នៅថ្ងៃនេះ ក្រុមហ៊ុន KYMCO បានប្រកាសចេញនូវម៉ូតូស៊េរីថ្មីរបស់ខ្លួនចំនួនពីរម៉ូដែល គឺមានដូចជា SuperNEX និង RevoNEX ដែលសមិទ្ធិផលនេះ គឺជាម៉ូតូអគ្គីសនីដែលមានកម្លាំងខ្លាំងបំផុត។ មម៉ូតូអគ្គីសនីដែលមានកម្លាំងខ្លាំងនេះ គឺបានបង្ហាញវត្តមាននៅក្នុងកម្មវិធី EICMA 2022 និងមានការបញ្ជាក់ពីលក្ខណៈសម្បត្តិថ្មីៗជាច្រើនថែមទៀតផង។ សូមជំរាបថា ក្រុមហ៊ុន KYMCO បានបង្ហាញចេញនូវម៉ូតូ SuperNEX electric superbike ចាប់តាំងពីឆ្នាំ 2018 ខណៈដែលម៉ូដែល RevoNEX គឺបាបបង្ហាញវត្តមាននៅលើទីផ្សារនៅឆ្នាំ 2019។
ម៉ូតូអគ្គីសនីជំនាន់ថ្មីនេះ គឺមានការឌីស្សាញចេញពីប្រភពគំរូដើមចេញពីម៉ូតូអគ្តីសនីជំនាន់មុនរបស់ KYMCO ដែលជាម៉ូតូមានទំហំខ្លួនតូច។ RevoNEX គឺមានទម្ងន់ស្រាល និងមានកម្លាំងខ្លាំងសម្រាប់ការធ្វើដំណើរ មិនដូចជាម៉ូដែល SuperNEX នោះទេ។ ម៉ូតូអគ្គីសនីទាំងពីរ SuperNEX និង RevoNEX គឺអាចរត់បានលឿន high-speed, និង high torque ហើយនិងមានមុខងារ multi-speed gearbox motorbikes ថែមទៀតផង។ នៅពេលនេះ យផងទទួលបានព័ត៌មានតិចបំផុត ហើយក្រុមហ៊ុន KYMCO ក៏មិនទាន់ទម្លាយព័ត៌មានច្រើនពីម៉ូតូអគ្គីសនីទាំងពីរនេះដូចគ្នា។
យោងតាមប្រសាសន៌របស់ Allen Ko ដែលជាអគ្គនាយកគ្រប់គ្រងក្រុមហ៊ុន KYMCO គឺបានបញ្ជាក់ថា ម៉ូតូអគ្គីសនីស៊េរីថ្មី KYMCO SuperNEX និង RevoNEX គឺបង្ហាញវត្តមានជាមួយនិងការអាប់ដែតជាច្រើន ជាពិសេសទៅលើការឌីស្សាញរូបរាងតែម្តង។ ម៉ូតូស៊េរីថ្មីទាំងពីរនេះ នឹងផ្តល់អោយអ្នកបើកបរមានអារម្មណ៌រីករាយ ជាមួយកម្លាំងខ្លាំង និងមានសម្លេងដ៏ពេញចិត្ត បើទោះបីជាមិនមានការបញ្ចេញព័ត៌មានច្បាស់ក៏ដោយ។ ម៉ូតូស៊េរីថ្មីនេះ នឹងមានការផ្តោតលើ LiveWire’s Arrow platform។ មកដល់ពេលនះ គេនៅមិនទាន់បញ្ជាក់ពីកាលបរិច្ឆេតនៃការបង្ហាញខ្លួនរបស់ SuperNEX និង RevoNEX នោះទេ។
គូរបញ្ជាក់ថា KYMCO គឺមានការចាប់ដៃជាមួយនិងក្រុមហ៊ុនធំៗជាច្រើនដូចជា Harley-Davidson, BMW, Kawasaki និងក្រុមហ៊ុនជាច្រើនទៀត។ ថ្មីៗនេះ ក្រុមហ៊ុនទើបតែបញ្ចេញនូវ MV Agusta Ampelio ដែលអភិវឌ្ឍដោយ MV Agusta ផងដែរ
