ណេតអាយដូលដំបូងគេរបស់កម្ពុជា នៅតែបន្តស្វែងរកអ្នកដែលមានសមត្ថភាព

កាលពីថ្ងៃទី 22 ខែកញ្ញា នេះ ក្រុមហ៊ុន Cake Experiential Cambodia និងក្រុមហ៊ុនសែលកាតបានសហការគ្នាបង្កើតកម្មវិធី ណេតអាយដូលដំបូងគេរបស់កម្ពុជា ដែលជាវេទិការដ៏ទូលាយមួយ ដើម្បីអភិវឌ្ឍន៍សមត្ថភាពយុវជននៅក្នុងព្រះរាជាណាចក្រកម្ពុជា ដែលរង្វាន់នៃជ័យលាភីកម្មវិធីថ្មីនេះគឺមានតម្លៃសរុបរហូតដល់ទៅ 35000 ដុល្លាសហរដ្ឋអាមេរិកដែលបានធ្វើអោយកម្មវិធីមួយនេះ ទទួលបានការចាប់អារម្មណ៍យ៉ាងខ្លាំង។ តាមរយៈនៃសេចក្តីប្រកាសព័តមានរបស់អ្នករោះបចំកម្មវីធីនេះ បានអោយដឹងថា កម្មវិធីណេតអាយដូលដំបូងគេរបស់កម្ពុជា នឹងពន្យាពេលនៃកាលបរិច្ឆេទឈប់ទទួលពាក្យរហូតដល់ថ្ងៃទី 30 ខែកញ្ញា ឆ្នាំ 2017។ តាមរយៈកម្មវិធីបែបជីវិតពិតនេះ នឹងផ្តល់នូវសេចក្តីសង្ឃឹម និងឱកាសបន្ថែមទៀត ដល់គ្រប់គ្នាដែលប្រាថ្នាចង់ក្លាយជាណេតអាយដូលដំបូងគេរបស់កម្ពុជា។

លោក Andy Ong នាយកប្រតិបត្តិនៃក្រុមហ៊ុន Cake Experiential Cambodia បានថ្លែងថា "បន្ទាប់ពីការដាក់អោយដំណើរការដោយជោគជ័យ យើងមានការភ្ញាក់ផ្អើលយ៉ាងខ្លាំងដែលបានឃើញការទទួលបាននូវការគាំទ្រជាវិជ្ជមានរបស់កម្មវិធី Cambodian Net Idol នៅទូទាំងប្រទេស។ ដោយទទួលយកនូវចំណុចនេះ និងការពិតដែលថាគោលដៅរបស់យើងគឺដើម្បីបង្កើតវេទិកាសម្រាប់ណេតអាយដូលក្នុងការអភិវឌ្ឍ និងពង្រឹងនូវសមត្ថភាពពួកគេ យើងចង់ប្រកាសជាផ្លូវការនូវការពន្យារពេលការបរិច្ឆេទនៃការឈប់ទទួលពាក្យ ដើម្បីអនុញ្ញាតឱ្យប្រជាជនកម្ពុជាមានឱកាសក្លាយជាណេតអាយដូលដំបូងគេ។ "  វគ្គសាកល្បង គឺគ្រោងបង្ហាញឡើងនៅ ថ្ងៃទី 4  ខែតុលា ឆ្នាំ 2017ខាងមុខ។

កម្មវិធីនេះ នឹងមានការចាកផ្សាយដោយផ្តាច់មុខនៅលើហ្វេសប៊ុក កម្មវិធីនេះ ជាកម្មវិធីដ៏ប្លែកដំបូងគេនៅកម្ពុជា ដែលស្វែករកយុវជនខ្មែរដែលមានដែលមានសមត្ថភាពខ្ពស់ជាងគេចំនួន 10 រូប ដើម្បីធ្វើការប្រកួតប្រជែងដណ្តើមយកពានរង្វាន់ជាទឹកប្រាក់ កិច្ចសន្យា និងរង្វាន់ផ្សេងៗជាច្រើនទៀត តាមរយៈវិញ្ញាសារ និងវគ្គផ្សេងៗគ្នាចំនួន 9 សប្តាហ៍។ អ្នកដែលគិតថាខ្លួនមានសមត្ថភាពពិតប្រាកដ នឹងត្រូវបានលើកទឹកចិត្តក្នុងការដាក់ពាក្យចូលរួមអោយបានមុនថ្ងៃទី 27 ខែកញ្ញា ឆ្នាំ 2017 នេះ!

ដើម្បីចូលរួមប្រកួតប្រជែង អាចក្លាយខ្លួនជា ណេតអាយដូលកំពូលទាំង 10 នាក់ គឺមានលក្ខខ័ណ្ឌដូចខាងក្រោម៖

1.  ថតវីដេអូដែលថេរវេលា 1 នាទី បង្ហាញនូវអ្វីដែលជាលក្ខណៈពិសេសរបស់អ្នក

2.  បង្ហាញនូវសមត្ថភាពពិសេសរបស់អ្នក! ហើយពន្យល់យើងខ្ញុំថា ហេតុអ្វីទើបអ្នកគិតថាខ្លួនអ្នកនឹងក្លាយជាណេតអាយដូល?

3.  វាយពាក្យ #NetIdolKH នៅក្នុងវីដេអូរបស់អ្នក ដោយភ្ជាប់មកជាមួយឈ្មោះគណនី Instagram ប្រសិនបើមាន

សូមចូលទៅកាន់ទំព័រហ្វេសប៊ុករបស់ Cambodian Net Idol https://www.facebook.com/NetIdolKH/

សម្រាប់ព័ត៌មានលំអិត។ ដាក់ពាក្យចូលរួមថ្ងៃនេះ ដើម្បីកុំអោយឱកាសក្លាយជាណេតអាយដូលរបស់អ្នកកន្លងផុតទៅ!