Jiyue 07 គឺជារថយន្តអគ្គិសនី របស់ក្រុមហ៊ុន Geely ដែលសហការផលិតជាមួយក្រុមហ៊ុន Baidu នៅពេលនេះ បានប្រកាសជាផ្លូវការនៅក្នុងប្រទេសចិនហើយ។ រថយន្តដ៏ទំនើបនេះ ក៏ទើបតែទទួលបាននូវពានរង្វាន់ iF Design Award 2023 ផងដែរ ហើយនៅពេលនេះ រថយន្តនេះ ក៏បន្តឈ្នះនូវពានរង្វាន់ផ្នែកឌីស្សាញ Red Dot 2023 ថែមទៀត។ បើតាមប្រភពផ្លូវការបាននិយាយថា រថយន្ត Sedan នេះ នឹងបង្ហាញខ្លួននៅក្នុងទីផ្សារនៃប្រទេសចិននៅក្នុងឆ្នាំ 2024 ខាងមុខនេះ។
កាលពីពេលមុននេះ មានការប៉ាន់ស្មានថា រថយន្តនេះ អាចនឹងមានឈ្មោះហៅថា Jiyue 02។ សម្រាប់ការឌីស្សាញរូបរាងរថយន្តនេះ គឺបង្ហាញអំពីស្ថាបត្យកម្ម SEA របស់ក្រុមហ៊ុន Geely និងការទទួលយកនូវបច្ចេកវិទ្យាបើកបររថយន្តដោយខ្លួនឯង (self-driving tech) ចេញពីក្រុមហ៊ុន Baidu។ សូមជំរាបថា Jiyue ត្រូវបានបង្កើតឡើងជាម៉ាក Jidu នៅក្នុងឆ្នាំ 2021 ដែលមានការបណ្តាក់ទុនរួមគ្នារវាងក្រុមហ៊ុន Baidu និង Geely។ សម្រាប់ “Chinese Google” គឺមានភាគហ៊ុនចំនួន 55% នៅក្នុងរថយន្ត JV នេះ។ ក្រុមហ៊ុននេះត្រូវបរាជ័យក្នុងការផលិតទ្រង់ទ្រាយធំ ដូចនេះក្រុមហ៊ុននេះ ក៏ធ្វើរចនាសម្ព័ន្ធថ្មីឡើងវិញផងដែរ។
បន្ទាប់ពីឆ្លងកាត់ការកែទម្រង់ថ្មី ក្រុមហ៊ុននេះ ក៏បានប្តូរឈ្មោះទៅជា Jiyue ហើយពេលនេះ ក្រុមហ៊ុន Geely ក៏មានភាគហ៊ុនដល់ទៅ 65% នឹងគ្រប់គ្រងទៅលើការផលិតផងដែរ។ ក្រុមហ៊ុន Baidu គឺទទួលខុសត្រូវទៅលើផ្នែក software, ADAS និង connectivity ។ រថយន្ត Jiyue ដំបូងបំផុតគឺជាម៉ូឌែល 01 SUV ។ នៅក្នុងឆ្នាំ 2024 នេះ ក្រុមហ៊ុននេះក៏ប្រកាសបង្ហាញនូវរថយន្តម៉ូឌែលទី 2 ដែលនោះគឺជា Jiyue 07 ។
បើតាមការបញ្ជាក់ពីក្រុមហ៊ុននេះ គឺបានអោយដឹងថា រថយន្ត Jiyue 07 នេះ គឺផ្អែកនៅលើគំនិតនៃរថយន្ត Jidu Robo-02 ។ ដែលជាប្រភេទរថយន្ត Mid-size ដែលមានការឌីស្សាញរូបរាងទាន់សម័យ ដោយមានការឌីស្សាញដៃទ្វាថ្មី។ រថយន្ត Jiyue 07 នេះ គឺប្រើប្រាស់នូវប៊ូតុង B និង C-Pillars។ ផ្នែកខាងមុខនៃរថយន្តនេះ គឺមានប្រើប្រាស់នូវភ្លើងចង្កៀងប្រភេទ Y-shaped headlights ដែលស្រដៀងគ្នាទៅនឹងរថយន្ត Jiyue 01 SUV អញ្ចឹងដែរ។ រថយន្ត Jiyue 07 នេះមានដំបូល panoramic roof ធំយ៉ាងស្រស់ស្អាតបំផុត។
ជាមួយនិងវត្តមានរបស់រថយន្តនេះ ក្រុមហ៊ុន Jiyue បានប្រកាសនៅថ្ងៃនេះ រថយន្ត 07 liftback ទទួលបាននូវពានរង្វាន់នៃការឌីស្សាញចំនួន 2។ ដំបូង រថយន្តនេះឈ្នះពានរង្វាន់ 2023 Red Dot Design Award ។ ជាមួយនឹងរថយន្ត Jiyue 07 នោះ រថយន្តចំនួន 16 ទៀត ក៏ទទួលបាននូវពានរង្វាន់ Red Dot នៅក្នុងឆ្នាំ 2023 ផងដែរដូចជា Deepal SL03, Peugeot 408, Neta S, Genesis G90 ។ រថយន្ត Jiyue 07 ក៏ទទួលបាននូវពានរង្វាន់ iF Design Award 2023 ផងដែរ។ រថយន្ត Jiyue 07 មានការច្នៃប្រឌីតចេញពីស្ថាបត្យកម្ម SEA និងមានការប្រើប្រាស់នូវ powertrain ដូចទៅនឹងរថយន្ត Jiyue 01 SUV ផងដែរ។ រថយន្តនេះ ក៏មាន single e-motor សម្រាប់ 200 kW និងថាមពលថ្ម 71.4-kWh LFP។ សម្រាប់រថយន្ត 4WD មាន 400 kW និងថាមពលថ្ម 100 kWh NMC ។
សម្រាប់ប្រព័ន្ធបើកបរដោយខ្លួនឯង (self-driving system) របស់រថយន្ត Jiyue 07 គឺផ្អែកនៅលើកាមេរ៉ា និងប្រព័ន្ធរ៉ាដារបស់វា។ រថយន្ត Jiyue 07 នេះ ត្រូវបានក្រុមហ៊ុនបញ្ជាក់ថា នឹងប្រកួតប្រជែងជាមួយនឹងរថយន្ត Xiaomi SU7, Tesla Model 3, BYD Han និងជាច្រើនទៀតនៅក្នុងប្រទេសចិន។ រថយន្តនេះ នឹងបង្ហាញខ្លួននៅលើទីផ្សារនៅក្នុងពាក់កណ្តាលឆ្នាំ 2024 ខាងមុខនេះ៕
