វើការប្រកាសចេញលក់ឡាន Pick up ប្រភេទ Plug-in-hybrid ថ្មីពីរម៉ូដែល សម្រាប់ម៉ូដែល Riddara RD6 ឬ King Kong នៅទីផ្សារប្រទេសចិន។ ឡាន Pick Up PHEV ថ្មីទាំងពីរម៉ូដែលនេះ គឺ Riddara RD6 Mountain Edition និង Riddara Horizon High-Altitude Edition plug-in hybrid AWD ដែលមានតម្លៃចាប់ពីខ្ទង់ $20,000 និង $21,700 តម្លៃតាមជម្រើសម៉ូដែលនីមួយៗ។
.jpg)
ឡាន Pick up ទាំងពីរម៉ូដែលនេះ គឺបំពាក់ប្រព័ន្ធដំណើរការដោយបច្ចេកវិទ្យា Geely NordThor EM-P Hybrid system តាម range ស្តង់ដារ CLTC គឺអាចបើកបរបានដល់ចម្ងាយ 1,068km ជាមួយអត្រាសម្រេចក្នុងការធ្វើដំណើរឡើងរយះកម្ពស់ 95% ក្នុងកម្ពស់ 3,800m ហើយនិងមានសមត្ថភាពអាចបើកឡើងជម្រាលបាន 55%។
ប្រព័ន្ធ Geely NordThor EM-P Hybrid system ដំណើរការដោយពឹងផ្អែកលើម៉ាស៊ីនសាំង 1.5T រួមនឹងប្រព័ន្ធម៉ូទ័រអគ្គិសនីពីរន ភ្ជាប់ដំណើរការដោយប្រអប់លេខប្រភេទ DHT 3-វគ្គ ជាមួយអនុភាពកម្លាំងសរុប 260kW ឬ 349 សេះ និងកម្លាំរមួល 914Nm។ Geely Riddara RD6 ឬ King Kong បំពាក់កញ្ចប់ថ្មប្រភេទ Lithium iron phosphate ទំហំ 19.09kWh សាកភ្លើងពេញម្តងអាចបើកបរដោយប្រអគ្គិសនីសុទ្ធបានចម្ងាយ 100km (CLTC)។
សម្រាប់ម៉ូដែល Riddara RD6 Mountain Edition ត្រូវបានធ្វើស្វ័យភាពឲ្យសមស្របទៅនឹងស្ថានភាពផ្លូវឡើងភ្នំ និងផ្លូវមានឧបសគ្គ ឬ off-road ជាមួយប្រព័ន្ធបត់រយះចម្ងាយខ្លីប្រមាណ 6.5mm, ប្រព័ន្ធកង់ទាំងបួនដំណើរការដោយឯករាជ្យ (four-wheel independent suspension) និងប្រើសម្បកកង់ប្រភេទ all-terrain tires ជាដើម។
សម្រាប់អនុភាពសន្ទុះល្បឿនវិញ គឺអាចជាន់ពី 0 ទៅ 100km/h ប្រើពេល 6.3 វិនាទី នៅពេលមិនមានបន្ទុកទំងន់ខាងក្រោយ និង 8.6 វិនាទី នៅពេលមានបន្ទុកទំងន់លើគ្រែដឹក។ ទៅលើការឌីស្សាញរបស់ Riddara RD6 Mountain Edition គឺមិនខុសគ្នានឹងម៉ូដែល Riddara RD6 EM-P ចេញមុននោះទេ រួមទាំងទំហំវិមាត្រ ដោយមានបណ្តោយប្រវែង 5,260mm/ ទទឹង 1,900mm/ កម្ពស់ 1,865mm និងគម្លាតកង់មុខទៅកង់ក្រោយ 3,120mm។
ចំនែកម៉ូដែល Riddara Horizon High-Altitude Edition ត្រូវបានធ្វើការឌីស្សាញឡើងឲ្យមានសមត្ថភាពសមស្របក្នុងការបើកបរនៅក្នុងស្ថានភាពបរិយាកាសត្រជាក់ខ្លាំងជាមួយការកែប្រែទៅលើមុខងារថ្មដើម្បីឲ្យធន់នឹងភាពត្រជាក់ខ្លាំង, បង្កើនប្រសិទ្ធិភាពប្រព័ន្ធគ្រប់គ្រងដំណើរការខាងក្នុង thermal management system ដែលអាចទប់ទល់ទៅនឹងអាកាសធាតុត្រជាក់ខ្លាំងបំផុតដល់ -30°C។
ជាមួយគ្នានេះ វាក៏មានការពង្រឹងទៅលើប្រព័ន្ធបើកបរ All-wheel-drive system មានសមត្ថភាពខ្ពស់ក្នុងការបើកបរនៅលើផ្លូវទឹកកក និងព្រឹល (icy/snowy road) គាំទ្រដោយបច្ចេកវិទ្យា millisecond-level torque distribution technology ដែលជួយ កែតម្រូវថាមពលផ្តល់ទៅឲ្យកង់នីមួយៗដើម្បីទប់ទល់នឹងការរអិល។ RD6 Horizon High-Altitude Edition មានភ្ជាប់នូវមុខងារបញ្ជាបញ្ចេះរថយន្តពីចម្ងាយ ឬអាចគ្រប់គ្រងសីតុណ្ហភាពម៉ាស៊ីនត្រជាក់ តាមរយះស្មាតហ្វូន និងមានប្រព័ន្ធកម្តៅសម្រាប់កៅអីខាងមុខថែមទៀតផង។ ចំពោះការឌីស្សាញ Riddara RD6 Horizon High-Altitude Edition មិនខុសគ្នានឹង Riddara RD6 Mountain Edition នោះទេ៕
