ក្នុងឆ្នាំ 2025 ត្រូវបានគេមើលឃើញថា ជាឆ្នាំដែលមានការលំបាកបន្តិចសម្រាប់អាជីពកម្មរថយន្តអគ្គិសនីរបស់ក្រុមហ៊ុន Ford ក៏ប៉ុន្តសម្រាប់ទីផ្សាររថយន្តប្រភេទពាក់កណ្តាលអគ្គិសនីពាក់កណ្តាលម៉ាស៊ីន ឬ Hybrid/Plug-in-hybrid របស់ក្រុមហ៊ុនផលិតរថយន្តអាមេរិកមួយនេះ ហាក់ទទួលបានភាពជោគជ័យល្អដែលទទួលបានតម្រូវការខ្លាំងក្នុងការប្រើប្រាស់។
.jpg)
យោងទៅលើការប្រកាសក្នុងរបាយការណ៍របស់ Ford ថ្មីៗនេះ បានឲ្យដឹងថា ខ្លួនលក់រថយន្តកូនកាត់ ឬ Hybrid/Plug-in-hybrid បានចំនួន 228,072 គ្រឿង នៅសហរដ្ឋអាមេរិកក្នុងឆ្នាំ 2025 ដែលជាការកើនឡើង 21.7% ធៀបនឹងឆ្នាំ 2024។ ចំពោះម៉ូដែលរថយន្តកូនកាត់ (Hybrid) ដែលមានទីផ្សារល្អខ្លាំងជាងគេ និងជា Hero សម្រាប់ការលក់ក្នុងឆ្នាំ 2025 របស់ Ford គឺជាឡាន Pick-up truck ម៉ូដែល Ford F-150 Hybrid ដោយលក់បានចំនួន 85,000 គ្រឿង។ ចំនែកម៉ូដែល Ford Maverick Hybrids ដែលជា Pick up ខ្នាតមធ្យមលក់បានចំនួន 81,000 គ្រឿង។
យោងតាមរបាយការណ៍បានឲ្យដឹងថា បច្ចុប្បន្ន Ford បាននឹងកំពុងធ្វើការអភិវឌ្ឍន៍ផលិតរថយន្ត Hybrid ម៉ូដែលថ្មីដែលជា Facelift year 2026 សម្រាប់ជំនួសម៉ូដែល Ford-F150 Lightning ដែលប្រើអគ្គិសនីសុទ្ធ ដើម្បីរក្សាទីផ្សារសម្រាប់ម៉ូដែល Pick up អគ្គិសនីមួយនេះ ព្រោះថា ក្នុងឆ្នាំ 2025 ទីផ្សាររបស់ F-150 Lightning ហាក់ធ្វើមិនល្អដោយការលក់មានការធ្លាក់ចុះបើធៀបនឹងឆ្នាំ 2024។ ដោយនៅក្នុងឆ្នាំ 2024, Ford F-150 Lightning មានទីផ្សារល្អខ្លាំងដែលអាចលក់បានដល់ចំនួន 33,000 គ្រឿង។
ចំនែកឡានអគ្គិសនី Ford Mustang Mach-E បានរក្សានូវស្ថេរភាពជារថយន្តអគ្គិសនីដែលលក់ដាច់បំផុតមួយនៅក្នុងសហរដ្ឋអាមេរិក ដោយលក់បានចំនួន 51,620 គ្រឿងកាលពីឆ្នាំ 2025 បើទោះបីការលក់រថយន្តអគ្គិសនីប្រចាំឆ្នាំរបស់ Ford មានការថយចុះប្រមាណ 14% ក៏ដោយ។ ក្រុមហ៊ុន Ford បានទទួលស្គាល់ថា អាជីវកម្មរថយន្តអគ្គិសនីរបស់ខ្លួនពិតជាជូបការលំបាកខ្លាំងក្នុងឆ្នាំកន្លងទៅ ប៉ុន្តែ សម្រាប់ឡានប្រភេទ Hybrid និង Plug-in-hybrid វិញ គឺមានទីផ្សារល្អខ្លាំងជាងដៃគូដូចជា MG និង Stellantis ជាដើម៕
