ឡានអគ្គិសនី Hyundai Elexio 2026 ត្រៀមចេញលក់នៅលើទីផ្សារអូស្រ្តាលីនាពេលឆាប់ៗនេះហើយ

ក្រុមហ៊ុន Hyundai Australia បានបញ្ជាក់ផ្លូវការណ៍ថា ឡានអគ្គិសនីស៊េរីថ្មីឆ្នាំ 2026 Hyundai Elexio នឹងបង្ហាញវត្តមានផ្លូវការណ៍នៅក្នុងបន្ទប់តាំងបង្ហាញ (Showroom) ក្នុងប្រទេសអូស្ត្រាលី នៅចុងខែមិនា ឆ្នាំ 2026។ Hyundai Elexio គឺជាសែស្រឡាយរថយន្តអគ្គិសនីប្រភេទ SUV ហើយក៏ជាបងប្អូនជាមួយនឹង Kia EV5 ផងដែរ។

បើតាមការបញ្ជាក់ពីក្រុមហ៊ុនឲ្យដឹងថា Hyundai Elexio ឆ្នាំ 2026 គឺមានតម្លៃខ្ទង់ $59,990 នៅទីផ្សារអូស្ត្រាលី (តម្លៃបូកទាំងពន្ធ) ដែលតម្លៃនេះ គឺធូរថ្លៃជាង Kia EV5 Air Long Range ដែលមានតម្លៃដល់ $63,990 និងធូរថ្លៃជាង Tesla Model Y ដែលជា EV-SUV លក់ដាច់ជាងគេ ក្នុងប្រទេសអូស្ត្រាលីដែលមានតម្លៃខ្ទង់ $60,000។

ទោះបីជា Hyundai Elexio 2026 មានតម្លៃធូរថ្លៃជាង Kia EV5 Air Long-Range Edition ប្រមាណ $4,000 ក៏ពិតមែន ប៉ុន្តែ Elexio 2026 បានបំពាក់មកជាមួយកម្លាំងម៉ូទ័រ កញ្ចប់ថ្ម និងមានរយះចម្ងាយបើកបរបានប្រហាក់ប្រហែលនឹង Kia EV5 ដែរ។ Hyundai Elexio 2026 បានបំពាក់មកជាមួយកញ្ចប់ថ្មប្រភេទ Lithium iron phosphate (LFP) ទំហំ 88.1kWh ដែលផ្តល់ថាមពលទៅកាន់ប្រព័ន្ធម៉ូទ័រខាងមុខអាចបង្កើតកម្លាំងបាន 160kW និងកម្លាំងរមួល 310N.m ហើយការសាកភ្លើងពេញម្តងអាចបើកបរបានចម្ងាយផ្លូវ 546km តាមស្តង់ដារ WLTP ដែលចម្ងាយនេះ គឺបានជិតជាង Kia EV5 Air Long range ប្រមាណ 9km ប៉ុន្តែ បានឆ្លាយជាង Tesla Model Y RWD ដល់ទៅ 80km។

Hyundai Elexio ឆ្នាំ 2026 ត្រូវបានអភិវឌ្ឍន៍ផលិតឡើងដោយប្រើនូវប្រព័ន្ធគ្រោងឆ្អឹង Electric-Global Modular Platform (E-GMP) របស់ Hyundai-Kia ប៉ុន្តែត្រូវបានផលិតនៅរោងចក្រក្នុងប្រទេសចិន Beijing Hyundai ដែលជាការវិនិយោគរួមគ្នារវាងក្រុមហ៊ុន Hyundia និង BAIC។ ឡានអគ្គិសនីស៊េរីថ្មីនេះគាំទ្រនូវប្រព័ន្ធភ្លើងកម្លាំង 400-Volt និងដំណើរការដោយម៉ូទ័រខាងមុខមួយ ឬ Front-Wheel-drive។

Hyundai បានអះអាងថា ការសាកភ្លើងពី 10-80% ប្រើពេលខ្ទង់ 38 នាទី។ សម្រាប់ម៉ូដែល  Hyundai Elexio Elite 2026 មានភ្ជាប់មកជាមួយយ៉ាន់កង់ Alloy wheel ទំហំ 20-inch, មានអេក្រង់កម្សាន្តទំហំ 27-inch លាតដល់ខាងមុខអ្នករួមដំណើរកៅអីមុខ, អេក្រង់បង្ហាញព័ត៌មាន Digital Instrument cluster និងកៅអីខាងអ្នកបើកអាចកំនត់បាន 14 របៀប ហើយនិងមានមុខងារខ្យល់ក្តៅ-ត្រជាក់ផងដែរ។

បន្ថែមពីនេះ Elexio 2026 នៅមានបំពាក់ដៃចង្កូតមានមុខងារកម្តៅ កន្លែងសាកភ្លើងស្មាតហ្វូនមិនប្រើខ្សែចំនួនពីរ ប្រព័ន្ធ Satellite navigation, មុខងារ Bluelink connected-car services ដែលអាចភ្ជាប់សម្រាប់ធ្វើបច្ចុប្បន្ន Software ក្នុងរថយន្តតាមរយះ OTA, Speaker ចំនួន 6 គ្រាប់, រន្ធ USB-C, និងប្រើប្រព័ន្ធសោរ Digital Key 2 អាចបញ្ជាក្នុងការចាស់សោរទ្វារ ដោះសោរ និងបើករថយន្តតាមរយះការបញ្ជាពីស្មាតហ្វូន។ ឡានអគ្គិសនី SUV ស៊េរីថ្មីនេះ មានបណ្តោយតួរខ្លួន  4,615mm/ ទទឹង1,875mm និងកម្ពស់ 1,673mm ជាមួយគម្លាតចន្លោះកង់មុខទៅកង់ក្រោយ 2,750mm។ នៅឃ្លប់គូទក្រោយរបស់ Hyundai Elexio 2026 អាចផ្ទុកទំងន់បាន 506 លីត្រ និងអាចដល់ 1,540 លីត្រនៅពេលបត់កៅអីជួរទីពីរចុះ។

ផ្នែកប្រព័ន្ធសុវត្ថិភាពជំនួយការបើកបរដែលមាននៅលើ Hyundai Elexio 2026 វិញ រួមមានដូចជា ពោងសុវត្ថិភាព 9 គ្រាប់, Remote Smart Park Assist, Autonomous emergency braking, Lane-keep assist, Lane departure warning, Blind sport monitoring with braking, Blind sport camera, Rear cross-traffic alert, Driver attention camera, Adaptive cruise control, Highway driving Assist 2, Side exit assist, 360 camera…ជាដើម៕