Microsoft Lumia 550 គឺជាស្មាតហ្វូន Windows 10 Phone ដែលមានតម្លៃធូរថ្លៃដំបូងគេដែលត្រូវបានក្រុមហ៊ុន Microsoft ប្រកាសចេញដំណាលគ្នាជាមួយ Microsoft Lumia 950 Series កាលពីកំឡុងខែតុលា។
បន្ទាប់ពីបានប្រកាសចេញស្មាតហ្វូនស៊េរីថ្មីដ៏ប្រណីតមួយនេះត្រូវបានក្រុមហ៊ុនប្រកាសដាក់លក់ជាលក្ខណៈបញ្ជាទិញតាមបណ្តាបណ្តាញចែកចាយ និងដំណាងលក់រាយតែប៉ុណ្ណោះ។ ប៉ុន្តែដោយឡែកសម្រាប់ពេលនេះ Microsoft Lumia 550 ត្រូវបានក្រុមហ៊ុនប្រកាសចេញលក់ជាផ្លូវការណ៍នៅទីផ្សារសហរដ្ឋអាមេរិក និងអឺរ៉ុបដែលមានតម្លៃប្រហែល 139 ដុល្លារ (តម្លៃជាប់ពន្ធ)។
។ Lumia 550 គឺជាស្មាតហ្វូនដំណើរការដោយ Windows 10 Phone ដែលបំពាក់ដោយកញ្ចក់អេក្រង់ LCD កម្រិត HD720p ទំហំ 4.7 អ៊ីង, ភ្ជាប់មកនូវបន្ទះឈីប Qualcomm Snapdragon 210, មាន RAM ទំហំ 1GHz, ម៉េមូរីម៉ាស៊ីនទំហំ 8 GB មានរន្ធដោតបន្ថែមក្រៅបានទំហំ 200GB និងមានថ្មកំលាំង 2,100 mAh រួមទាំងគុណសម្បត្តិពិសេសៗជាច្រើងទៀតបំពេញបានតាមត្រូវការប្រើប្រាស់ប្រចាំថ្ងៃរបស់លោកអ្នក៕