នៅថ្ងៃនេះក្រុមហ៊ុន Tesla ប្រចាំប្រទេសចិន បានប្រារព្ធព្រឹត្តិការណ៍អបអរការស្វាគមន៍រថយន្តទី 5 លានគ្រឿងនៅក្នុងរោងចក្រផលិតរបស់ខ្លួនក្នុងទីក្រុងសៀងហៃប្រទេសចិន និងជារោងចក្រដែលផលិតរថយន្តគ្រឿងទី 5 លានគ្រឿង។ Tesla គឺជាក្រុមហ៊ុនផលិតរថយន្តអគ្គិសនីធំគេជាងបំផុតរបស់សហរដ្ឋអាមេរិក។ Tesla បាននិយាយនៅក្នុងសេចក្តីប្រកាសព័ត៌មានមួយថា ប្រព័ន្ធបើកបរនៃឡានអគ្គិសនីរួមបញ្ចូលគ្នាបីក្នុងមួយ ឬ three-in-one ដែលបង្កើតឡើងដោយក្រុមហ៊ុន Tesla ដែលរួមមានម៉ូទ័រអគ្គិសនី ប្រព័ន្ធប្រអប់លេខ និងប្រព័ន្ធអាំងវឺរទ័រ បម្រើជា "បេះដូង" ដ៏មានឥទ្ធិពលបំផុតរបស់រថយន្តអគ្គិសនី។
កាលពីថ្ងៃទី 31 ខែកក្កដា ឆ្នាំ 2024 ក្រុមហ៊ុន Tesla បានប្រកាសថា ប្រព័ន្ធបើកបរអគ្គិសនីទី 10 លានរបស់ខ្លួនត្រូវបានដាក់ឱ្យដំណើរការទូទាំងពិភពលោកនៅរោងចក្រ Giga Shanghai របស់ខ្លួន ដែលជាគ្រឿងបន្លាស់ផលិតដោយខ្លួនឯងដំបូងគេដែលសម្រេចបាននូវព្រឹត្តិការណ៍ដ៏សំខាន់នេះ។
Tesla Giga Shanghai Factory គឺជារោងចក្រផលិតរថយន្តអគ្គិសនីធំជាងគេបំផុតនៅទូទាំងពិភពលោរបស់ Tesla ដែលមានសមត្ថភាពផលិតរថយន្តបានចំនួន 1 លានគ្រឿងក្នុងមួយឆ្នាំៗ។ កាលពីថ្ងៃទី 8 ខែធ្នូ ឆ្នាំ 2025 ថា រថយន្តទី 4 លាន របស់ Tesla ត្រូវបានផលិតនៅប្រទេសចិនបានចេញពីខ្សែសង្វាក់ផលិតកម្មនៅរោងចក្រសៀងហៃផងដែរ ហើយរថយន្តទី 4 លានគ្រឿង គឺ SUV ប្រាំមួយកៅអី Tesla Model Y L។
បន្ថែមពីនេះនៅថ្ងៃទី 30 ខែធ្នូ ឆ្នាំ 2025 ក្រុមហ៊ុន Tesla បានដឹកជញ្ជូនរថយន្តអគ្គិសនីទៅកាន់ទីផ្សារសកលដល់ទី ៩ លានគ្រឿង ហើយរថយន្តទី 9 គ្រឿង គឺជាម៉ូដែល Tesla Model Y ដែលបានផលិតនៅក្នុងរោងចក្រ Giga Shanghai Factory ផងដែរ។ នៅក្នុងការលក់ប្រចាំខៃធ្នូ ឆ្នាំ 2025 ទាំងការលក់នៅក្នុងប្រទេសចិន និងការនាំចេញទៅកាន់ទីផ្សារសកលរបស់ Tesla គឺជាមចំនួនសរុប 97,171 គ្រឿងនេះបើយោងតាមទិន្នន័យពីសមាគមរថយន្តដឹកអ្នកដំណើរចិនហៅកាត់ថា CPCA។
តួរលេខនេះ គឺជាលក់ប្រចាំខែបានចំនួនច្រើនបំផុតលើកទីពីរ បន្ទាប់ការលក់បានចំនួន 100,291 គ្រឿងក្នុងខែវិច្ឆិកា ឆ្នាំ 2022។ ដោយឡែកសម្រាប់ការលក់រាយក្នុងទីផ្សារប្រទេសចិនសម្រាប់ខែធ្នូកន្លងទៅ គឺមានចំនួនប្រហែល 94,000 គ្រឿង កើនឡើងប្រហែល 13% ធៀបពីមួយឆ្នាំទៅមួយឆ្នាំ។
គួររំលឹកថា Tesla បានចាប់ផ្តើមការសាងសង់រោងចក្រ Giga Shanghai Factory ក្នុងប្រទេសចិន នៅថ្ងៃទី 7 ខែមករា ឆ្នាំ 2019 និងបានចាប់ផ្តើមប្រតិបត្តិការនៅចុងឆ្នាំ 2019 ដែលជាគម្រោងផលិតរថយន្តអគ្គិសនីដំបូងរបស់ Tesla ដែលគ្រប់គ្រងដោយបរទេសទាំងស្រុងក្នុងប្រទេសចិន។ ក្រុមហ៊ុន Giga Shanghai បានចាប់ផ្តើមនាំចេញរថយន្ត Tesla Model 3 ដំបូងគេទៅកាន់អ្នកប្រើប្រាស់ក្នុងស្រុកចិននៅក្នុងខែមករា ឆ្នាំ 2020និងបានចាប់ផ្តើមនាំចេញម៉ូដែលបន្ទាប់ គឺ Model Y នៅក្នុងខែមករា ឆ្នាំ 2021៕
