គ្រប់ៗគ្នា គឺប្រហែលជាកំពុងតាមដានអំពីទំហំរបស់ទូរស័ព្ទ iPhone ស៊េរីថ្មីសម្រាប់ឆ្នាំ 2017 នេះ ហើយថ្មីៗនេះ ក៏មានរូបភាពបែកធ្លាយជាច្រើនផងដែរ។ នៅក្នុងរូបភាពបែកធ្លាយនេះនៅមិនទាន់ទម្លាយព័ត៌មានអ្វីថ្មីនោះទេ ប៉ុន្តែវាគ្រាន់តែបង្ហាញអំពីទំហំផ្សេងគ្នារបស់ទូរស័ព្ទ iPhone 7s Plus, 7s និង iPhone 8 ។ ពាក្យចចាមអារ៉ាមជាច្រើនអះអាងថា ទូរស័ព្ទ Apple iPhone 8 នឹងមានអេក្រង់ទំហំ 5.8 អ៊ីង ប៉ុន្តែវាមានកម្ពស់ធំជាង និងខ្ពស់ជាងទូរស័ព្ទ iPhone 7s (អេក្រង់ទំហំ 4.7 អ៊ីង) ប៉ុន្តែវាអាចមានទំហំទាបជាងទូរស័ព្ទ iPhone 7s Plus ។
អ្វីដែលគួរឱ្យចាប់អារម្មណ៍ខ្លាំងជាងនេះទៀត ទូរស័ព្ទ iPhone 8 នឹងមានប្រព័ន្ធកាមេរ៉ាភ្លោះបញ្ឈរថែមទៀតផង។ ពាក្យចចាមអារ៉ាមនេះ បន្ថែមថា ក្រុមហ៊ុន Apple ប្រើប្រាស់ប្រព័ន្ធកាមេរ៉ាភ្លោះបញ្ឈរដោយសារទំហំរូបរាងតូចរបស់វា។ ក្រុមហ៊ុនផលិតសម្បកទូរស័ព្ទ Apple ក៏បង្ហាញពុម្ពរបស់ទូរស័ព្ទនេះផងដែរ។
ក្រុមហ៊ុន Apple អាចនឹងសម្ពោធទូរស័ព្ទ iPhone 7s និង 7s Plus ដែលមានទំហំដូចគ្នាទៅនឹងទូរស័ព្ទ iPhone 7 និង iPhone 7 Plus រួមជាមួយនឹងទូរស័ព្ទ iPhone 8 ភ្ជាប់ជាមួយអេក្រង់ OLED និងប្រព័ន្ធកាមេរ៉ា 3D Sensing ។ ទូរស័ព្ទ iPhone 7s និង 7s Plus ត្រូវគេរាយការណ៍ថានឹងបង្ហាញខ្លួនមុន ខណៈពេលទូរស័ព្ទ iPhone 8 អាចនឹងសម្ភោធន៍នៅចុងខែតុលានៅក្នុងចំនួនកំណត់ណាមួយប៉ុណ្ណោះ។ នៅក្នុងកំឡុងពេលដែលពាក្យចចាមអារ៉ាមជាច្រើនកំពុងតែផ្តោតទៅលើទូរស័ព្ទ iPhone 8 ទូរស័ព្ទ iPhone 7s និង 7s Plus នឹងមានការរចនារូបរាងទំហំដូចគ្នាទៅនឹងទូរស័ព្ទ iPhone នាពេលបច្ចុប្បន្ននេះគ្រាន់តែវានឹងផ្លាស់ប្តូរប្រើប្រាស់កញ្ចក់នៅផ្នែកខាងក្រោយវិញ៕