ថ្មីៗនេះ ក្រុមហ៊ុន General Motors Co. (NYSE: GM) និងក្រុមហ៊ុន Honda (NYSE: HMC) បានធ្វើការបង្ហាញអំពីកិច្ចព្រមព្រៀងមួយសម្រាបការផលិតរួមគ្នាទៅលើសមាសភាគនៃថាមពលថ្មកម្រិតខ្ពស់ដែលមានដូចជា Cell និង Module សម្រាប់ប្រើប្រាស់នៅលើរថយន្តអគ្គិសនីនោះ។ សម្រាប់ថាមពលថ្មជំនាន់ចុងក្រោយនេះ នឹងមានថាមពលខ្លាំងក្លាកម្រិតខ្ពស់ ហើយវាក៏មានទំហំកាន់តែតូចជាងមុន និងមានការប្រើប្រាស់នូវបច្ចេកវិទ្យា faster charging សម្រាប់ប្រើប្រាស់នៅលើផលិតផលនាពេលអនាគតជាច្រើនសម្រាប់ទីផ្សារនៅក្នុងអាមេរិកខាងជើង។
នៅក្រោមកិច្ចព្រមព្រៀងនេះ ក្រុមហ៊ុនទាំងពីនេះ នឹងធ្វើការសហការគ្នាផ្អែកទៅលើប្រព័ន្ធថាមពលថ្មជំនាន់ក្រោយរបស់ក្រុមហ៊ុន GM សម្រាប់ប្រើប្រាស់នៅលើរថយន្ត Honda ជាមួយនឹងការប្រើប្រាស់ថាមពលថ្មរបស់ក្រុមហ៊ុន GM។ កិច្ចសហការនេះ នឹងទ្រទ្រង់ទៅលើរថយន្តជាច្រើនរបស់ក្រុមហ៊ុននេះ ដែលពិតជាផ្តល់នូវអ្វី ដែលជាតម្រូវការសម្រាប់អតិថិជនរបស់ខ្លួនជាក់ជាមិនខាន។
លោក Mark Reus ដែលជានាយកប្រតិបត្តិ និងជាអនុប្រធានផ្នែកអភិវឌ្ឍផលិតផលពិភពលោករបស់ ក្រុមហ៊ុន General Motors បានបញ្ជាក់ថា “នៅក្នុងកិច្ចព្រមព្រៀងថ្មីនេះ ជាមួយនឹងក្រុមហ៊ុន Honda នៅពេលនេះ គឺបានបង្ហាញអំពីសមត្ថភាពរបស់ក្រុមហ៊ុន General Motors នៅក្នុងការបង្កើតនូវអ្វីដែលថ្មីសម្រាប់ប្រើប្រាស់នៅលើរថយន្តអគ្គិសនីនោះ។ យើងនឹងផ្តល់នូវដំណោះស្រាយជាច្រើនកាន់តែប្រសើរសម្រាប់អតិថិជន និងការផ្តល់នូវគុណតម្លៃខ្ពស់បំផុតសម្រាប់អ្នកប្រើប្រាស់។”
ក្រុមហ៊ុន GM និងក្រុមហ៊ិន Honda ក៏មានទំនាក់ទំនងនៅជុំវិញការផលិតនូវប្រព័ន្ធ hydrogen fuel cell system កម្រិតខ្ពស់នៅក្នុងឆ្នាំ 2020 ។ ក្រុមកាងារអភិវឌ្ឍរួមគ្នានេះកំពុងធ្វើការក្នុងការចែកចាយនូវដំណោះស្រាយទៅលើ Fuel Cell និងប្រព័ន្ធ hydrogen storage systems ដែលមានការសន្សំសំចៃខ្ពស់បំផុតនោះ៕
