ព័ត៌មានថ្មី៖ រថយន្តអគ្គិសនី NIO ES8 SUV ទទួលបានការអនុម័តជាផ្លូវការសម្រាប់ការដាក់លក់នៅក្នុងទីផ្សារអ៊ឺរ៉ុបហើយ

កាលពីដើមខែនេះ ក្រុមហ៊ុន NIO បានប្រកាសថា ខ្លួនបានទទួលនូវការយល់ព្រមពីស្ថាប័ន European Whole Vehicle Type Approval (EWVTA) ទៅលើការអនុម័តសម្រាប់រថយន្តអគ្គិសនី Flagship SUV របស់ខ្លួននោះម៉ូដែល ES8 រួចរាល់ហើយ។

នៅក្នុងវិញ្ញាបនបត្រ EWVTA នេះ គឺបានបញ្ជាក់ថា រថយន្តនេះ គឺមនឹងបង្ហាញខ្លួននៅក្នុងប្រទេសន័រវេស និងទីផ្សាររបស់អ៊ឺរ៉ុបផងដែរ។ បន្ថែមពីនេះទៀតនោះ រថយន្ត NIO ES8 សម្រាប់ទីផ្សារនៅអ៊ឺរ៉ុប បានទទួលនូវការយល់ព្រមក្នុងការផលិតទ្រង់ទ្រាយធំ និងការចុះបញ្ជីនៅក្នុងប្រទេសទាំងអស់នៅក្នុងសហភាពអ៊ឺរ៉ុប។ 

គួរបញ្ជាក់ថា កាលពីខែឧសភា ឆ្នាំ 2021 កន្លងទៅនេះ ក្រុមហ៊ុនផលិតស្មាតហ្វូនរបស់ចិននេះ បានប្រកាសថា រថយន្តនេះក៏បន្តវត្តមានទៅកាន់ទីផ្សារនៃប្រទេសន័រវេសដែលនេះគឺជាលើកដំបូងបំផុតដែលក្រុមហ៊ុននេះដាក់លក់រថយន្តនេះនៅក្រៅទីផ្សាររបស់ចិននោះ។ ក្រុមហ៊ុននេះបានដាក់លក់រថយន្ត ES8 នៅក្នុងខែកញ្ញាឆ្នាំនេះ។ បន្ថែមពីនេះទៀតនោះ ក្រុមហ៊ុននេះនឹងផ្តល់អោយអ្នកប្រើប្រាស់ជាច្រើននៅក្នុងប្រទេសន័រវេសនូវការលក់ និងសេវាកម្មដោយផ្ទាល់ជាមួយនឹងអតិថិជន។ 

សម្រាប់ទីផ្សាររថយន្តអគ្គិសនី គឺមានការកើនឡើងខ្លាំងទៅលើតម្រូវការនៅក្នុងទីផ្សាររថយន្ត ហើយម៉ាកយីហោរបស់ក្រុមហ៊ុនបច្ចេកវិទ្យាយក្សរបស់ចិននេះ ក៏មានការពេញនិយមខ្លាំងនៅទីនេះផងដែរ។ កាលពីដើមខែនេះ យើងបានរាយការណ៍ថា វាមានការកើនឡើងខ្លាំងមែនទែនទៅលើការលក់នៅក្នុងរថយន្តអគ្គិសនីនេះ ហើយក្រុមហ៊ុននេះ ក៏បាននឹងកំពុងតែពង្រីកទៅលើវត្តមានរបស់រថយន្តនេះទៅកាន់ទីផ្សារជាច្រើននៅបរទេសផងដែរ៕