Xiaomi YU7 គូប្រជែង Model Y កម្លាំង 681 សេះ នឹងដាក់សម្ពោធជាផ្លូវការណ៌នៅថ្ងៃទី 26 មិថុននេះហើយ

Xiaomi នឹងមានការប្រកាសដាក់សម្ពោធជាផ្លូវការណ៌នូវរថយន្តអគ្គីសនីជំនាន់ទី 2 របស់ខ្លួនម៉ូដែល YU7 នៅថ្ងៃទី 26 ខែមិថុនានេះហើយ នេះបើតាមការបង្ហោះសារនៅលើបណ្តាញសង្គមផ្លូវការណ៌ Weibo របស់ពួកគេ។ សម្រាប់ម៉ូដែលនេះត្រូវបានគេនិយាយថា គឺជាឡានអគ្គិសនីប្រភេទ SUV ដែលនឹងមានការប្រជែងខ្លាំងបំផុតនៅលើទីផ្សារប្រទេសចិននាពេលខាងមុខ។

ប្រភពខាងលើនេះបានបន្តថា នៅក្នុងព្រឹត្តិការណ៌នោះ ក្រុមហ៊ុន Xiaomi នឹងមានការបង្ហាញចេញនូវផលិតផលថ្មីៗជាច្រើនទៀតផងដែរ ក្នុងនោះមានដួចជា  ស្មាតហ្វូនអេក្រង់បត់បាន Xiaomi Flip2 និងថេប្លេត Xiaomi Pad 7S Pro ជាដើម។ សូមជំរាបថា ឡានអគ្គិសនី Xiaomi YU7 បានបង្ហាញវត្តមានផ្លូវការណ៌លើកដំបូងនៅថ្ងៃទី 22 ខែឧសភាកន្លងទៅនេះ។

Xiaomi YU7 គឺជាឡានអគ្គិសនីប្រភេទ SUV ដំបូងបំផុតរបស់ក្រុមហ៊ុន Xiaomi ដែលនឹងបង្ហាញវត្តមាននៅលើទីផ្សារបន្ទាប់ពីឡានអគ្គិសនីដំបូង SU7 electric sedan ដែលមានវត្តមាននៅលើទីផ្សារកាលពីឆ្នាំមុន។ ជាមួយនិងការប្រកាសនេះ ក្រុមហ៊ុនបានបញ្ជាក់ថា សង្វាក់ផលិតកម្មទៅលើរថយន្តនេះ គឺបានចាប់ផ្តើមរួចហើយដោយបានធ្វើឡើងនៅរោងចក្រផលិតឡានអគ្គិសនីរបស់ខ្លួននៅប៉េកាំង ស្ថិតសង្កាត់ Yizhuang។

ឡានអគ្គិសនីថ្មីនេះ នឹងមាបនការចាប់ផ្តើមដឹកជញ្ជូននៅខែកក្កដាខាងមុខនេះហើយ។ មកដល់ពេលនេះ មានឡានអគ្គិសនី YU7 ចំនួនរាប់ពាន់គ្រឿងហើយ ដែលបានផលិតចេញពីរោងចក្រនេះ។ ការត្រៀមខ្លួនរួចជាស្រេចនេះ គឺដើម្បីជាការឆ្លើយតបទៅនឹងតម្រូវការរបស់អតិថិជន ដោយក្រុមហ៊ុននេះមិនចង់ជួបបញ្ហាដូចកាលពីឆ្នាំមុននោះទេ។

ជាមួយនិងការប្រើប្រាស់នូវ Modena platform ដែលធ្លាប់ប្រើប្រាស់នៅលើ SU7 ឡានអគ្គិសនី YU7 ម៉ូដែលថ្មីនេះ គឺមានការពង្រឹងបន្ថែមនូវសមត្ថភាពកាន់តែខ្លាំង និងការតម្លើងនូវមុខងារប្រើប្រាស់ច្រើន ហើយនិងមានបច្ចេកវិទ្យាកាន់តែទំនើប។ ឡាននេះមានប្រវែង 4.8 ម៉ែត្រ និងមានកំពស់ខ្ពស់ ហើយនិងមានការឌីស្សាញផ្នែកខាងក្នុងកាន់តែសំបូរបែប។ ឡាននេះ ត្រូវបាបានគេរាយការណ៌ នឹងក្លាយជាគូប្រជែងជាមួយនិងឡានអគ្គិសនី Tesla Model Y ទៀតផង។ 

ឡានអគ្គិសនី YU7 ម៉ូដែលស្តង់ដារ គឺមានការប្រើប្រាស់នូវម៉ូទ័រភ្លោះកម្លាំង 365 kW (489 សេះ) និងម៉ូដែល high-performance មានកម្លាំង 508 kW (681 សេះ)។ ឡាន YU7 ថ្មីៗនេះ ក៏ត្រូវបានក្រុមហ៊ុនបំពាក់នូវប្រព័ន្ធសាកបញ្ចូលថាមពល 800V ហើយនិងមានការគាំទ្រដោយអោយអាគុយរបស់ក្រុមហ៊ុន BYD និង CATL។

 និយាយពីការឌីស្សាញខាងក្នុងវិញ នៅលើឡាន SUV ថ្មីនេះ គឺមានច្របាច់បញ្ចូលគ្នារវាង SU7 ដោយមានអេក្រង់ 16.1-អ៊ីង infotainment screen ហើយនិងមានទ្រទ្រង់នូវប្រព័ន្ធ Xiaomi’s HyperOS ព្រមទាំងមានការប្រើប្រាស់នូវបន្ទះឈីប Snapdragon 8295 ហើយនឹង Nvidia Drive Orin chip សម្រាប់ជំនួយដល់ប្រព័ន្ធបើកបើកបរស្វ័យប្រវត្តិ L2+ autonomous driving system និង Xiaomi Pilot Pro រួមជាមួយនិង comprehensive suite of sensors បូកទាំង lidar ផងដែរ។ YU7 អាចនឹងមានតម្លៃចាប់ពី 245,900 យ៉ន់ ប្រហែល 34,100 ដុល្លារ។