Toyota Camry ជំនាន់ទី 9 ម៉ូដែល XV90 ស៊េរីឆ្នាំ 2024 បានបង្ហាញវត្តមានលើកដំបូងក្នុងទីផ្សារតំបន់អាស៊ាន ដោយចាប់ផ្តើមពីទីផ្សារប្រទេសសិង្ហបុរី ក្រោយពីរយះពេល 9 ខែ ដែលម៉ូដែលថ្មីនេះ ត្រូវបានក្រុមហ៊ុនធ្វើការប្រកាសចេញជាសកលកាលពីខែវិច្ឆិកា ឆ្នាំ 2023។
.jpg)
រថយន្តដែលដំណើរការនៅលើប្រព័ន្ធ D-Segment ដ៏មានប្រជាប្រិយភាពរបស់ជប៉ុនមួយនេះ ត្រូវបានក្រុមហ៊ុនធ្វើការចេញលក់តែជម្រើសមួយម៉ូដែលប៉ុណ្ណោះ “Elegance” នៅក្នុងទឹកដីប្រទេសដែនកោះក្នុងតំបន់អាស៊ានមួយនេះនេះជាមួយតម្លៃប្រមាណ SDG246,888 ដែលរួមបញ្ចូលទាំងតម្លៃ COE។
ម៉ូដែល All-new 2024 Toyota Camry ត្រូវបាននាំចូលទៅលក់ក្នុងទីផ្សារប្រទេសសិង្ហបុរីជាមួយជម្រើសម៉ូដែលប្រើម៉ាស៊ីន Hybrid តែមួយប៉ុណ្ណោះ។ ដោយរថយន្តនេះប្រើប្រាស់បំពាក់នូវប្រព័ន្ធម៉ាស៊ីន Hybrid ប្រភេទ 2.5-liter naturally-aspirated inline-four petrol engine ដែលមានកំលាំង 188 សេះ និងកំលាំងរមូល 221Nm គូបផ្សំជាមួយការបំពាក់នូវប្រព័ន្ធម៉ូទ័រអគ្គិសនីមួយដែលមានកំលាំង 136 សេះ និងកំលាំងរមូល 108Nm ដែលសរុបកំលាំងដែល Camry 2024 ធ្វើបាន គឺដល់ 231 សេះ ដែលផ្តល់ថាមពលដំណើរការទាំងអស់ទៅកាន់កង់ខាងមុខទាំងពីរ ឬ FWD (Front-wheel-drive)។
ប្រព័ន្ធម៉ាស៊ីន Hybrid របស់ All-new Toyota Camry 2024 ដំណើរការជាមួយប្រអប់លេខអេឡិចត្រូនិចប្រភេទ CVT និងបំពាក់នូវកញ្ចប់អាគុយអគ្គិសនីតូចជាប្រភេទ Lithium-ion battery។ សម្រាប់កម្រិតស៊ីសាំងរបស់ម៉ាស៊ីន Hybrid ទំហំ 2.5-liter របស់ Toyota Camry 2024 គឺប្រមាណ 5.1L/100km។
លក្ខណៈពិសេសមួយចំនួនទៀតរបស់ Toyota Camry 2024 Hybrid ដែលមានវត្តមាននៅទីផ្សារសឹង្ហបុរី រួមមានចង្កៀងខាងមុខប្រភេទ LED headlamps ជាមួយចង្កៀង daytime-running lights (DRLs), ចង្កៀងកាងក្រោម LED fog lamps, និងចង្កៀងខាងក្រោយប្រភេទ LED tail lights។ រថយន្ត Sedan ដ៏មានប្រជាប្រិយភាពរបស់ជប៉ុនមួយនេះ ប្រើប្រាស់យ៉ាន់កង់ទំហំ 18-inch, មានអេក្រង់បង្ហាញព័ត៌មានរថយន្ត និងអេក្រង់កម្សាន្តទំហំ 12.3-inch ដូចគ្នា ព្រមទាំងគាំទ្រដំណើរការភ្ជាប់ជាមួយកម្មវិធី Apple CarPlay និង Android Auto ថែមទៀតផង។
All-new Toyota Camry 2024 ត្រូវបានក្រុមហ៊ុនធ្វើការបង្កើនទំហំវិមាត្រធំជាងមុនប្រមាណ 35mm ដែលអនុញ្ញាតិឲ្យរថយន្ត Sedan ជំនាន់ថ្មីនេះ អាចផ្ទុកចំនុះបានដល់ 500 លីត្រ។
បន្ថែមពីនេះ All-new Toyota Camry 2024 នៅមានបំពាក់មកជាមួយប្រព័ន្ធបំពងសំឡេងប្រភេទ JBL Speaker ចំនួន 9 គ្រាប់, ប្រព័ន្ធបាញ់បង្ហាញលើកញ្ចក់ខាងមុខ Head-up display, កៅអីខាងមុខមានមុខងារកំនត់ចំនួន 8 របៀបរួមទាំងមុខងារម៉ាស្សា, កៅអីស្បែក Leather upholstery, ប្រព័ន្ធគ្រប់គ្រងម៉ាស៊ីនត្រជាក់ 3 តំបន់ និងដំបូលបើក Panoramic sunroof ជាដើម។
លើសពីនេះទៅទៀត រថយន្តស៊េរីថ្មីនេះក៏មានបំពាក់នូវប្រព័ន្ធ voice assistant system, កន្លែងសាកថ្មស្មាតហ្វូនឥតខ្សែ wireless charging pad រួមទាំងប្រព័ន្ធជំនួយការបើកបរ advanced driver assistance ដែលរួមបញ្ចូលនូវមុខងារពិសេសៗដូចជាប្រព័ន្ធចាប់ហ្វ្រាំងស្វ័យប្រវត្តិ autonomous emergency braking ជាមួយ parking support, មុខងារកំនត់ល្បឿនរថយន្ត adaptive cruise control, មុខងារចាប់គន្លងផ្លូវ lane tracing assist និងមុខងាររំលឹកនៅពេកចាក់ចេញពីគន្លងផ្លូវ lane departure alert, មុខងារ blind spot monitor, traffic sign recognition, ក៏ដូចជាមុខងារកាមេរ៉ា 360-degree surround view monitor ជាដើម។
