ការបែកធ្លាយបាននិយាយថា ស្មាតហ្វូនប្រណិតថ្មីរបស់ OnePlus ដែលមានរូបរាងតូច នៅពេលនេះ បាននឹងកំពុងតែស្ថិតនៅក្នុងការអភិវឌ្ឍរបស់ក្រុមហ៊ុននេះហើយ ស្របពេលដែលក្រុមហ៊ុនបច្ចេកវិទ្យាចិនមួយនេះ ត្រូវបានគេរំពឹងថា នឹងមានការប្រកាសចេញស្មាតហ្វូន OnePlus 15T នៅលើទីផ្សាររបស់ប្រទេសចិននាពេលឆាប់ៗនេះដែរ។ ថ្ងៃនេះមុនការប្រកាសជាផ្លូវការនោះ មានការបែកធ្លាយថ្មីមួយក៏បានទម្លាយអំពីលក្ខណៈសម្បត្តិ និងមុខងារជាច្រើនរបស់ស្មាតហ្វូននេះផងដែរ។
បើតាមការបែកធ្លាយចុងក្រោយបំផុតចេញពីអ្នកទម្លាយ Digital Chat Station បានបញ្ជាក់នៅលើបណ្តាញសង្គម X ថា ស្មាតហ្វូន OnePlus 15T នឹងមានអេក្រង់រាបស្មើរ ទំហំត្រឹមតែ 6.32-អ៊ីងគាំទ្រជាមួយនឹងកម្រិតភាពច្បាស់ 1.5K resolution។ ស្មាតហ្វូននេះមានលក្ខណៈស្រដៀងគ្នាទៅនឹងស្មាតហ្វូនជំនាន់មុន OnePlus 13T អញ្ចឹដែរ ដោយភ្ជាប់ជាមួយនឹងអេក្រង់ OLED Panel រត់ជាមួយនឹងល្បឿន 120Hz refresh rate។
បន្ថែមពីនេះអ្នកទម្លាយរូបនេះ បានអះអាងទៀតថា ស្មាតហ្វូន Flagship នេះនឹងបំពាក់នូវបន្ទះឈីប Snapdragon 8 Elite Gen 5 ចុងក្រោយបំផុតរបស់ក្រុមហ៊ុន Qualcomm ថែមទៀតផង។ ទៅលើកាមេរ៉ាថតរូបភាព នៅលើស្មាតហ្វូនថ្មីនេះ គឺមានកាមេរ៉ាភ្លោះខាងក្រោយទំហំ 50MP សម្រាប់កាមេរ៉ាគោល និងកាមេរ៉ា telephoto lens ខណៈដែលកាមេរ៉ាខាងមុខរបស់ស្មាតហ្វូននេះ គឺមានទំហំ 16MP សម្រាប់ការថតូប និងវីដេអូខល។ សម្រាប់ថាមពលថ្ម និងបច្ចេកវិទ្យាសាកថ្មលឿនរបស់ស្មាតហ្វូននេះ នៅមិនទាន់ទម្លាយនៅឡើយទេ ប៉ុន្តែមានការព្យាករណ៌ថា នឹងមានការ upgrade ពីស្មាតហ្វូនជំនាន់មុននេះ។ ស្មាតហ្វូន OnePlus 15T នេះអាចនឹងមានថាមពលថ្មទំហំធំដល់ទៅ 7,500mAh ។
ផ្អែកតាមវិញ្ញាបនបត្រ 3C នេះ យើងអាចរំពឹងថា ស្មាតហ្វូនជំនាន់ថ្មីនេះ ងមានល្បឿនសាកថ្មលឿនដល់ទៅ 100W wired fast charging។ ជាមួយគ្នានេះ តាមការបែកធ្លាយមុននេះ ដែលចេញពីអ្នកទម្លាយ Digital Chat Station ក៏ធ្លាប់បានទម្លាយអំពីពេលវេលាក្នុងការបង្ហាញវត្តមានស្មាតហ្វូនថ្មីនេះផងដែរ។ ក្រុមហ៊ុននេះ អាចនឹងប្រកាសចេញស្មាតហ្វូន OnePlus 15T នេះនៅក្នុងប្រទេសចិន នាពាក់កណ្តាលខែមីនា ឆ្នាំ 2026 ខាងមុខនេះហើយ៕
