ឡានកូនកាត់ហៃព្រីដ Lynk & Co 09 MHEV ស៊េរីឆ្នាំ 2026 ចេញលក់នៅលើទីផ្សារជាមួយតម្លៃជាង 3 ម៉ឺនដុល្លារ

Lynk & Co 09 MHEV ស៊េរីថ្មីឆ្នាំ 2026 ដែលបានធ្វើបច្ចុប្បន្នថ្មីចេញពីម៉ូដែល Volvo XC90 ត្រូវបានក្រុមហ៊ុនបញ្ចេញលក់ផ្លូវការណ៍នៅទីផ្សារប្រទេសចិនជាមួយតម្លៃចាប់ពីខ្ទង់ $33,510 ឡើងទៅ។រថយន្ត SUV 5-កៅអីស៊េរីថ្មីនេះមានជម្រើសពណ៌ថ្មីចំនួនពីរគឺពណ៌ស្វាយនិងបៃតងបន្ថែមពីលើពណ៌មុនដែលមានពណ៌សនិងខ្មៅ។សម្រាប់កៅអីដែលដំឡើងនៅលើ Lynk & Co 09 MHEV ឆ្នាំ 2026 ជាប្រភេទកៅអីស្បែកNappa Leather ដោយកៅអីជួរទីពីរមានបណ្តោយប្រវែង 1,366mm ព្រមទាំងមានភ្ជាប់មកជាមួយមុខងារកម្តៅកៅអីខ្យល់ត្រជាក់និងម៉ាស្សា 8 ចំនុចថែមទៀតផង។

ចំនែកកៅអីជួរមុខជាប្រភេទ zero-gravity ដែលមានភ្ជាប់មកជាមួយទម្រសណ្តូកជើងប្រវែង 280mm។នៅផ្នែកកណ្តាលតាបឡូមានដំឡើងមកជាមួយអេក្រង់កម្សាន្តទំហំ 15.4-inch ជាប្រភេទ Touchscreen និងក្រោយដៃចង្កូតមានអេក្រង់បង្ហាញព័ត៌មានក្នុងរថយន្តប្រភេទ LCD Instrument ទំហំ 12.3-inch។កាលពី Lynk & Co 09 ជំនាន់មុនមានជម្រើស 6 និង 7 កៅអីខណៈជំនាន់ឆ្នាំ 2026 គឺមានតែជម្រើស 5 កៅអីតែប៉ុណ្ណោះ។

Lynk & Co 09 MHEV ឆ្នាំ 2026 មានបណ្តោយតួរខ្លួន 5,042mm/ ទទឹង1,977mm/ កំពស់ 1,780mm និងគម្លាតចន្លោះកង់មុខទៅកង់ក្រោយ 2,984mm។ហើយកំពស់ពីផ្ទៃមកបាតរថយន្តគឺ 180mm ព្រមជាមួយគម្លាតបត់ត្រឡប់ក្រោយប្រវែង 6.15m។Lynk & Co 09 MHEV ថ្មីនេះមិនប្រើនូវប្រព័ន្ធ Air suspension នោះទេ។នៅឃ្លប់គូទក្រោយរបស់Lynk & Co 09 MHEV 2026 អាចផ្ទុកទំងន់បាន 691kg ហើយអាចដល់ 1,522kg នៅពេលបត់កៅអីជួរទីពីរចុះ។

Lynk & Co 09 MHEV ឆ្នាំ 2026 បំពាក់មកជាមួយម៉ាស៊ីន 2-liter Drive-E internal combustion engine ភ្ជាប់ជាមួយម៉ូទ័រអគ្គិសនីសម្រាប់បញ្ចេះកំលាំង 48V។ម៉ាស៊ីន mild-hybrid នេះអាចផលិតកម្លាំងបាន 250 សេះភ្ជាប់ដំណើរការដោយប្រព័ន្ធប្រអប់លេខប្រភេទ Aisin 8AT និងដំការដោយប្រព័ន្ធប៉ុងពីរឬ 4WD ដែលអាចជាន់ល្បឿនស្ទុះពីកុងទ័រ 0 ទៅ 100km/h ចាយពេលខ្ទង់ 8 វិនាទីហើយអាចជាន់ល្បឿនលឿនបំផុត Top Speed បានដល់ 215km/h។

Lynk & Co 09 MHEV 2026 មានជម្រើសពីរម៉ូដែលគឺ Max មានតម្លៃ $33,510 និង Ultra មានតម្លៃ $34,910។ក្នុងឆ្នាំ 2025 នេះរថយន្តម៉ាក Lynk & Co 09 បានបង្ហាញវត្តមានផ្លូវការណ៍នៅលើទីផ្សារសកលដោយចាប់ផ្តើមពីទីផ្សារ Kazakhstan ហើយរថយន្ត SUV នេះក៏នឹងមានវត្តមាននៅលើទីផ្សារបណ្តាប្រទេសជាច្រើនបន្ថែមទៀតនៅពេលខាងមុខនេះ៕