ថ្មីៗនេះ ក្រុមហ៊ុន ASUS បានប្រកាសចេញជាផ្លូវការណ៌នូវកុំព្យូទ័រ ProArt PX13 2026 ដែលជាម៉ូដែលថ្មី ហៅថា Convertible Laptop 13.3 អ៊ីង AI ជម្រើសដ៏សក្តិសមល្អបំផុតសម្រាប់អ្នកបង្កើតមាតិកា (Creators)។ នៅលើកុំព្យូទ័រ ProArt PX13 នេះ ថ្មីនេះ ត្រួវបានក្រុមហ៊ុនធ្វើការបំពាក់នូវបច្ចេកវិទ្យា Cutting-edge AI ដែលឌីស្សាញឡើងជាមួយនឹងភាពច្នៃប្រឌិត និងរូបរាងយ៉ាងទាន់សម័យថែមទៀតផង។
ជាមួយនឹងការបំពាក់នូវបន្ទះឈីប AMD Ryzen™ AI Max+ 395 គាំទ្រដោយល្បឿនគណនា 50 TOPS NPU និង 128GB Unified memory បានធ្វើអោយកុំព្យូទ័រថ្មីនេះ មានល្បឿនលឿនល្អឥតខ្ចោះ និងមានភាពងាយស្រួលសម្រាប់ការធ្វើការងារជាមួយនិងបច្ចេកវិទ្យា AI។ តាមរយៈបន្ទះឈីបនេះ ត្រូវបានក្រុមហ៊ុនដាក់អោយដំណើររការនៅលើកម្រិត 120B-Parameter Large language Models (LLMs) ដែលជម្រុញការប្រើប្រាស់នូវ AI កាន់តែអស្ចារ្យបំផុត។ បន្ថែមពីនេះទៀតនោះ កុំព្យូទ័រនេះ ក៏មានការទ្រទ្រង់នូវកម្មវិធី ASUS MuseTree app សម្រាប់ដំនើរការបង្កើតចេញពីអក្សរទៅកាន់វីដេអូ Text-to-video generation និង intelligent storyboard simulation ប្រកបដោយភាពឆ្លាតវៃបំផុត។
អ្វីដែលអស្ចារ្យជាងនេះទៀតនោះ កុំព្យូទ័រថ្មីនេះ គឺមានទម្ងន់ត្រឹមតែ 1.39kg ប៉ុណ្ណោះ ហើយនឹងអាចប្រើប្រាស់បានជាច្រើនទម្រង់ផ្សេងគ្នា ដែលក្នុងនោះមានដូចជា Laptop, Tent, Stand ឬ Tablet Modes ហើយក៏មានទ្រទ្រង់នូវការប្រើប្រាស់នូវប៊ិចផងដែរ។ កុំព្យូទ័រនេះ បំពាក់នូវអេក្រង់កម្រិត 3K ដែលគាំទ្រដោយបន្ទះអេក្រង់ ASUS Lumina OLED touchscreen ដែលធានាបានននូវពណ៌ច្បាស់បំផុត។
កម្លាំងម៉ាស៊ីនដ៏ខ្លាំងក្លាសម្រាប់អ្នកបង្កើតថ្មី (Creators)
ជាមួយនឹងស៊ីភីយូ AMD Ryzen AI Max+ 395 ដំណើរការជាមួយនឹង 16 Cores, Pro-Grade Graphics និង 128GB Unified Memory នេះ បានធ្វើអោយកុំព្យូទ័រ ProArt PX13 អាចដោះស្រាយទៅលើការងារជាច្រើនប្រកបដោយភាពច្នៃប្រឌិតបំផុតកាន់តែលឿនជាងមុន។ បន្ថែមពីនេះ នៅលើម៉ាស៊ីនដ៏ស្តើងនេះ ក៏មានការបំពាក់នូវ 1TB SSD ល្បឿនលឿនសម្រាប់ការងារ 3D Scenes, Multi-Layer 4K/8K Video Edits ហើយនិងការងារ AI-Driven Tasks។ សម្រាប់បន្ទះឈីប AMD Ryzen AI នេះក៏មានការបញ្ចូលគ្នាជាមួយនឹងបច្ចេកវិទ្យា AI Acceleration រួមជាមួយនឹង Next-Generation Creative Tools ជំនាន់ថ្មីដ៏ខ្លាំងក្លាថែមទៀតផង។
ទៅលើកម្រិតពណ៌វិញ គឺបង្ហាញចេញច្បាស់គ្មានគូប្រៀបនោះទេ ដោយសារអេក្រង់នេះ គឺជាអេក្រង់ក្រិត 3K ASUS Lumina OLED touchscreen នៅលើខ្នាត 16:10 គាំទ្រជាមួយនឹងកម្រិត Delta E<1 Accuracy រួមជាមួយនឹងវិញ្ញាបនបត្រ DisplayHDR™ True Black 500 ថែមទៀតផង។
ភាពសម្បូរបែបក្នុងការប្រើប្រាស់ប្រកបដោយភាពច្នៃប្រឌិត
កុំព្យូទ័រ ProArt PX13 នេះមានទម្ងន់ត្រឹមតែ 1.39kg ងាយស្រួលក្នុងការចល័ត ធន់ក្នុងការប្រើប្រាស់ និងស្រាលក្នុងការដាក់តាមខ្លួនផងដែរ។ កុំព្យូទ័រនេះ មានទម្រង់ Convertible និងត្រចៀកបត់ 360° hinge ដែលអាចធ្វើការងារជា laptop, tent, stand ឬ tablet modes សម្រាប់ប្រើប្រាស់នៅក្នុងស្ថានភាពផ្សេងៗគ្នារបស់អ្នកប្រើប្រាស់។ ProArt PX13 អនុញ្ញាតអោយអ្នកប្រើប្រាស់អាចយកតាមខ្លួនបានគ្រប់ពេលវេលា និងគ្រប់ទីកន្លែង។
សម្រាប់រន្ធតភ្ជាប់នៅលើកុំព្យូទ័រនេះមានដូចជា 2x 40Gbps USB4® សម្រាប់ Fast charging និង external display, HDMI® 2.1 FRL និង UHS-II MicroSD card reader សម្រាប់ផ្ទេរទិន្នន័យបានលឿន។ បន្ថែមពីនេះ វាក៏ទ្រទ្រង់ទៅលើបច្ចេកវិទ្យា WiFi 7 ដែលធានាល្បឿនលឿនក្នុងការប្រើប្រាស់ផងដែរ។ ProArt PX13 នេះក៏ប្រើប្រាស់នូវស្តង់ដារ MIL-STD 810H របស់សហរដ្ឋអាមេរិក ហើយវាក៏ធន់ទៅនឹងការប្រើប្រាស់សីតុណ្ហភាពទាបដល់ទៅ -50°C ។
កម្មវិធី AI Creator Apps សម្រាប់ការងារកាន់តែឆ្លាតវៃ
កុំព្យូទ័រ ProArt PX13 នេះបំពាក់នូវកម្មវិធី AI Apps ជាច្រើន ហើយវាក៏ត្រូវបានឌីស្សាញឡើងសម្រាប់ភាពងាយស្រួលជាងមុន រលូនជាងមុន និងខ្លាំងក្លាជាងមុនក្នុងការប្រើប្រាស់។ វាមានកម្មវិធី StoryCube, MuseTree, ASUS DialPad រួមជាមួយនឹង ProArt Creator Hub សម្រាប់គ្រប់គ្រងទៅលើការងារ settings ជាច្រើនទៀតដែលប្រកបដោយភាពច្នៃប្រឌិតខ្ពស់បំផុត។
