កាលពីដើមសប្តាហ៌កន្លងទៅនេះ មានសេចក្តីរាយការណ៌ថ្មីមួយ បាននិយាយពីការបង្ហាញវត្តមានរបស់កំពូលរថយន្តជំនាន់ថ្មី Fang Cheng Bao Bao 8 (Leopard 8) ម្តងរួចមកហើយ។ នៅថ្ងៃនេះ ក្រុមហ៊ុននេះ បានចេញមកបញ្ជាក់ថា រថយន្តថ្មីនេះ នឹងមានការប្រកាសចេញនៅលើទីផ្សារក្នុងត្រីមាសទី 3 ឆ្នាំនេះហើយ ដោយមានតម្លៃចាប់ពី 500,000 យ៉ន់ ប្រហាក់ប្រហែល 69,050 ដុល្លារ។
ជាមួយនិងការបញ្ជាក់ខាងនេះ ក្រុមហ៊ុនផលិតរថយន្ត BYD ក៏បានធ្វើការចែករំលែកនូវព័ត៌មានមួយចំនួនរបស់រថយន្ត SUV ម៉ូដែលប្រណិតរបស់ BYD នេះ នៅមុនពេលដែលក្រុមហ៊ុនដាក់អោយមានការទស្សនា និងធ្វើតេស្តផ្ទាល់នៅក្នុងព្រឹត្តិតការណ៌ Beijing Auto Show នាសប្តាហ៌ក្រោយផងដែរ។
កំពូលរថយន្តជំនាន់ថ្មី Fang Cheng Bao Bao 8 (Leopard 8) ថ្មីនេះ នឹងក្លាយជាសមាជិកថ្មី ដែលនឹងមកបំពេញតម្រូវការរបស់អ្នកប្រើប្រាស់ បន្ទាប់ពី Bao 3 និង Bao 5 ដែលបានដាក់លក់នៅលើទីផ្សារ ផ្អែកទៅតាមសមត្ថភាពខុសៗគ្នា។ Bao 5 ត្រូវបានក្រុមហ៊ុនដាក់លក់កាលខែវិច្ឆិកាកន្លងទៅ។ ដូចគ្នាជាមួយនិងម៉ូដែល Bao 5 អញ្ចឹងដែរ សម្រាប់ Bao 8 ក៏នឹងដំណើរការនៅប្រព័ន្ធបើកបរ DMO super hybrid off-road platform របស់ BYD ដែលមានសមត្ថភាពដូចគ្នាជាមួយ BYD forthcoming pickup truck អញ្ចឹងង។
ប្រភពខាងលើនេះ បានបន្តថា កំពូលរថយន្តជំនាន់ថ្មី Fang Cheng Bao Bao 8 (Leopard 8) ថ្មីនេះ អាចនឹងមានប្រវែងគម្លាតកង់មុខក្រោយ 2920mm និងមានតួរខ្លួនប្រវែង 5200mm មានទទឺង 2000mm ហើយនិងកំពស់ 1900mm។ យោងតាមក្រុមហ៊ុន BYD បានបញ្ជាក់ថា រថយន្ត The Fang Cheng Bao Bao 8 ថ្មីនេះ នឹងមានជម្រើស 6 កៅអី និង 7 កៅអី។ នៅលើរថយន្តនេះក៏នឹងមានការបំពាក់នូវប្រព័ន្ធបើកបរ Eye of the Gods high-end intelligent driving system ដែលមានការគាំទ្រដោយ urban ក៏ដូចជា high-speed NOA (navigation on autopilot) ថែមទៀតផង។
