ក្រុមហ៊ុន Apple មិនចង់ឱ្យលោកអ្នកបំភ្លេចនូវថេប្លេត iPad Pro ឡើយ

នាពេលបច្ចុប្បន្ននេះ ក្រុមហ៊ុន Apple មានថេប្លេត iPad Pro ពីរស៊េរីម៉ូដែល: ម៉ូដែលអេក្រង់ទំហំ 12.9 អ៊ីង (ចាប់ផ្តើមបង្ហាញលក់ចាប់តាំងពីខែវិច្ឆិកា ឆ្នាំ 2015) និងម៉ូដែល 9.7 អ៊ីង (ប្រកាសបង្ហាញវត្តមាននៅក្នុងខែមីនា ឆ្នាំ 2016) ។ ខណៈពេលដែលថេប្លេតទាំងពីរស៊េរីម៉ូដែលនេះហាក់ដូចជាមានរយៈពេលយូរមកហើយ ក្រុមហ៊ុន Apple ពិតជាមិនចង់ឱ្យលោកអ្នកបំភ្លេចនូវថេប្លេតរបស់ក្រុមហ៊ុននោះទេ។ នៅក្នុងសប្តាហ៍នេះ ក្រុមហ៊ុន Apple បានធ្វើការបញ្ចេញនូវវីដេអូក្លីបផ្សាយពាណិជ្ជកម្មចំនួន 4 ខ្លីៗដើម្បីធ្វើការបង្ហាញពីថេប្លេតត្រកូល iPad Pro របស់ខ្លួន។

នៅក្នុងវីដេអូក្លីបខ្លីៗទាំង 4 នេះគឺបង្ហាញពីអត្ថប្រយោធជន៍ជាច្រើននៃការប្រើប្រាស់ថេប្លេត iPad Pro ដូចជាការប្រើប្រាស់នូវថេប្លេតនេះមិនភ័យខ្លាចការឆ្លងមេរោគរបស់ PC ការប្រើប្រាស់ជាមួយនឹងកម្មវិធី Microsoft Words (ការទ្រទ្រង់នូវការប្រើប្រាស់ប៊ិក Apple Pencil) ការប្រើប្រាស់នូវ LTE Connectivity ហើយដំណើរការលឿន និងប្រសើរជាងការប្រើប្រាស់នៅលើកុំព្យូទ័រថែមទៀត។ សម្រាប់វីដេអូទាំងនេះ ក្រុមហ៊ុនApple បានប្រើប្រាស់នូវវត្ថុមួយចំនួនដែលមនុស្សប្រើប្រាស់សម្រាប់ធ្វើការ Tweet នូវសាររបស់ខ្លួនផងដែរ។ ថេប្លេត iPad Pro ទាំងពីរស៊េរីម៉ូដែលនេះ ត្រូវបានគេរំពឹងថា នឹងមានវត្តមានថេប្លេតម៉ូដែលស៊េរីថ្មីជំនាន់បន្ទាប់នឹងធ្វើការបង្ហាញខ្លួននៅឆ្នាំនេះ។ លោកអ្នកត្រូវតែធ្វើការរង់ចាំជាមុនសិន ព្រោះក្រុមហ៊ុន Apple នៅមិនទាន់ប្រកាសបញ្ជាក់អ្វីនៅឡើយទេអំពីថេប្លេតស៊េរីថ្មីរបស់ខ្លួននោះ៕

សូមទស្សនាវីដេអូ៖