នៅថ្ងៃនេះ Geely Galaxy ដែលជាក្រុមហ៊ុនបុត្រសម្ព័ន្ធរបស់ Geely Auto បានប្រកាសដាក់លក់មុនទៅលើឡាន V900 extended-range MPV នៅលើទីផ្សារប្រទេសចិនហើយ ដោយម៉ូដែលនេះ នឹងគឺនឹងក្លាយជាគូរប្រជែងរបស់ Denza D9 ដែលជាឡាន MVP របស់ BYD កំពុងតែពេញនិយមនៅលើទីផ្សារទៀតផង។ ជាមួយនិងការប្រកាសនេះ Geely Galaxy បានផ្តល់ជម្រើស 3 ដែលមានដូចជា V900 Pro, Max និង Collector Edition ដែលឡានេះទាំងនេះ គឺជាម៉ូដែល all-wheel drive ទាំងអស់។
ការ Pre-sales នៅពេលេនេះ គឺមានតម្លៃចាប់ពី 319,800 យ៉ន់ ($45,730) ទៅ RMB 349,800 យ៉ន់ រហូតដល់ RMB 389,800 យ៉ន់។ Geely Galaxy V900 ម៉ូដែល EREV MPV ថ្មីនេះ ដំណើរការនៅលើម៉ាស៊ីនចំណុះ 1.5L engine បង្កើតកម្លាំងបាន 120 kW ហើយនិងគាំទ្រដោតម៉ូទ័រអគ្គិសនីចំនួន 2 ព្រមទាំងអាចធ្វើល្បឿនពី 0 ទៅ 100 km/h ត្រឹមពេល 6.5 វិនាទី ក៏ដូចជារត់ជាមួយល្បឿនលឿនបាន 190 km/h។
Geely Galaxy V900 ម៉ូដែល EREV MPV ថ្មីនេះ គាំទ្រដោយអាគុយ 43.3 kWh ឬ 50 kWh ដែលសាកពេញម្តងអាចរត់បានចម្ងាយ 220 km ឬ 260 km តាមស្តង់ដារ CLTC។ ចំពោះការចាក់សាំងពេញម្តង និងសាកពេញម្តងអាចរត់បានចម្ងាយ 1,180 km ឬ 1,220 km តាមស្តង់ដារ CLTC។ រីឯការសាកថ្មវិញ គឺសាកពី 30% ទៅលើ 80% តាមរយៈបច្ចេកវិទ្យាសាក fast charging គឺចំណាយត្រឹមតែ 24 នាទីប៉ុណ្ណោះ។
Galaxy V900 មានបណ្តោយតួរខ្លួន 5,360mm/ ទទឹង 1,998mm/ កំពស់ 1,940 mm និងមានគម្លាតកង់មុខទៅកង់ក្រោយ 3,200mm។ ឡាន minivan ថ្មីនេះមានជម្រើសកៅអី 3 ស្មើរនឹង 6 កៅអី និងកៅអី 4 ជួរ ស្មើរនឹង 8 កៅអី។ ដោយម៉ូដែល 6-កៅអី មាននៅសល់ឃ្លប់គូទក្រោយប្រវែង 919mm ខណៈម៉ូដែល 8-កៅអី នៅសល់ប្រវែង 347mm ហើយកៅអីជួរទី 4 អាចកាត់បត់ចុះបានផងដែរ ដើម្បីទទួលបានកន្លែងដាក់អីវ៉ាន់ធំទូលាយ។ Galaxy V900 មានជម្រើសម៉ូដែលប្រើយ៉ានទំហំ 18-inch និង 20-inch ជាមួយឈ្នាន់ជាន់ចំហៀងដំណើរការចេញចូលស្វ័យប្រវត្តិផងដែរ៕
