Samsung ប្រកាសចេញទូរទស្សន៍ស្មាតធីវី ជំនាន់ថ្មីប្រភេទ QLED TV ដ៏ទំនើបសម្រាប់គេហដ្ឋានទាន់សម័យ
កាលពីថ្ងៃទី 16 ខែកុម្ភះ ឆ្នាំ 2017 ដែលទើបកន្លងទៅប៉ុន្មានថ្ងៃនេះ ក្រុមហ៊ុនបិតាបច្ចេកវិទ្យាកូរ៉េខាងត្បូង Samsung Electronics Co.,Ltd បានប្រកាសចេញសមត្ថិផលបច្ចេកវិទ្យាថ្មីៗរបស់ខ្លួនជាច្រើននៅក្នុងព្រឹត្តិការណ៍ “2017 Samsung Southeast Asia and Oceania Forum” ដែលប្រារព្ធធ្វើឡើងនៅប្រទេសសិង្ហបុរី។
នៅក្នុងព្រឹតិ្តការណ៍ដ៏ពិសេសនេះ Samsung ក៏បានណែនាំនូវផលិតផលទូរទស្សន៍ជំនាន់ថ្មីដែលបំពាក់ដោយកញ្ចក់អេក្រង់ប្រភេទ QLED ដំបូងបំផុតចំនួនបីស៊េរីគឺមានស៊េរី Q7, Q8 និង Q9។
Samsung បានឲ្យដឹងថា “ទូរទស្សន៍ស្មាតធីវីជំនាន់ថ្មីនេះ គឺជាការវិវត្តន៍ថ្មីបំផុត ដែលមិនធ្លាប់មានពីមុនមក ព្រោះថា វាត្រូវបានរចនាឡើងយ៉ាងពិសេសដោយបំពាក់មកជាមួយកញ្ចក់អេក្រង់គុណភាពខ្ពស់បំផុតប្រភេទ QLED ដែលមានសមត្ថភាពអាចបង្ហាញចេញនូវផ្ទាំងរូបភាពបានច្បាស់ល្អ 100% ទាំងពណ៌ និងពន្លឺព្រមជាមួយបច្ចេកវិទ្យា និងមុខងារប្រើប្រាស់កាន់តែទំនើបស្របតាមសម័យកាល។
ហើយជាពិសេសកញ្ចក់អេក្រង់របស់ពួកវាក៏បានភ្ជាប់មកជាមួយបច្ចេកវិទ្យា Quantum dot ដែលរឹតតែធ្វើផ្ទៃកញ្ចក់អេក្រង់បង្ហាញចេញផ្ទាំងរូបភាពបានច្បាស់ល្អម៉ដ្ឋខៃមិនស្រអាប់មិនព្រាល និងជាពិសេសវាជួយបង្កើនកម្រិតពណ៌ DCI-P3 កម្រិតពន្លឺរហូតដល់ទៅ 1,500 ទៅ 2,000 dot ថែមទៀតផង។ បន្ថៃមពីនេះ បច្ចេកវិទ្យា Metal alloy Quantum dot ត្រូវបានប្រើប្រាស់ដើម្បីជួយអោយកញ្ចក់អេក្រង់ QLED ធ្វើការផ្លាស់ប្តូរកម្រិតពណ៌ និងពន្លឺដោយស្វ័យប្រវត្តិទៅតាមស្ថានភាព ដូចជា នៅក្នុងល័ក្ខខ័ណ្ឌបន្ទប់មានពន្លឺខ្លាំង ឬក៏ងងឹតជាដើម។ ដូចនេះ លោកអ្នកនៅតែអាចធ្វើការទស្សនាផ្ទាំងទស្សនីយភាពទាំងឡាយនៅលើកញ្ចក់អេក្រង់ស្មាតធីវីជំនាន់ថ្មី បានភ្លឺច្បាស់គ្រប់កាល:ទេស:។
ដោយឡែងសម្រាប់ការដាក់តាំងលម្អក្នុងគេហដ្ឋាន ក្នុងបន្ទប់គេង គឺមានភាពងាយស្រួលបំផុតដោយសារតែ Samsung បានផលិតនៅជើងទម្រដ៏រឹងមាំដែលហៅថា “No Gap Wall-Mount” ចំនួនពីរប្រភេទផ្សេងគ្នា គឺប្រភេទ Samsung Studio Stand ជាជើងទម្របញ្ឈរអាចធ្វើការចល័តទីតាំងបាន និង Samsung Gravity Stand ជាជើងទម្រស្អិតដែលអាចបិទផ្អិបជាប់ទៅនឹងជញ្ជាំង បានតែម្តងដោយមិនចាំបាច់ត្រូវការចោះជញ្ជាំងមូលវ៉ិសឡើយ។ ដូចនេះលោកអ្នកអាចធ្វើការផ្លាស់ប្តូរទីតាំងបាន តាមតម្រូវការជាមួយស្មាតធីវី QLED TVs ជំនាន់ថ្មីរបស់ Samsung ទាំងនេះ៕
TECNO POVA 6 Pro 5G ស្មាតហ្វូនលេងហ្គេមល្អបំផុតតម្លៃក្រោម $300 មានភ្ជាប់ជាមួយនឹងបន្ទះឈីប 5G និងមានថាមពលថ្មប្រើប្រាស់បានយូរ
Huawei បានវិនិយោគទឹកប្រាក់ជាង 1 ពាន់លានយ៉ន់ទៅលើការស្រាវជ្រាវ និងអភិវឌ្ឍនារយៈពេលជាង 10 ឆ្នាំមកនេះ
ក្រុមហ៊ុនហួវៃ ដាក់សម្ពោធ កុំព្យូទ័រ AI HUAWEI Matebook Series D14, D16, B3 និង ឧបករណ៍ WIFI ជំនាន់ចុងក្រោយព្រមគ្នា!
មេក្រុមហ៊ុន Samsung បានប្រកាសបង្កើតនូវសម្ព័ន្ធភាពជាមួយក្រុមហ៊ុន Zeiss នៅក្នុងការផលិតនូវបន្ទះឈីបកម្រិតខ្ពស់!
Ford Ranger ទទួលចំណាត់ថ្នាក់ផ្កាយ 5 ជារថយន្តមានសុវត្ថិភាពបំផុត!
